Matyu 3:2 - A̠lyiat A̠gwaza na di̠n Tyap: A̠li̠ka̠uli A̠fai

² “Nyi ghwon a̱ka̱tuk nyia̱ wu nyi khwi A̱gwaza, mat Tyok Ma A̱gwaza tswazwa hu bai kpa̱mkpaan!”

Matyu 3:2 Iomraidhean Croise

Matyu 10:7

Nyi nat nyi shei mba nyia̱, ‘Tyok Ma A̱gwaza tswazwa hu bai kpa̱mkpaan!’

Matyu 11:20

A̱jawa Yesu si̱ nwuo tyei a̱ka̱keang nang gu ku nnyia̱ nta̱m a̱ri̱bi̱di na ma̱ a̱di̱di̱t a̱ni a̱bun. Mat ba̱ ku lak ghwon á̱ka̱tuk nyia̱ mba wu, ba̱ si̱ lak khwi A̱gwaza wu.

Matyu 12:41

“A̱tuk mam shi̱ri̱ya A̱gwaza ka, á̱tyok Ni̱neba na doot ndung ma̱ng che huni, ba̱ tak hu nang ku mbwuo a̱bun. Mat á̱tyok Ni̱neba ba ghwon a̱ka̱tuk nyia̱ mba wu, ba̱ si̱ khwi A̱gwaza mat shei A̱lyiat A̱gwaza Yunana hu. Nyi li la! Ma̱ninika a̱tyu a̱ swak Yunana ma̱ng shi a̱ni shya̱ a̱ji. A̱wot nyi si̱ lak fa̱k gu hu!

Matyu 13:11

Yesu si̱ nwuak ba shim nyia̱, “Á̱ shim nyin dyo nyi fi̱k a̱chuchuk a̱ shya̱ di̱ niat mi̱ Tyok Ma A̱gwaza tswazwa hu a̱ni, kang ma̱ng á̱kum á̱niet ka.

Matyu 13:24

Yesu si̱ bu lyiat ma̱ng a̱mba di̱ kidee jhyang nyia̱, “Tyok Ma A̱gwaza tswazwa hu li nang a̱tyu khap a̱ nat nai a̱tan zwá yak ma̱ a̱byin gu a̱ni.

Matyu 13:31

Yesu si̱ bu lyiat ma̱ng a̱mba di̱ kidee jhyang nyia̱, “Tyok Ma A̱gwaza tswazwa hu li nang tswa mustat nang á̱ ti̱p mi̱ ti̱tam a̱ni.

Matyu 13:33

Yesu si̱ bu lyiat ma̱ng a̱mba di̱ kidee jhyang nyia̱, “Tyok Ma A̱gwaza tswazwa hu laai á̱ mban nang yit wa nang a̱byii̱k kyiak, a̱ si̱si̱ nyia̱ burodi a̱ni. Ku nang gu nkyiai nkyuo yit na ma̱ a̱da̱dei ma̱ng a̱lka̱ma mundu tat a̱ni, nkyuo yit na si̱ teak á̱ kai a̱mgba̱m nkyuo a̱lka̱ma nang gu nuu a̱ni.”

Matyu 13:47

“Tyok Ma A̱gwaza tswazwa hu bu li nang a̱ka̱li nang á̱ nnat bwoi fa̱n ma̱ a̱gba̱ndang jok, á̱ si̱ mbwoi kuzang tangka̱i fa̱n a̱ni.

Matyu 13:52

A̱ si̱ bu nyia̱ ma̱ng a̱mba a̱ni, “Mat a̱nia, kuzang a̱tyu tyiet doka a̱ bwuak a̱ si̱ yet nggwon ta̱m mi̱ Tyok Ma A̱gwaza tswazwa hu a̱ni, a̱ yet kidee a̱tyoli a̱ ghwut ma̱ng a̱chuchuk tyiet fai, mbeang a̱chuchuk a̱khwukhwop tyiet mi̱ tutu mumwang nggu hu a̱ni.”

