Yahuda 1:12 - A̠lyiat A̠gwaza na di̠n Tyap: A̠li̠ka̠uli A̠fai

¹² Jen nang á̱niet tyiet a̱ka̱laa bani mbang á̱ nwuai ba̱ ya kyayak mun á̱pyia̱ ma̱ng a̱nyin da̱ a̱di̱dam chat A̱gwaza a̱ni, ba̱ ni̱ tam, a̱wot da̱ mba ba̱ fwuong nsum bah. Ba̱ yet á̱ka̱tuk nang nfang mami a̱sa̱khwot na̱ na tyia̱ nyi ga̱u, nyi kwa nang kukwon a̱wak ni̱ nkwa di̱ nfang mami a̱sa̱khwot a̱ni. Ba̱ bu li nang á̱niet chok zón seap ba̱ sang nsum. Ba̱ chok ma̱ pyipyia̱ mba hwa. Ba̱ si̱ kai zón seap ji á̱ ghwon a̱ni. Ba̱ bu li nang á̱ni̱nian nang wun hyap á̱ kat di̱ mi̱n va za a̱ni. Ba̱ yet á̱buk á̱niet bya ba̱t. Ba̱ li nang a̱ka̱kwon na̱ kwi mi̱ njen a̱won, mat na̱ tyei sum bah. A̱wot á̱ si̱ nga a̱ka̱kwon a̱nia ma̱ng á̱ni̱nan ba á̱ weam a̱ni.

Yahuda 1:12 Iomraidhean Croise

Matyu 13:6

A̱wot nang mam ntat jenjai a̱ni, yak hu si̱ shyuk ku si̱ khwu, mat á̱ni̱nan yak ba nwuo a̱byin shansham bah.

Matyu 15:13

Yesu si̱ nwuak ba shim nyia̱, “Kuzang a̱kwon da̱nang A̱tyia̱ nung wu a̱ shya̱ tswazwa kya a̱ni ti̱p ka bah, á̱ na ngat kaa.

Ma̱rkut 4:6

A̱wot nang mam ntat jenjai a̱ni, yak hu si̱ shyuk, mat á̱ni̱nan ba nwuo a̱byin shansham bah.

Luka 12:45

“A̱wot da̱ a̱kwonu a̱kya, ka̱ a̱khwo wu nyia̱ a̱di̱dam mi̱ nfwuo nggu, nyia̱, ‘A̱tyoli nung wu na bwuok a̱nggang bah. A̱ na labeang!’ A̱wot a̱ si̱ ta̱bat tsot á̱kum á̱khwo ka, a̱ si̱ byian jen di̱ ya a̱ tsa nswuo ma̱ng á̱niet hyeng a̱kan á̱ghyang;

Luka 16:19

Yesu si̱ bu nyia̱, “A̱tyu nzwá wa swan, a̱ si̱ khwi a̱sham a̱shong a̱cha̱chet a̱yaatoot ma̱ng á̱si̱ mami ba̱ byia̱ kurum a̱ni. A̱wot a̱ si̱ swan, a̱ swuo nyinyang kuzang a̱tuk.

Luka 21:34

“Mat a̱nia, nyi cham á̱pyia̱ nyin! Nyi yok ghwon nfwuo nyin na na̱ tyia̱ kpa̱p, mat hyeng a̱kan, a̱fi̱fa swanta wu, tsot wun, ma̱ng a̱shi̱shi̱k nyia̱ nang a̱ka̱la̱m a̱ni bah. Nyi yok shim mam a̱hwa ku bai nyin gba̱ngba̱ng di̱ mi̱ lyen,

Luka 8:6

“Zwá yak jhyang si̱ kwa̱i mi̱ kukwak. Nang ji̱ ba̱ nta a̱ ghwut a̱ni, ji̱ si̱ shyuk, mat a̱byin ka byia̱ ghwok bah.

A̱fisawa 4:14

Ka̱ a̱nia wa, zi̱ bu yok nyia̱ nang a̱bachyuang mman na̱ nwai tat á̱ghyi a̱ni bah. Da̱ á̱niet tyiet bwoi a̱ka̱laa ba̱ na bwan nzi̱t ma̱ng kuzang tangka̱i tyiet fai bwoi a̱ka̱laa mba hu, nang wun ni̱ nhyap ja̱fi̱k a̱sa̱khwot ji a̱kibwan ndyo a̱ni bah. A̱wot di̱ tyiet á̱niet bwoi a̱ka̱laa hu si̱ mi̱n daai nzi̱t; zi̱ ghwon a̱tsatsak a̱lyiat wu, mat a̱ka̱laa ma̱ng mumwang mba hu, ku tai a̱tsatsak a̱lyiat a̱ni bah.

A̱filibiyawa 3:19

Di̱ ngaan hu, A̱gwaza na bwuk ma̱ng a̱mba. Mat a̱gwaza mba wu yet shyuo nvam ja. Ba̱ tam di̱ nyian nkyang nsum. Kuzang a̱di̱dam nang ba̱ nyia̱ a̱ni, yet a̱si̱ fwuong di̱dang nkyang swanta nani nia.

1 Timoti 5:6

A̱wot a̱byii̱k nang a̱tyok nggu wu ka̱n khwu a̱ si̱ tyia̱ a̱pyia̱ nggu di̱ chat fa̱k nyinyang hwa ma̱nyin hu a̱ni, a̱ li nang kwom a̱ni mi̱ tswa nggu ji, ku nang gu ni̱ swuan.

Ibriniyawa 13:9

Mat a̱nia, nyi yok khwi kuzang tangka̱i tyiet fai, ku vwuon ma̱ng A̱sham Nkhang ka a̱ni bah. Tangka̱i tyiet fai ku na tyia̱ nyi nteap, nyi ghwon a̱tsatsak nvak wu a̱ni. A̱wot khwi taada ya ntangka̱i nkyayak ma̱ a̱di̱di̱t ku ni̱ beang nzi̱t bah. Shok A̱gwaza ja tyei nfwuo nzi̱t na chet.

Yakubu 5:5

Nyin á̱niet nzwá, nyi wa ka̱n nyia̱ ndyia̱ ma̱ a̱di̱di̱t mami nyinyang swanta hu. Nyi si̱ swa̱i di̱ si̱sak nang nyi nchat a̱ni. Nyi ya, nyi si̱ tyia̱ nvam nfwuong mam nang á̱ na nyia̱ nyin shi̱ri̱ya, á̱ hyaai nyin nang á̱ ni̱ nfak nyák a̱ni.