Yahuda 1:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ A̱wot á̱niet tyiet a̱ka̱laa bani ni̱ jhyuai, ba̱ nyia̱ lihyat di̱ nkyang nang ba̱ nwai fi̱k a̱ni. Ba̱ li nang nyam a̱yit ba̱ sang a̱di̱dam a̱ni. Ba̱ ni̱ nyia̱ kuzang kyang da̱ a̱ka̱nyiung nang fwuo mba na fuut ba, ba̱ nyia̱ a̱ni. Nang ba̱ nnyia̱ nkyang nani a̱ni, ba̱ kwak pyipyia̱ mba a̱khwu kya.

Yahuda 1:10 Iomraidhean Croise

A̱romawa 2:14

Ku nang Nnwap na̱ nwai yet A̱yahudawa nsang doka nang á̱ lyuut a̱ni, a̱mgba̱m ma̱ng a̱nia, jen jhyang na̱ ni̱ nyia̱ kyang hu doka ji tak a̱ni, di̱ si̱sak nang nfwuo mba na nchat a̱ni. Si̱ a̱hwa tak nang ba̱ ngyet á̱niet ba̱ byia̱ doka A̱gwaza ji mi̱ nfwuo mba na, a̱wot ba̱ si̱ lyen ji, ku nang ba̱ mbyia̱ doka nang á̱ lyuut mba ndyo a̱ni bah.

A̱filibiyawa 3:19

Di̱ ngaan hu, A̱gwaza na bwuk ma̱ng a̱mba. Mat a̱gwaza mba wu yet shyuo nvam ja. Ba̱ tam di̱ nyian nkyang nsum. Kuzang a̱di̱dam nang ba̱ nyia̱ a̱ni, yet a̱si̱ fwuong di̱dang nkyang swanta nani nia.

2 Bitut 2:12

A̱wot á̱niet tyiet a̱ka̱laa bani li nang nyam a̱yit ji̱ sang a̱di̱dam a̱ni. Ba̱ nyia̱ kyang nang nvam mba na tak ba, ba̱ nyia̱ wa a̱ni. Ma̱nang nyam a̱yit a̱ni, á̱ mat ba da̱nian á̱ ka ya̱baat ba á̱ fak mameang. Ba̱ lyiat á̱ghyang á̱niet lihyat di̱ tyiet da̱nang ba̱ fi̱k a̱ni bah. A̱wot á̱ na hyaai mba ma̱nang nyam a̱yit a̱ni.