Matyu 18:23

“Mat a̱nia, á̱ na tyan Tyok Ma A̱gwaza tswazwa hu ma̱ng a̱gwam a̱ chat zop kurum nang á̱khwo nggu ba khwap da̱ a̱vwuo nggu a̱ni.

Matyu 20:1

“Tyok Ma A̱gwaza tswazwa hu li nang a̱tyu byia̱ a̱byin a̱na̱p wa mak a̱vwuo ma̱ a̱tsotson a̱tson, a̱ nat kyiak á̱niet nta̱m, ba̱ na nyia̱ gu ta̱m ma̱ a̱byin a̱na̱p ka a̱ni.

Matyu 22:2

“Á̱ na tyan Tyok Ma A̱gwaza tswazwa hu ma̱ng nkhang a̱gwam a̱ghyang, a̱ chat nyia̱ a̱fai nggu a̱gba̱ndang song nyeang a̱ni.

Matyu 23:13

“Ku swan nyin, á̱niet tyiet doka ma̱ng A̱fa̱risawa. Nyin á̱bubuk á̱niet! Mat nyi ni̱ nyim nyinyiit nwuo Tyok Ma A̱gwaza tswazwa hu. Nyi tyia̱ á̱niet ba̱ na nwuo a̱ni nta. Nyin ma̱ á̱pyia̱ nyin, nyi ni̱ nwuo bah. A̱wot nyin meang, nyi ni̱ vwuong á̱ghyang á̱niet ba̱ nwuo mami.

Matyu 25:1

“A̱wot á̱ na tyan Tyok Ma A̱gwaza tswazwa hu ma̱ng kidee a̱ka̱neam swak na̱ yet a̱kpa̱ndang mi̱ nyeang a̱ni. Ba̱ ku kyiak fí̱tila mba ji, ba̱ si̱ nat ba̱ myim ma̱ng a̱tyu byia̱ nyeang a̱ni.

Matyu 25:14

“Á̱ bu na tyan Tyok Ma A̱gwaza tswazwa hu ma̱ng kidee a̱tyu a̱ naat chyet, a̱ si̱ labeang a̱ni. A̱ si̱ yei á̱khwo nggu ba dundung. A̱ si̱ tyia̱ mba kurum nggu hu mbwak, ba̱ ka mbwuang nggu ndyo. A̱ si̱ nkat.

Matyu 4:17

Kyiak neet di̱n jen a̱ja, Yesu si̱ nwuo shei a̱lyiat A̱gwaza na, a̱ si̱ nyia̱, “Nyi ghwon a̱ka̱tuk nyia̱ nyin wu! Nyi bwuok bai da̱ a̱vwuo A̱gwaza, mat Tyok Ma A̱gwaza tswazwa hu bai kpa̱mkpaan!”

Matyu 4:23

Yesu si̱ nwuai a̱ kat a̱mgba̱m fam a̱byin Ga̱lili hu. A̱ si̱ tyiet ma̱ á̱tutu a̱tung A̱yahudawa, a̱ bu shei á̱niet ba A̱sham Nkhang Tyok A̱gwaza ka. A̱ si̱ tsa a̱ nchoot á̱niet ba̱ nyia̱ ma̱ng kuzang tangka̱i nzwan a̱ni.

Matyu 5:10

A̱gwaza tyei a̱li̱ba̱rka da̱ á̱niet nang á̱ ya̱shuk mat yet tsotswat mba hu a̱ni. Mat ba̱ yet mman Tyok Ma A̱gwaza tswazwa nia.

Matyu 5:3

“A̱gwaza tyei a̱li̱ba̱rka da̱ á̱niet, ba̱ li lat mba hu da̱ a̱vwuo nggu a̱ni. Mat ba̱ yet mman Tyok Ma A̱gwaza tswazwa nia.

Matyu 6:10

Tyok ang hu ku bai. Á̱ nyia̱ kyang hu a chat a̱ni mi̱ swanta hu, ma̱nang á̱ nyia̱ nhu tswazwa ka a̱ni.

