Yahuda 1:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ Tangka̱i á̱niet tyiet a̱ka̱laa bani yet á̱niet kwop a̱dyii̱ng bya ma̱ng tyei á̱ghyang á̱niet a̱bun. Ba̱ ni̱ swan swat khwi di̱dang shyuo vam nang nfwuo mba na chat wa a̱ni. Ba̱ ni̱ tam tazwa á̱pyia̱ mba. Ba̱ ni̱ laai á̱ghyang á̱niet ma̱ng lyen a̱nu, da̱nian ba̱ ka shya̱ kyang ba̱ chat a̱ni.

Yahuda 1:16 Iomraidhean Croise

Luka 15:2

Huhwa A̱fa̱risawa ba ma̱ng a̱yaagwak tyiet doka A̱gwaza ba si̱ kwop a̱dyii̱ng nyia̱, “A̱tyu wuni mun a̱pyia̱ ma̱ng á̱niet á̱ka̱tuk nyia̱, a̱ tsa bu ngya nkyayak dundung ma̱ng a̱mba!”

Luka 19:7

A̱wot á̱niet ba si̱ fa̱k a̱lyia̱ ya. Ba̱ si̱ kwop a̱dyii̱ng nyia̱, “Yesu nat a̱ yet a̱nietchen a̱mali a̱tyu nang á̱ lyen gu yet a̱tyu a̱ka̱tuk nyia̱ ba̱t a̱ni!”

Luka 5:30

A̱wot A̱fa̱risawa ba ma̱ng a̱yaagwak tyiet doka A̱gwaza ba si̱ kwop a̱dyii̱ng ma̱ng byian fwuo da̱ a̱vwuo mman ta̱m Yesu na nyia̱, “Yihwa mbyia̱ nyi ngya tsa nswuo ma̱ng á̱niet saai kurum ga̱ndu, mbeang á̱niet a̱ka̱tuk nyia̱ á̱ghyang?”

Yoona 6:41

Huhwa a̱cha̱chet A̱yahudawa ba si̱ ta̱bat ya fwuang ma̱ng Yesu, mat nang gu nnyia̱, “Nung gwa ngyet kyayak hu neet Ma A̱gwaza tswazwa ka a̱ni.”

Yoona 6:61

Ma̱nang Yesu ndyen nang mman ta̱m nggu na ngya fwuang mi̱ nfwuo mba na tazwa tyiet gu hu a̱ni. Huhwa gu nyia̱ ma̱ng a̱mba, “A̱lyiat nani byian nyin nfwuo a?

1 A̱korontiyawa 10:10

A̱wot zi̱ yok kwop a̱dyii̱ng, ma̱nang á̱ghyang á̱niet ma̱ a̱mba ku nnyia̱ a̱ni bah. A̱wot a̱ta̱m tswa hyaai á̱niet, si̱ hyaai mbaa.

A̱ga̱la̱tiyawa 5:16

Kyang hu n dyiat ma̱ng a̱nyin a̱ni, huhwa yet; nyi yok A̱za̱za̱rak Ntswa wu a̱ kwak nyin a̱son mi̱ swat nyin hu. Ka̱ nyi nyia̱ a̱nia, nyi si̱ mi̱n nyia̱ kyang nang za̱kwa a̱ka̱tuk nyia̱ nyin ji fwuong di̱dang a̱ni bah.

A̱ga̱la̱tiyawa 5:24

A̱mgba̱m á̱niet ba̱ mun á̱pyia̱ ma̱ng Kristi Yesu a̱ni, ba̱ ka̱n kpang nta̱m za̱kwa a̱ka̱tuk nyia̱ mba na, ma̱ng a̱di̱di̱t a̱ka̱tuk fwuong di̱dang mba wu, da̱ a̱team a̱khwu Kristi wu.

A̱filibiyawa 2:14

Kuzang ta̱m hwa nang nyi na nyia̱, nyi ni̱ ngyok kwop a̱dyii̱ng ma̱ng ya fwuang bah.

1 A̱ta̱solonikawa 4:5

Nyi yok nyia̱ a̱ka̱tuk nshyuo vam nang nnwap na̱ chyi A̱gwaza ni̱ nnyia̱ a̱ni bah.

1 Timoti 6:5

Á̱niet a̱bya la̱u a̱di̱di̱t nyia̱ fi̱p da̱ a̱vwuo á̱niet ba̱ byia̱ a̱ka̱tuk nfwuo a̱ni. Ba̱ si̱ mi̱n fi̱k vak a̱chuchuk hu bah. Ba̱ dam á̱ ngyei khwi A̱gwaza hu yet vak shyat kurum hwa.

