Matyu 5:3 - A̠lyiat A̠gwaza na di̠n Tyap: A̠li̠ka̠uli A̠fai

³ “A̱gwaza tyei a̱li̱ba̱rka da̱ á̱niet, ba̱ li lat mba hu da̱ a̱vwuo nggu a̱ni. Mat ba̱ yet mman Tyok Ma A̱gwaza tswazwa nia.

Matyu 5:3 Iomraidhean Croise

Matyu 11:25

Di̱n jen a̱ja, Yesu si̱ naai A̱gwaza nyia̱, “N dyep ang A̱tyia̱, A̱tyoli a̱ byia̱ tswazwa ma̱ng a̱byin a̱ni. N gwai ang nang a niat nkyang nani da̱ a̱vwuo á̱niet ba̱ fa nyia̱ ba̱ byia̱ mumwang ma̱ng lyen kyang a̱ni; a̱wot a si̱ tyai na kpa̱sai da̱ a̱vwuo á̱niet ba̱ kyiak á̱pyia̱ mba nang mman a̱ni.

Matyu 11:6

Nyi bu tak ma̱ng a̱nggu nyia̱, ‘A̱gwaza na tyia̱ a̱li̱ba̱rka da̱ á̱niet di̱ ba̱ but mi̱ fwuo da̱nian nung a̱ni bah.’ ”

Matyu 13:16

“Nyi yet á̱niet a̱li̱ba̱rka bya, mat nyi nwuan ma̱ng á̱ghyi nyin ba, nyi si̱ fi̱k; a̱wot nyi si̱ myiai a̱fufwuo nyin ba, nyi si̱ fwuong.

Matyu 19:14

Yesu si̱ nyia̱ ma̱ng mman ta̱m nggu na, “Nyi yok a̱chyuang mman wu ba̱ bai da̱ a̱vwuo nung. Nyi yok vwuong ba bah! Mat Tyok Ma A̱gwaza tswazwa hu yet si̱ tangka̱i á̱niet ba̱ kyiak á̱pyia̱ mba nang a̱chyuang mman wuni a̱ni.”

Matyu 24:46

Ka̱ a̱tyoli wu bwuok a̱ bai, a̱wot a̱ si̱ shya̱ nang a̱khwo nggu wu swan a̱ cham a̱ nyia̱ a̱tan nta̱m, a̱tyoli wu na fa̱k nyinyang a̱khwo wu. A̱wot a̱ tan nggu zang.

Matyu 25:34

“A̱wot nung, ngyet A̱gwam wu a̱ni, n na nyia̱ ma̱ng á̱niet a̱zayak na nyia̱, ‘Nyi bai, nyin á̱niet nang A̱tyia̱ nung wu tyia̱ mba a̱li̱ba̱rka a̱ni, nyi san gado tyok hu nang A̱gwaza mi̱ njhyi a̱ sak nyin ndyo, neet di̱ mat swanta hu a̱ni.

Matyu 3:2

“Nyi ghwon a̱ka̱tuk nyia̱ wu nyi khwi A̱gwaza, mat Tyok Ma A̱gwaza tswazwa hu bai kpa̱mkpaan!”

Matyu 8:11

A̱wot n shei nyin, nnwap ma̱ a̱di̱di̱t na̱ nwai yet A̱yahudawa a̱ni, na ghwut koji mi̱ swanta hu, neet a̱tyin ma̱ng jenshyung, ba̱ ba̱ swan mi̱ Tyok Ma A̱gwaza tswazwa hu, ba̱ ya tsa á̱ nswuo ma̱ a̱yet dundung ma̱ng Ibrahim, Ishaku, ma̱ng Yakubu.

Ma̱rkut 10:14

Nang Yesu ndi a̱nia a̱ni, a̱ si̱ fa̱k a̱lyia̱ ya ma̱ng mman ta̱m nggu na, a̱ si̱ nyia̱, “Nyi yok a̱chyuang mman wu ba̱ bai da̱ a̱vwuo nung. Nyi yok vwuong mba bah. Mat ntangka̱i mman nani, yet mman Tyok A̱gwaza nia.

Luka 11:28

A̱wot Yesu si̱ nwuak gu shim nyia̱, “A̱tsak a̱lyiat, á̱niet ba ba̱ fa̱k a̱lyiat A̱gwaza na, ba̱ si̱ nyia̱ nta̱m ma̱ng á̱na a̱ni; bibya A̱gwaza na nang mba a̱li̱ba̱rka wu a̱ swaak.”

