Yahuda 1:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nung Yahuda, a̱khwo Yesu Kristi, n gyet a̱na̱nyiuk Yakubu. Nung gwa n dyuut nyin wusika jini. N dyuut nyin, a̱mgba̱m á̱niet ba nang A̱gwaza a̱ yet A̱tyia̱ yei a̱ni; á̱si̱ ba ba̱ bu mun á̱pyia̱ ma̱ng a̱nggu A̱gwaza, a̱ yet A̱tyia̱ wu a̱ chat ba ba̱t, a̱ si̱ bu tyia̱ mba mbwak Yesu Kristi gu ka chok ba a̱ni.

Yahuda 1:1 Iomraidhean Croise

Matyu 10:3

Filibut, Ba̱tolomi, Toma, Matyu, a̱tyu saai kurum ga̱ndu. Yakubu a̱fai A̱lfayat, ma̱ng Tadiyut.

Matyu 13:55

A̱wot ba̱ si̱ mai Yesu mai lihyat. Ba̱ si̱ nyia̱, “Nggu wa yet nggwon a̱tyu shap nkyang ka baa? A̱yang nggu wa á̱ ngyei Ma̱ryamu wu baa? A̱wot á̱na̱nyiuk á̱sam nggu ba, bibya yet Yakubu, Yosi, Siman ma̱ng Yahuda baa?

Ma̱rkut 3:18

Anda̱rawut, Filibut, Ba̱tolomi, Matyu (á̱ bu ngyei La̱wi a̱ni), Toma, Yakubu a̱fai A̱lfayat, Tadiyut, Siman (nang á̱ ngyei Za̱loti a̱ni),

Ma̱rkut 6:3

A̱tyu wuni wa yet a̱tyu shap nkyang wu baa? Nggu wa yet nggwon Ma̱ryamu, a̱ bu yet a̱na̱nyiuk Yakubu, Yosi, Yahuda, ma̱ng Siman baa? Á̱na̱nyiuk á̱nap gu bibya shya̱ a̱ji ma̱ng a̱nzi̱t baa?” A̱wot ba̱ si̱ lak fa̱k gu hu.

Luka 6:16

Yahuda (a̱fai Yakubu wu), ma̱ng Yahuda Iska̱riyoti (a̱tyu a̱ ku yet a̱bang a̱byin wu a̱ni).

Yoona 12:26

Konyan wa nyia̱ nung ta̱m a̱ni, ku yet ta hwa gu khwi nung. Mat a̱mgba̱m a̱vwuo ka nang n shya̱ a̱ni, a̱ja wa nang a̱khwo nung wu na nshya̱ dundung ma̱ng a̱nung. A̱tyia̱ nung wu mameang, na nwuak a̱tyu a̱ nyia̱ nung ta̱m a̱ni shi.”

Yoona 14:22

Yahuda a̱ghyang (kang ma̱ng Yahuda Iska̱riyoti wu), a̱ si̱ lyip Yesu nyia̱, “Nwan A̱tyoli, yihwa mbyia̱ a na ntyai a̱pyia̱ ang da̱ a̱vwuo nzi̱t kya ma̱nyin zi̱t, kang ma̱ng á̱niet mi̱ swanta ba?”

Yoona 15:16

“Nyin bya ku khai nung bah. Nung gwa ku khai nyin. N si̱ ntyia̱ nyin, nyi nat nyi tyei sum ma̱ a̱di̱di̱t. Sum hu ku na labeang a̱ni. Huhwa na mbyia̱, A̱tyia̱ wu a̱ nang nyin a̱mgba̱m nkyang nang nyi naai mami a̱lyoot nung ka a̱ni.

Yoona 17:15

N naai ang da̱nian a ka kyiak ba ghwut ndyo mi̱ swanta huhwa bah. N naai da̱nian a ka chok ba wa, kalak A̱ta̱nyeang ka ka̱ bwuk ma̱ng mba.

Yoona 17:17

“Ja̱u mba ma̱ng a̱chuchuk wu, a̱wot a bu tyiet mba á̱lyiat ang na; ni̱nia yet a̱chuchuk wu.

Yoona 17:19

Mat bibya mbyia̱ n ja̱u a̱pyia̱ nung di̱ nyia̱ ta̱m, da̱nian mba mameang á̱ ka ja̱u mbaa ba̱ nyia̱ ta̱m shansham mami a̱chuchuk.