Matyu 6:33

“A̱wot nyin, nyi ya ntsa kup á̱ghyi di̱ chat Tyok A̱gwaza hu ma̱ng tsotswat nggu hu. Nggu meang, a̱ na mbeang nyin a̱mgba̱m á̱kum nkyang ka nang nyi chat a̱ni.

Ma̱rkut 1:15

A̱ si̱ nyia̱, “Jen nyia̱! Tyok A̱gwaza hu bai kpa̱mkpaan! Nyi ghwon a̱ka̱tuk nyia̱ nyin wu nyi khwi A̱gwaza, nyi bu nwuak a̱chuchuk da̱ A̱sham Nkhang ka!”

Ma̱rkut 1:4

A̱nia wa Yoona a̱tyu nyia̱ ba̱ptisman si̱ bai, a̱ si̱ chong mi̱ ntswa a̱yit a̱ shei A̱lyiat A̱gwaza na. A̱ si̱ nyia̱ á̱niet ba̱ptisman ku tak ba̱ ghwon a̱ka̱tuk ba̱ nwuo khwi A̱gwaza a̱ni, da̱nian A̱gwaza a̱ ka chi a̱ka̱tuk nyia̱ mba wu.

Ma̱rkut 6:12

Ba̱ si̱ nat á̱ shei a̱lyiat A̱gwaza na nyia̱ á̱niet ba ba̱ ghwon a̱ka̱tuk nyia̱ mba wu, ba̱ khwi A̱gwaza.

Luka 1:16

A̱wot a̱ na bwuok ma̱ng á̱niet Isi̱rela ma̱ a̱di̱di̱t, a̱ bai ndyo da̱ a̱vwuo A̱gwaza nyin wu, a̱ bu yet A̱tyoli nyin wu a̱ni.

Luka 11:20

A̱wot ki̱ n khai á̱ka̱tuk ntswá ba̱ ghwut ma̱ á̱niet ma̱ng chet A̱gwaza hwa; ku tak nang Tyok A̱gwaza hu ka̱n bai da̱ a̱vwuo nyin.

Luka 13:3

Kaai, ku ma̱ chunchwiit! A̱wot nyin meang, si̱ nang nyi ghwon a̱ka̱tuk nyia̱ nyin wu, nyi si̱ khwi A̱gwaza; kalak nyi na kwi mut!

Luka 13:5

Kaai, ku ma̱ chunchwiit! A̱wot n bu na tak ma̱ng a̱nyin; ka̱ nyi ghwon a̱ka̱tuk nyia̱ nyin wu, nyi si̱ khwi A̱gwaza bah, nyin meang nyi na kwi mut!”

Luka 15:10

“Ma a̱nia wa ku na ndi da̱ a̱vwuo a̱yaata̱m tswá A̱gwaza. Ba̱ na gwai Ma A̱gwaza tswazwa, di̱n jen ji̱ nang a̱tyu a̱ka̱tuk nyia̱ a̱nyiung nghwon a̱ka̱tuk nyia̱ nggu wu, a̱ si̱ nwuo khwi A̱gwaza a̱ni.”

Luka 15:7

Yesu si̱ nyia̱, “Ma a̱nia wa ku na ndi Ma A̱gwaza tswazwa. Á̱ na gwai di̱n jen nang a̱tyu a̱ka̱tuk nyia̱ a̱nyiung nghwon a̱ka̱tuk nyia̱ nggu wu, a̱wot a̱ si̱ nwuo khwi A̱gwaza a̱ni. A̱gwai a̱nia na swak á̱si̱ á̱niet nswak a̱kubunyiung ma̱ng a̱kubunyiung ba ba̱ yet á̱tsotswat, da̱ ba̱ ka̱n bwuk a̱ni bah!