Luka 18:14

N hyia̱ ma̱ng a̱nyin, a̱tyu saai kurum ga̱ndu wuni a̱ yet a̱tyu a̱ka̱tuk nyia̱ wu a̱ni; nggu wa nang A̱gwaza kyiak a̱ yet a̱tsotswat a̱zaghyi nggu, a̱ sii bwuok a̱ nat a̱mali; a̱wot kang ma̱ng a̱tyu A̱fa̱risawa wu. Mat a̱nia, a̱tyu a̱ nwuak a̱pyia̱ nggu shi a̱ni, á̱ na ghyuai shi nggu hu. A̱wot a̱tyu a̱ ghyuai a̱pyia̱ nggu a̱ni, á̱ na nwuak gu shi.”

Luka 22:29

A̱wot ma̱nang A̱gwaza, A̱tyia̱ nung wu nnwuak nung Tyok a̱ni; ma a̱nia wa, nung meang ma̱ninika, n nwuak nyin a̱wat nyi nyia̱ tyok hu.

Luka 22:30

Da̱nian nyi ka swan ma̱ng a̱nung zi̱ ya tsa nswuo mi̱ Tyok nung hu. A̱wot nyi na swan da̱ a̱cha̱chet chuchuk tyok, nyi ya tyok tazwa kwaí swak ma̱ a̱feang Isi̱rela ji.”

Luka 4:18

“Tswa A̱gwaza ji shya̱ da̱ nung; mat A̱gwaza khai nung n shei A̱sham Nkhang ka da̱ a̱vwuo á̱kunak. A̱ si̱ ta̱m nung n shei ma̱ng á̱niet ba̱ shya̱ mi̱ khwo a̱ni, nang á̱ nkai mba á̱ ghwon; n bu nshei á̱niet a̱fi̱fan nang ba̱ na nshya̱ nwuan a̱vwuo; a̱wot n bu nshei á̱niet á̱ ya̱shuk a̱ni, nang á̱ na nkai mba á̱ ghwon;

Yoona 20:29

Yesu si̱ bu nyia̱ ma̱ng a̱nggu, “A nwuak fwuo mat nang a ndi nung wa a̱ni a? Á̱niet a̱li̱ba̱rka bya yet á̱si̱ ba̱ nwai li nung; a̱mgba̱m ma̱ng a̱nia ba̱ si̱ nwuak fwuo da̱ nung a̱ni.”

Yakubu 1:10

Ma a̱nia wa, a̱tyu nzwa wu na ntam nang A̱gwaza nghyuai a̱vwuo yong nggu ka a̱ni. Mat a̱tyu nzwa wu na shyuk nang nkywat a̱kwon a̱ni.

Yakubu 1:12

A̱tyu a̱ gbang a̱lyia̱ a̱ si̱ yong mi̱ chet di̱n jen nang á̱ mmak gu a̱ni, a̱gwai yet a̱si̱ nggu. Mat jen nang gu ngbang a̱lyia̱ a̱ si̱ swuo chet mak hu a̱ni, a̱ na san zang swuan sang sangba̱p ji nang A̱gwaza wu nyia̱ a̱li̱ka̱uli a̱ na nang a̱mgba̱m á̱niet ba̱ chat gu a̱ni.

Yakubu 2:5

Nyin á̱niet khwi Yesu ba nang n chat a̱ni, nyi myiai a̱fufwuo nyi fa̱a̱k! A̱gwaza wu khai á̱kunak na mi̱ swanta huni, ba̱ yet á̱niet a̱tsak nzwa mat nwuak fwuo hwa da̱ nggu baa? Bibya yet á̱niet ba̱ na ya gado tyok nang A̱gwaza nyia̱ a̱li̱ka̱uli a̱ na nang á̱niet ba̱ chat gu a̱ni baa?

Tyai Á̱zanson 19:9

A̱ta̱m tswa A̱gwaza wu si̱ nyia̱ ma̱ng a̱nung, “Lyuut a̱lyiat nani: Á̱niet A̱li̱ba̱rka bya yet á̱niet nang á̱ shei mbaa, ba̱ bai song nyeang Fi̱ng A̱nfwuk ji a̱ni!” A̱ta̱m tswa A̱gwaza wu si̱ bu nyia̱, “A̱lyiat nani yet a̱tsatsak a̱lyiat na̱ neet da̱ a̱vwuo A̱gwaza a̱ni!”

Tyai Á̱zanson 22:14

“Á̱niet a̱li̱ba̱rka bya yet á̱niet ba̱ kwi a̱yaatoot mba ba a̱ni! Á̱ na shim mba ndyo ba̱ nwuo á̱zanunwuai a̱keang a̱fai ka, a̱wot ba̱ ya sum a̱kwon swuan hu!

Tyai Á̱zanson 3:17

Nyi nyia̱, ‘Zi̱ byia̱ zwá! Zi̱ byia̱ kuzang kyang nang zi̱ chat a̱ni! Zi̱ bu chat kyang bah!’ A̱wot nyi fi̱k nang nyi ngyet á̱buk á̱niet bah; kyang kunak, á̱niet a̱fi̱fan, ma̱ng á̱niet chong ka̱gbang!