Yoona 6:39

“Ta̱m A̱tyu a̱ ta̱m nung a̱ni, huhwa yet; ki̱ di̱ a̱tyo nyiung gu di̱ bwuk mami á̱niet nang gu nwuak nung a̱ni. A̱wot n ba̱ nta̱ngam mba ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.

Nta̱m A̱yaata̱m 1:13

Nang ba̱ ku si̱ nnwuo a̱keang Urusha̱lima ka a̱ni, ba̱ si̱ nyeak á̱ nat ma̱ a̱gba̱ndang nyuo a̱mali tazwa ka nang ba̱ ku nswan a̱ni. A̱yaata̱m bani bya ku yet: Bitut, Yoona, Yakubu ma̱ng Anda̱rawut, Filibut ma̱ng Toma, Ba̱tolomi ma̱ng Matyu, Yakubu a̱fai A̱lfayat ma̱ng Siman (nang á̱ ngyei Za̱loti a̱ni,) mbeang Yahuda a̱fai Yakubu wu.

Nta̱m A̱yaata̱m 20:32

“A̱wot ma̱ninika, n neap nyin mbwak A̱gwaza. Yok A̱sham Nkhang shok nggu ka, ka̱ byia̱ chet nok nyin a̱ni, ka̱ bu nwuak nyin gado dundung ma̱ng a̱mgba̱m á̱za̱za̱rak á̱niet nang gu khap a̱ sak a̱pyia̱ nggu ndyo a̱ni.

Nta̱m A̱yaata̱m 27:23

Mat a̱tyetuk shunshyung, A̱gwaza nang n kwok nggu tong a̱ni ku ta̱m a̱ta̱m tswa nggu wu si̱ bai da̱ a̱vwuo nung.

A̱romawa 1:1

Nung Bulut, a̱khwo Kristi Yesu, nang A̱gwaza khai n gyet a̱ta̱m, a̱wot a̱ si̱ ta̱m nung n shei A̱sham Nkhang ka a̱ni, nung gwa dyuut nyin wusika jini.

A̱romawa 1:6

A̱wot nyin á̱niet khwi nyi shya̱ ma̱ a̱keang Rom ka a̱ni, nyi mun yet á̱niet mami Nnwap na̱ nwai yet A̱yahudawa a̱ni mi̱ swanta hu nang á̱ yorong na̱ yet á̱si̱ Yesu Kristi a̱ni.

A̱romawa 16:18

Tangka̱i á̱niet tyiet a̱ka̱laa bani nyia̱ Kristi A̱tyoli nzi̱t wu ta̱m hwa bah, ba̱ nyia̱ á̱pyia̱ mba kya ta̱m hu. Ba̱ ni̱ myiai nunu, ba̱ fak a̱ka̱laa. A̱ni wa ba̱ ndaai á̱niet ba ba̱ byia̱ a̱di̱dam nang mman a̱ni.

A̱romawa 6:22

A̱wot ma̱ninika, nang á̱ nti̱n nyin mbwak tyok a̱ka̱tuk nyia̱, nyi si̱ shya̱ shot, nyi yet á̱sa̱t á̱niet a̱ni. Nyi bu yet á̱khwo A̱gwaza bya. Ma̱ninika, nyi nyia̱ nkyang na̱ na tyei nyin yet a̱za̱za̱rak á̱niet, a̱wot na̱ nwuak nyin swuan sang sangba̱p a̱ni.

A̱romawa 8:30

A̱wot á̱niet ba nang A̱gwaza khai a̱ni, bibya gu yorong ba̱ bai da̱ a̱vwuo nggu. A̱wot á̱niet ba nang gu yorong a̱ni, a̱ si̱ tak kpa̱sai nang gu nkyiak mbaa á̱tsotswat á̱niet ma̱ng sang a̱bun a̱zaghyi nggu. A̱wot á̱niet ba nang gu tak kpa̱sai nang gu nkyiak mba á̱tsotswat á̱niet ma̱ng sang a̱bun a̱zaghyi nggu a̱ni, a̱ si̱ nang mba a̱kyenkyai shi nggu wu.

A̱romawa 9:24

Zi̱ mun shya̱ ma̱ á̱niet a̱bya, nzi̱t á̱niet A̱gwaza khai a̱ni; ma̱ A̱yahudawa bya ma̱nyin mba bah, a̱wot mbeang á̱niet ba̱ yet Nnwap na̱ nwai yet A̱yahudawa a̱ni.

