Matyu 4:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Yesu si̱ nwuak A̱ta̱nyeang ka shim nyia̱, “Kaai! Á̱ lyuut ma̱ A̱lyiat A̱gwaza na nyia̱, ‘Mi̱ nkyayak hwa ma̱nyin hu nang a̱tyubishyi na ya a̱ nswuan bah. A̱wot ma̱ng kuzang swang a̱lyiat ja ji̱ ghwut a̱bwonu A̱gwaza a̱ni, nang a̱tyubishyi na nswuan.’ ”

Matyu 4:4 Iomraidhean Croise

Matyu 15:11

Kyang ku nwuai a̱bwonu a̱yin a̱ni, huhwa tyei gu a̱na̱ndyung wu bah; si̱ a̱lyiat na̱ ghwut a̱bwonu nggu ka a̱ni, ni̱nia tyei gu a̱na̱ndyung wu.”

Matyu 4:10

Yesu si̱ bu nyia̱ ma̱ng A̱ta̱nyeang ka, “Sha̱tan, doot a̱ji a ghwon nung, mat á̱ lyuut ma̱ A̱lyiat A̱gwaza na nyia̱, ‘Ku yet ta hwa a kyuak ntong a̱zaghyi A̱tyoli a̱ yet A̱gwaza ang a̱ni. A̱wot nggu wa a bu nyia̱ nggu ta̱m ma̱nyin nggu.’ ”

Matyu 4:7

Yesu si̱ bu nwuak ka shim, nyia̱, “Kaai, á̱ lyuut ma̱ A̱lyiat A̱gwaza na nyia̱, ‘Yok mak mi̱ mak a mak A̱tyoli a̱ yet A̱gwaza ang a̱ni bah.’ ”

Ma̱rkut 7:20

A̱wot Yesu si̱ ya a̱son mi̱ shei nyia̱, “Kyang ku ghwut mi̱ fwuo a̱tyubishyi a̱ni, huhwa yet si̱ hu ku tyei nggu a̱na̱ndyung a̱ni.

Luka 4:12

Yesu si̱ bu nwuak ka shim nyia̱, “Kaai, á̱ lyuut ma̱ A̱lyiat A̱gwaza na, nyia̱, ‘Yok mak mi̱ mak a mak A̱gwaza yet A̱tyoli ang a̱ni bah.’ ”

Luka 4:4

A̱wot Yesu si̱ nyia̱ ma̱ng A̱ta̱nyeang ka, “Kaai! Á̱ lyuut mami A̱lyiat A̱gwaza na nyia̱, ‘Mi̱ kyayak hwa ma̱nyin hu nang a̱tyubishyi na ya á̱ nswuan bah.’ ”

Luka 4:8

Yesu si̱ bu nwuak A̱ta̱nyeang ka shim nyia̱, “Á̱ lyuut ma̱ A̱lyiat A̱gwaza na nyia̱, ‘Ku yet ta hwa a kyuak ntong a̱zaghyi A̱tyoli a̱ yet A̱gwaza ang a̱ni; a̱wot nggu wa a bu nyia̱ nggu ta̱m ma̱nyin nggu.’ ”

Yoona 15:26

“A̱wot n na ntyia̱ A̱tyu Beang gu bai da̱ a̱vwuo nyin. A̱ na neet da̱ a̱vwuo A̱tyia̱. Nggu wa yet A̱za̱za̱rak Ntswa a̱ shei a̱chuchuk wu a̱ni. Nggu, a̱ na neet da̱ a̱vwuo A̱tyia̱ kya. Nggu wa na tak nyin kpa̱sai tazwa nung.

Yoona 6:63

A̱za̱za̱rak Ntswa wa nwuat swuan ji. Chet vam a̱tyubishyi yet kyang bah. Swáng A̱lyiat nang n dyiat ma̱ng a̱nyin a̱ni, ji ja neet da̱ a̱vwuo A̱za̱za̱rak Ntswa ka. A̱wot ji̱ si̱ nwuat swuan.

A̱romawa 15:4

Kuzang kyang nang á̱ ku lyuut gbangbang ma̱ A̱lyiat A̱gwaza na a̱ni, á̱ ku lyuut wa da̱nian á̱ ka tyiet zi̱t, zi̱ mban si̱sak ji nang zi̱ na ntyia̱ fwuo a̱ni. A̱lyiat A̱gwaza na si̱ bu tyei nzi̱t gba̱gbak nang zi̱ nswan ma̱ng nyap fwuo fwuong a̱li̱ka̱uli A̱gwaza a̱ na bai da̱ a̱nu ka a̱ni.

A̱fisawa 6:17

Nyi ni̱ nkup bung ntswam ji, jija yet kidee shya̱ san. Nyi bu kyiak tswat A̱za̱za̱rak Ntswa nyi ba̱ng. Jija yet A̱lyiat A̱gwaza na.