Luka 16:30

“A̱tyu nzwá wu si̱ nyia̱, ‘Kaai! Ibrahim a̱tyia̱ nung. Da̱ a̱kwonu a̱kya, ka̱ á̱ ta̱m ma̱ng a̱mba a̱tyu doot ma̱ng swuan ma̱ á̱niet ba̱ ka̱n kwi a̱ni; ba̱ na ghwon a̱ka̱tuk nyia̱ mba wu, ba̱ khwi A̱gwaza za̱m!’

Luka 21:31

Ma a̱nia wa, jen nyi ndi a̱mgba̱m nkyang nani nwuo chobai a̱ni, nyi na fi̱k nang Tyok A̱gwaza hu mbai kpa̱mkpaan.

Luka 24:47

“A̱wot á̱ na shei A̱sham Nkhang kani, mami tyok a̱lyoot nung, mi̱ kuzang nwap mi̱ bibyin swanta hu. Á̱ na tsa shei A̱sham Nkhang kani neet mi̱ Urusha̱lima, nyia̱: A̱mgba̱m á̱niet ba ba̱ ghwon a̱ka̱tuk nyia̱, ba̱ si̱ khwi A̱gwaza a̱ni, á̱ na chi a̱ka̱tuk nyia̱ mba wu!

Luka 6:20

A̱wot Yesu si̱ bwuak a̱ nwuan mman ta̱m nggu na, a̱ si̱ nyia̱, “A̱gwaza tyei a̱li̱ba̱rka da̱ nyin, nyi yet á̱kunak da̱ a̱vwuo nggu a̱ni; mat Tyok A̱gwaza hu yet si̱ nyin hwa.

Luka 9:2

A̱ si̱ ta̱m ba, ba̱ ka shei ma̱ng kuzang a̱yin A̱sham Nkhang Tyok A̱gwaza ka. Ba̱ bu choot á̱niet nzwán ba.

Nta̱m A̱yaata̱m 11:18

Nang á̱kum a̱yaata̱m ba nfa̱k a̱lyiat Bitut na a̱ni, ba̱ si̱ shim kyang nang gu lyiat a̱ni. Ba̱ si̱ nwuo dyep A̱gwaza. Ba̱ si̱ nyia̱, “Ka̱ doot zi̱ li nang A̱gwaza nnyia̱ Nnwap na̱ nwai yet A̱yahudawa a̱ni shok; ba̱ ghwon a̱ka̱tuk nyia̱ mba wu, a̱wot ba̱ shya̱ swuan sang sangba̱p ji mameang!”

Nta̱m A̱yaata̱m 17:30

“Gbangbang, A̱gwaza ku nwuan nkyang na nang á̱nietbishyi nyia̱ a̱ni gbi̱t, mat nwai lyen mba hu. A̱wot ma̱ninika, A̱gwaza tyia̱ konyan ma̱ kuzang a̱vwuo gu ghwon a̱ka̱tuk nyia̱, a̱ khwi ngguu.

Nta̱m A̱yaata̱m 2:38

Bitut si̱ nyia̱ ma̱ng a̱mba, “Ku yet ta hwa, konyan ma̱ nyin a̱ ghwon a̱ka̱tuk nyia̱ nggu wu, gu bai á̱ nyia̱ gu ba̱ptisman da̱ a̱lyoot Yesu; á̱ ka chi a̱ka̱tuk nyia̱ nyin wu. A̱nia wa A̱gwaza bu na nnang nyin za̱nang A̱za̱za̱rak Ntswa nggu ji.

Nta̱m A̱yaata̱m 20:21

Ta̱m jhyung ja n ku nshei A̱yahudawa ba mbeang Nnwap na̱ nwai yet A̱yahudawa a̱ni, jija yet; ku myim ba̱ ghwon a̱ka̱tuk nyia̱ mba wu, ba̱ khwi A̱gwaza, a̱wot ba̱ nwuak fwuo da̱ A̱tyoli Yesu.