1 A̱korontiyawa 1:2

N dyuut sot á̱niet khwi A̱gwaza ba̱ shya̱ Korinti a̱ni wusika jini; nyin bya yet á̱niet ba nang A̱gwaza yorong ba̱ yet á̱za̱za̱rak á̱niet nggu a̱ni. A̱gwaza tyia̱ nyin nyi si̱ yet á̱za̱za̱rak á̱niet di̱ mun á̱pyia̱ nyin ma̱ng Kristi Yesu; ma̱nang gu ku nnyia̱ ma̱ng a̱mgba̱m á̱niet ba̱ shya̱ koji á̱ dyep a̱lyoot Yesu Kristi, a̱ yet A̱tyoli nzi̱t wu, ma̱ng á̱si̱ mba wu a̱ni.

1 A̱korontiyawa 6:11

Á̱ghyang á̱niet ma̱ nyin ku nyia̱ a̱nia mi̱ njen nang nyi ku nwai yet á̱niet khwi a̱ni. A̱wot á̱ si̱ kwi nyin. Á̱ si̱ jaat nyin, nyi si̱ tyia̱ za̱za̱rak. A̱gwaza si̱ bu tak kpa̱sai nang gu nkyiak nyin nyi yet á̱tsotswat á̱niet sang a̱bun a̱zaghyi nggu. Mat nyi yei a̱lyoot A̱tyoli Yesu Kristi, ma̱ng chet A̱za̱za̱rak Ntswa hu.

A̱fisawa 5:26

Da̱nian gu ka neap á̱niet khwi ba mbwak Tyok A̱gwaza; ba̱ yet á̱za̱za̱rak á̱niet nang gu jaat ma̱ng a̱sa̱khwot ma̱ng a̱lyiat nggu na a̱ni.

1 A̱ta̱solonikawa 2:12

Zi̱ ku gba nyin. Zi̱ si̱ tyia̱ nyin gba̱gbak. Zi̱ si̱ yong nyin si̱sak ji nyi na nswan swat ku myim A̱gwaza a̱ni, a̱tyu a̱ yei nyin mami tyok nggu hu ma̱ng a̱kyenkyai shi nggu wu a̱ni.

1 A̱ta̱solonikawa 5:23

Ma̱ninika, yok A̱gwaza ma̱ a̱pyia̱ gu a̱ nwuat swat nyinyang a̱ni, gu jaat a̱mgba̱m nyin nyi yet a̱za̱za̱rak a̱jhyem. Yok á̱ bu tyia̱ a̱mgba̱m tswá nyin ji, nfwuo nyin na, ma̱ng nvam nyin na, na̱ sang a̱bun, si̱ nat jen ji nang A̱tyoli nzi̱t wu, Yesu Kristi, na mbwuok a̱ bai a̱ni.

2 Timoti 1:9

Nggu wa san zi̱t, a̱ si̱ yei nzi̱t zi̱ ka swan a̱za̱za̱rak nswat. A̱ san zi̱t mat kyang nang zi̱ nyia̱ wa a̱ni bah; a̱wot da̱nian la̱p sak gu hwa ma̱ng shok nggu ji. A̱ ku nyia̱ zi̱t shok jini da̱ a̱vwuo Kristi Yesu, neet nang á̱ ka̱n mat swanta hu bah.

2 Timoti 4:18

A̱tsak a̱lyiat, A̱gwaza wu na ti̱n nung di̱ kuzang a̱ka̱tuk mak A̱ta̱nyeang. A̱wot a̱ na chok nung shansham a̱ nat ndyo tswazwa mi̱ Tyok nggu hu. Da̱ a̱vwuo nggu kya nang a̱kyenkyai shi nshya̱, si̱ nat sang sangba̱p. Samba̱rka!

Ibriniyawa 3:1

Mat a̱nia, nyin á̱na̱nyiuk nung ba nyi yet á̱za̱za̱rak á̱niet khwi Yesu, a̱wot nyi si̱ bu yet á̱kpa̱ndang ta̱m nang A̱gwaza yorong nyi nwuo tyok tswazwa hu a̱ni; nyi nyia̱ a̱di̱dam shansham tazwa Yesu, a̱tyu nang zi̱ shei a̱ yet a̱ta̱m A̱gwaza. A̱ si̱ bu yet A̱gba̱ndang Pris a̱ni.

