Matyu 3:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Yoona ma̱ a̱pyia̱ nggu ku khwi a̱yaatoot nang á̱ nok ma̱ng chat a̱lakumi a̱ni. A̱ si̱ vwuoi dyang nggu ji ma̱ng kwa. A̱wot nkyayak nggu na si̱ yet á̱ga̱u bya ma̱ng tong a̱yit.

Matyu 3:4 Iomraidhean Croise

Matyu 11:18

“Ma a̱nia wa, Yoona ku swan di̱ mi̱ ya di̱ mi̱ swuo, a̱wot nyi si̱ kwop a̱dyii̱ng nyia̱, ‘A̱ byia̱ a̱ka̱tuk ntswa!’

Matyu 11:8

Ke nyi ku nat nyi ka li a̱tyu a̱ kup a̱nunuut a̱yaatoot ba̱ byia̱ kurum hwa a̱ni la? Kaai, á̱niet ba̱ khwi a̱nunuut a̱yaatoot ba̱ byia̱ kurum a̱ni, swuat ma̱ a̱ka̱sa á̱gwam nia. Ba̱ swuat a̱yit bah.

Ma̱rkut 1:6

Yoona A̱tyu nyia̱ ba̱ptisman ku khwi a̱pyia̱ gu ma̱ng a̱toot nang á̱ twai ma̱ng chat a̱lakumi a̱ni. A̱ si̱ la̱p kwa ndyang. A̱wot nkyayak nggu na si̱ yet á̱ga̱u bya ma̱ng tong a̱yit.

Luka 1:17

A̱ na yet a̱tyu a̱ byia̱ tangka̱i za̱kwa ma̱ng chet nang Iliya, a̱ta̱m a̱kwonu A̱gwaza gbangbang ku byia̱ a̱ni. A̱ na khwat a̱son A̱tyoli. A̱ bu jhyi nfwuo á̱niet na ba̱ swan á̱ fwuong A̱tyoli wu a̱ni. A̱ na bwuak nfwuo a̱yaatyia̱ na̱ nat di̱ mman mba na. A̱wot a̱ na tyia̱ á̱niet ba̱ tyia̱ zat a̱ni, ba̱ shya̱ mumwang nang á̱tsotswat á̱niet A̱gwaza a̱ni.”

Tyai Á̱zanson 11:3

“A̱wot n na nwuak á̱niet shei a̱lyiat a̱feang nung ba tyok, ba̱ na shei nkyang na̱ chobai á̱zanson a̱ni mami mmam chyikwop jhyung ma̱ng chyi sweang mi̱ nswak a̱taa (1260). A̱wot ba̱ na khwi a̱kyakyak a̱yaatoot.”