2 Timoti 4:3

Mat jen na bai nang á̱niet na ndak fa̱k a̱tsatsak tyiet a̱ni. Da̱ a̱kwonu a̱kya, ba̱ khwi shyuo nfwuo mba na. Ma̱nang a̱fufwuo mba ba nsweang a̱ni, ba̱ na khwi á̱niet tyiet nang ba̱ chat a̱ni.

1 Bitut 1:14

Ku yet ta hwa nyi swan nang mman A̱gwaza na̱ khwi a̱lyiat nggu na a̱ni. Nyi yok khwi swat mi̱ ndyin di̱n jen swak nyin ji bah. Swat a̱hwa ku yet nyinyang shyuo vam nyin hwa.

1 Bitut 2:11

Nyin á̱niet khwi Yesu ba nang n chat a̱ni, n gba nyin á̱niet nyi yet á̱nietchen ma̱ng á̱niet ba̱ bai a̱na̱nda da̱ a̱bada̱dei njen mi̱ swanta huni a̱ni. Nyi yok ghwon a̱ka̱tuk nshyuo swanta wu, a̱ nyia̱ zwang mi̱ fwuo nyin na bah.

1 Bitut 4:2

Nang ku ndi a̱nia a̱ni, nyi yok khwi shyuo vam ma̱ á̱kum swuan nyin ka mi̱ swanta hu bah. Da̱ a̱kwonu a̱kya, nyi fa̱k di̱dang nyia̱ ta̱m hwa nang A̱gwaza chat a̱ni.

2 Bitut 2:10

Shi̱ri̱ya nang A̱gwaza na nyia̱ á̱niet ba̱ khwi a̱ka̱tuk shyuo nvam ji̱ tyei mba a̱na̱ndyung a̱ni, ma̱ng á̱si̱ ba̱ jhyuai tyok nggu hu a̱ni, ji̱ na swak ma̱ng byia̱ chet. Á̱niet tyiet bwoi a̱ka̱laa bani yet á̱niet lak fwuong bya ma̱ng gba̱p a̱pyia̱. A̱wot da̱ mba, ba̱ fwuong a̱wun kyang bah. Ba̱ lyiat tswá ji̱ byia̱ shi Ma A̱gwaza tswazwa a̱ni lihyat.

2 Bitut 2:18

Á̱niet tyiet bwoi a̱ka̱laa a̱bya tam da̱ á̱pyia̱ mba ma̱ng a̱tai a̱lyiat. A̱wot ba̱ ghwon á̱niet ba̱ khwi shyuo nvam mba ji, ku tyia̱ ba̱ nwuo a̱shi̱shi̱k nyia̱ nang a̱ka̱la̱m a̱ni. A̱ni wa ba̱ ndaai á̱niet ba, ba̱ sii tsa ghwut ma̱ á̱niet ba̱ nyia̱ a̱ka̱tuk a̱ni.

2 Bitut 3:3

Kyang nyiung nang n chat n jhyung nyin a̱ni, huhwa yet; di̱ ngaan njen wu, nang Yesu ka̱n bwuok a̱ bai bah, á̱niet na ghwut ba̱ mai á̱niet khwi ba di̱ lihyat tazwa bwuok bai Yesu hu. A̱wot ba̱ na khwi a̱ka̱tuk shyuo nfwuo mba wu.

Yahuda 1:15

Da̱nian gu ka nyia̱ shi̱ri̱ya nggu ji tazwa a̱mgba̱m á̱niet mi̱ swanta ba. A̱ na tak a̱bun a̱mgba̱m á̱niet ba̱ lak khwi nggu a̱ni, mat a̱mgba̱m a̱ka̱tuk nyia̱ nang ba̱ nyia̱ ba̱ njhyuai tyok nggu hu a̱ni; a̱wot mat a̱mgba̱m lihyat nang á̱niet nwai khwi nggu ba, ba̱ yet á̱niet a̱ka̱tuk nyia̱, ka̱n dyiat tazwa nggu a̱ni.”

Yahuda 1:18

Ba̱ ku tak ma̱ng a̱nyin nyia̱, “Di̱ ngaan jen wu, á̱ na byia̱ á̱niet ba̱ na jhyuai Tyok A̱gwaza hu ma̱ng a̱nyin a̱ni. Ba̱ fa ba̱ khwi shyuo vam á̱pyia̱ mba ji, ji̱ nwai yet si̱ khwi A̱gwaza a̱ni.”