Matyu 8:3 - A̠lyiat A̠gwaza na di̠n Tyap: A̠li̠ka̠uli A̠fai

³ Yesu si̱ neap bwak, a̱ si̱ byiam guu, a̱ si̱ nyia̱, “N shim, da̱ choot!” Mi̱ di̱ yong a̱hwa, gbap hu si̱ kin choot. Vam hu si̱ tyia̱ za̱za̱rak.

Matyu 8:3 Iomraidhean Croise

Matyu 12:13

A̱jawa Yesu si̱ nyia̱ ma̱ng a̱tyu nang bwak nggu hu khwu a̱ni, “Neap bwak ang hu.” A̱tyok a̱wa si̱ neap bwak nggu hu. A̱wot bwak hu si̱ kin tyia̱ ka̱nka̱ra̱ng nang nyiung hu a̱ni.

Ma̱rkut 1:41

Huhwa Yesu si̱ fa̱k kunak gu ba̱t, a̱ si̱ neap bwak a̱ si̱ mbyiam guu. A̱ si̱ nyia̱ ma̱ng nggu, “N shim, da̱ choot!”

Ma̱rkut 4:39

Nang gu nshyip a̱ni, a̱ si̱ doot a̱ si̱ kam wun hu, a̱ si̱ nyia̱ ma̱ng ywan a̱sa̱khwot hu, “Yong, tyia̱ nywang!” A̱jawa wun hu si̱ kin tyia̱ bobwak, a̱wot a̱mgba̱m a̱vwuo ka si̱ kin tyia̱ lyot!

Ma̱rkut 5:41

Yesu si̱ ta̱bat ka di̱ mbwak. A̱ si̱ nyia̱ ma̱ng a̱nka da̱ a̱lyem A̱ra̱mik, “Talita kumi!” Huhwa yet, “A̱banggwon neam, doot!”

Ma̱rkut 7:34

A̱ si̱ gba̱t á̱ghyi gu ba tswazwa. A̱ si̱ tuk a̱nwurung, a̱ si̱ nyia̱ ma̱ng a̱tyok a̱wa di̱ lyem A̱ra̱mik, “Ifata!” Huhwa yet, “Khwuk!”

Ma̱rkut 9:25

Nang Yesu ndi á̱kpa á̱niet ka mban a̱ni, a̱ si̱ kam a̱ka̱tuk ntswa wu a̱ vwuong nggwon ka lyiat ma̱ng fwuong hu a̱ni, nyia̱, “Nwan a̱ka̱tuk ntswa, n kam ang, ghwut ma̱ nka. Yok bu bwuok nwuo ma̱ a̱nka bah.”

Luka 4:27

“Ma a̱nia wa, á̱ ku byia̱ á̱niet gbap ma̱ a̱di̱di̱t ma̱ a̱byin Isi̱rela di̱n jen Ilisha, a̱ta̱m a̱kwonu A̱gwaza. A̱wot ma̱ a̱tyu gbap a̱nyiung nang á̱ ku choot a̱ni; nggu wa yet Naaman a̱tyu Nnwap a̱ nwai yet A̱yahudawa, a̱ neet ma̱ a̱byin Suriya a̱ni.”

Luka 5:13

Yesu si̱ neap bwak, a̱ si̱ mbyiam gu nyia̱, “N shim, da̱ choot!” Mi̱ di̱ yong a̱hwa, a̱tyu gbap wu si̱ kin choot! Vam nggu hu si̱ tyia̱ za̱za̱rak.

Luka 7:14

A̱wot Yesu si̱ shyei a̱ nat kpa̱mkpaan, a̱ si̱si̱ byiam kikyak ji. A̱wot á̱niet ba̱ kyiak kwom hu a̱ni, si̱ bwuok á̱ yong. Yesu si̱ nyia̱, “Nggwon seam, n nyia̱ ma̱ng a̱nwan, a doot!”

Yoona 11:43

Nang gu nhyia̱ a̱nia a̱ni, a̱ si̱ kin ta̱ngam a̱nwuat nggu ka mi̱n chet. A̱ si̱ yorong, “Laaza̱rut, ghwut!”

Yoona 15:24

“N ku nyia̱ nkyang a̱ga̱de ma̱ a̱di̱di̱t a̱zaghyi mba. Mami mba, á̱ mbyia̱ a̱tyu a̱ ka̱ mak nyia̱ na a̱ni bah. Ka̱ á̱ wa nyia̱, di̱ n wa nyia̱ nkyang a̱ga̱de a̱nia a̱zaghyi mba bah; si̱ ba̱ byia̱ a̱bun bah. A̱wot ma̱ninika, ba̱ li kyang hu nang n nyia̱ a̱ni. A̱mgba̱m ma̱ng a̱nia, ba̱ si̱ lak li nung, á̱ tsa bu ndak li A̱tyia̱ nung wu.

Yoona 5:21

“Ma̱nang A̱tyia̱ wu ni̱ nta̱ngam á̱niet ba̱ ka̱n kwi, a̱wot a̱ bu nwuat ba swuan a̱ni; ma a̱nia wa nang Nggwon ka nnwuat swuan da̱ a̱tyu nang ka̱ shim nwuak a̱ni.