Matyu 4:2 - A̠lyiat A̠gwaza na di̠n Tyap: A̠li̠ka̠uli A̠fai

² A̱wot Yesu si̱ swan a̱fa a̱khwot mam swak naai, a̱ta̱mam ma̱ng a̱tyetuk, nang gu naai A̱gwaza. A̱wot zong si̱ ta̱bat gu ba̱t.

Matyu 4:2 Iomraidhean Croise

Matyu 21:18

Da̱ a̱tsotson tat ka, nang Yesu mbwuot a̱ naat Urusha̱lima a̱ni, a̱ si̱ fa̱k zong.

Matyu 25:35

Mat di̱n jen ji ji̱ swak a̱ni, ki̱ n fwuong zong, nyi ni̱ nang nung kyayak. Ki̱ n fwuong mashyi, nyi ni̱ nang nung a̱sa̱khwot. Ki̱ n bai a̱chi̱chen, nyi ni̱ san nung mbwak nfeang ma̱ a̱ka̱sa nyin na.

Matyu 25:42

Mat di̱n jen ji ji̱ swak a̱ni, ka̱ n fwuong zong, nyi si̱ lak nang nung kyayak. Ki̱ n fwuong mashyi, nyi ni̱ lak nang nung a̱sa̱khwot swuo.

Ma̱rkut 11:12

Da̱ a̱tsotson tat ka, nang ba̱ nghwon Ba̱ta̱ni á̱ bwuot á̱ naat Urusha̱lima a̱ni; Yesu si̱ fa̱k zong.

Luka 4:2

A̱jawa A̱ta̱nyeang ka si̱si̱ mak gu mam swak nnaai. Mi̱ mam a̱nia, Yesu du ya kyayak bah. A̱wot a̱ si̱ fa̱k zong ba̱t.

Yoona 4:6

Ri̱jiya Yakubu hu ku shya̱ a̱ja. A̱wot nang Yesu ka̱n van ma̱ng a̱chyet, a̱ si̱ swan a̱ fwung a̱ja da̱ a̱nu ri̱jiya ka. Jen a̱ja nang mam hu shim bai di̱di̱r.