Yakubu 1:1

Nung Yakubu, n gyet a̱khwo A̱gwaza ma̱ng A̱tyoli Yesu Kristi a̱ni. N dyuut wusika jini nat ndyo da̱ a̱vwuo kwaí swak ma̱ a̱feang á̱niet Isi̱rela, ba̱ yet á̱niet khwi Yesu ba̱ seang á̱ kai swanta hu a̱ni.

1 Bitut 1:2

Neet gbangbang, A̱gwaza a̱ yet A̱tyia̱ a̱ni, lyen nyin a̱ si̱ khai nyin. A̱wot A̱za̱za̱rak Ntswa wu si̱ jaat nyin, nyi si̱ tyia̱ za̱za̱rak. Mat a̱nia, nyi si̱ khwi Yesu. A̱wot á̱ si̱ shum nyin ma̱ng a̱sok Yesu Kristi na, á̱ ka jaat nyin. Yok A̱gwaza a̱ fa̱k shok nyin, a̱ nang nyin swat nyinyang gba̱mgbam.

1 Bitut 1:5

A̱wot mat si̱sak nang zi̱ nnwuak fwuo da̱ A̱gwaza a̱ni, a̱ si̱ chok zi̱t ma̱ng chet nggu hu, si̱ nang zi̱ nsan swuan sang sangba̱p ngaan ji, nang gu sak a̱ na tyai kpa̱sai, konyan a̱ ka lii da̱ ngaan jen wu a̱ni.

1 Bitut 2:9

A̱wot nyi li a̱nia bah, mat nyi yet kwai nang A̱gwaza khai a̱ni. Nyi yet a̱yaapris a̱gba̱ndang A̱gwam, a̱za̱za̱rak nwap, ma̱ng á̱niet ba̱ yet a̱si̱ A̱gwaza a̱ni. Mat a̱nia, nyi na tak á̱ghyang á̱niet a̱cha̱chet a̱tan nkyang a̱ga̱de nang A̱gwaza nyia̱ a̱ni. Mat A̱gwaza yorong nyin a̱ ghwut ndyo mi̱ ndyin a̱ nat ndyo ma̱ a̱kyenkyai sai nggu wu.

1 Bitut 5:10

A̱wot A̱gwaza a̱ byia̱ a̱mgba̱m shok a̱ni, nggu wa yorong nyin nyi ya gado mi̱ a̱kyenkyai shi sang sangba̱p nggu wu mami a̱lyoot Kristi. Mat a̱nia, ka̱ nyi swuo a̱bung da̱ a̱banjen ma̱ a̱da̱dei, a̱ na bwuok ma̱ng a̱nyin kuzang kyang, a̱ beang nyin, a̱ byia̱k nyin, a̱ tyia̱ nyin chet. A̱wot a̱ kpaat nyin di̱ kuntyin ku byia̱ chet a̱ni.

2 Bitut 1:1

Nung, Siman Bitut, a̱khwo ma̱ng a̱ta̱m Yesu Kristi, n dyuut nyin wusika jini, nyin á̱niet ba nyi san a̱tsatsak nwuak a̱chuchuk cha̱chaat ma̱ng a̱nzi̱t a̱ni. Á̱ ku nang nyin nwuak a̱chuchuk huni, mat a̱chuchuk ma̱ng tsotswat Yesu Kristi a̱ yet A̱gwaza ma̱ng A̱tyusan nzi̱t wu a̱ni.

Yahuda 1:21

Nyi bu ni̱ nchok á̱pyia̱ nyin. Nyi yong mi̱ chet mami chat A̱gwaza hu. Nyi bu ni̱ nswan, nyi fwuong jen nang A̱tyoli Yesu Kristi na mbwuok a̱ bai, da̱nian zi̱ ka swuan si̱ nat sang sangba̱p dundung ma̱ng a̱nggu, mat nang gu nfwuong kunak zi̱t a̱ni.

Yahuda 1:3

Nyin á̱kpa̱ndang nung ba nang n chat a̱ni, ku nang n da̱p sak n dyuut nyin wusika jini tazwa san sang sangba̱p nang zi̱ byia̱ mami Yesu a̱ni. A̱wot ma̱ninika, n si̱ bu ndi ku yet nung ta hwa n dyuut nyin a̱lyiat a̱ghyang, da̱nian n ka ntyia̱ nyin gba̱gbak, nyi kwan nyi chok tyiet nwuak a̱chuchuk nzi̱t hu, nang A̱gwaza tyia̱ á̱za̱za̱rak á̱niet khwi nggu ba ndyo mbwak da̱ a̱ka̱nyiung, si̱ nat sang sangba̱p a̱ni.