Matyu 7:3 - A̠lyiat A̠gwaza na di̠n Tyap: A̠li̠ka̠uli A̠fai

³ “Yihwa mbyia̱ nang a nwuan a̱bachinchyat ma̱ a̱li a̱kpa̱ndang swat ang ka, a̱wot a̱gut nkwon ka̱ shya̱ mi̱ si̱ nwan tswa a̱li ji̱ a̱ni, a li nka baa?

Matyu 7:3 Iomraidhean Croise

Matyu 7:4

Ma a̱nia wa, a na nyia̱ ni a ndam a hyia̱ ma̱ng a̱kpa̱ndang swat ang wu nyia̱, ‘Yok n beang ang ti̱n a̱bachinchyat ma̱ a̱li ang ka,’ a̱wot nang a̱gut nkwon nyim tswa a̱li ang ji?

Matyu 7:5

Nwan a̱bubuk a̱yin! Ya nti̱n a̱gut nkwon ka̱ shya̱ mi̱ ntswa a̱li ang ji a̱ni, a ka li shansham, a sii ti̱n a̱bachinchyat ka̱ shya̱ mi̱ ntswa a̱li a̱kpa̱ndang swat ang ji a̱ni.

Luka 18:11

A̱tyu A̱fa̱risawa wu si̱ khap a̱ yong zan. A̱ si̱ naai A̱gwaza nyia̱, ‘A̱gwaza, n gwai ang nang n gyet a̱tyu a̱ka̱tuk nyia̱ nang á̱kum á̱niet ka a̱ni bah. Mat n gyet a̱tyu shyuo á̱niet bah; n nyia̱ a̱ka̱tuk nyia̱ bah; a̱wot n katnaan bah. A̱tsak a̱lyiat, n di nang a̱tyu saai kurum ga̱ndu wuni a̱ni bah!

A̱romawa 2:1

Ma a̱nia wa, nwan a̱tyu a dam a na bat á̱ghyang á̱niet a̱bun a̱ni, a mun nyia̱ a̱ka̱tuk nyia̱ wu nang ba̱ nyia̱ a̱ni. Mat a̱nia, a byia̱ ta̱fwat bah! A̱wot jen nang a mbat ntangka̱i á̱niet a̱nia a̱bun, nyia̱ ku myim á̱ nyiak mba a̱ni, a nyia̱ a̱pyia̱ ang kya shi̱ri̱ya ji. Mat nwan a̱tyu a bat á̱ghyang ang a̱bun a̱ni, nwan meang, a mun nyia̱ a̱ka̱tuk nyia̱ a̱wa.

A̱ga̱la̱tiyawa 6:1

Nyin á̱niet khwi Yesu ba nang n chat a̱ni, ka̱ a̱tyu khwi Kristi a̱ghyang mi̱ sot á̱niet khwi nyin ji ghyuap, a̱ si̱ kwa ma̱ a̱ka̱tuk nyia̱; nyin nyi byia̱ tat á̱ghyi nyi yong mi̱ chet di̱ khwi Kristi a̱ni, ku myim nyi ta̱bam ma̱ shonshyon ma̱ng ghyuai a̱pyia̱, nyi beang, nyi bwuok ma̱ng a̱tyu a̱wa tyia̱ da̱ a̱tsatsak nvak wu. A̱wot ka̱ nyi na bwuok ma̱ng a̱tyu a̱wa, ku myim nyi ta̱bam, kalak nyin meang, nyi kwa di̱ tangka̱i mak ku shya̱ nggu a̱ni.