Nta̱m A̱yaata̱m 26:20

N si̱ ntsa shei á̱lyiat A̱gwaza na da̱ a̱vwuo á̱niet Da̱maskut, Urusha̱lima, a̱mgba̱m a̱byin Yahudiya ka, ma̱ng Nnwap na̱ nwai yet A̱yahudawa a̱ni meang. N si̱ ntak ma̱ng a̱mba nang ku ngyet ta hwa ba̱ ghwon a̱ka̱tuk nyia̱ mba wu, a̱wot ba̱ nwuo khwi A̱gwaza; ba̱ nyia̱ a̱tan nta̱m na̱ tak nang ba̱ nghwon a̱ka̱tuk nyia̱ mba wu mami a̱chuchuk a̱ni.

Nta̱m A̱yaata̱m 3:19

“Mat a̱nia, ma̱ninika, nyi ghwon a̱ka̱tuk nyia̱ nyin wu! Nyi bwuok, nyi khwi A̱gwaza, gu ka chi a̱ka̱tuk nyia̱ nyin wu.

2 A̱korontiyawa 7:10

Tangka̱i twei zwá ndyen nang A̱gwaza ni̱ tyia̱ zi̱ twei a̱ni, ku ni̱ tyia̱ zi̱ ghwon a̱ka̱tuk nyia̱ nzi̱t wu, a̱wot zi̱ bu shya̱ san. Mat a̱nia, zi̱ si̱ mi̱n byian fwuo di̱ tangka̱i twei zwá dyen a̱hwa bah. Da̱ a̱kwonu a̱kya, twei zwá dyen a̱tyubishyi da̱ ku ni̱ tyia̱ ghwon a̱ka̱tuk nyia̱ á̱ khwi A̱gwaza a̱ni bah; ku ni̱ bai ma̱ng a̱khwu ntswa a̱tyubishyi kya.

A̱kolosiyawa 1:13

Mat nggu wa san nzi̱t mbwak tyok A̱ta̱nyeang ku yet lyin a̱ni. A̱wot a̱ si̱ shyak nzi̱t a̱ tyia̱ mi̱ Tyok ku yet si̱ Nggwon nggu, nang gu chat a̱ni.

2 Timoti 2:25

Ku myim a̱khwo A̱gwaza gu yet a̱tyu ghyuai a̱pyia̱, gu tyiet á̱niet ba̱ nyia̱ fi̱p ma̱ng a̱chuchuk tyiet nggu wu a̱ni. Shimba, A̱gwaza wu na nwuak ba jen ba̱ ghwon a̱ka̱tuk nyia̱ mba wu, a̱wot ba̱ shim nang tyiet hu ngyet a̱chuchuk.

Ibriniyawa 6:1

Mat a̱nia, zi̱ yok ya a̱son ma̱ng a̱tyin tyiet tazwa Kristi kuzang jen bah. Da̱ a̱kwonu a̱kya, yok zi̱ kwan zi̱ yet á̱niet tat á̱ghyi di̱ fi̱k A̱lyiat A̱gwaza na. A̱tsak a̱lyiat, zi̱ chat zi̱ bu tsa ma̱ng a̱tsatsak a̱tyin tyiet bah. Tyiet huni yet si̱ ku myim á̱niet ba̱ nghwon nta̱m a̱ka̱tuk nyia̱, ba̱ sii nwuak fwuo da̱ A̱gwaza a̱ni.

2 Bitut 3:9

Mat a̱nia, nyi lyen nang A̱gwaza wu nkwak vam di̱ nyia̱ a̱li̱ka̱uli ma̱ cha̱chaat nang gu la̱p a̱ni bah, nang á̱ghyang á̱niet nfa nyia̱ a̱ kwak vam a̱ni. Kaai! A̱nia wa bah! A̱ nyeap fwuo ma̱ng a̱nyin, mat a̱ chat a̱yin ma̱ nyin a̱ khwu bah. A̱wot a̱ chat kuzang a̱yin a̱ bwuak a̱ ghwon a̱ka̱tuk nyia̱ nggu wu wa.

Tyai Á̱zanson 2:21

N ku nwuak gu jen, gu ghwon a̱shi̱shi̱k nyia̱ nggu wu. A̱wot a̱ si̱ lak.

Tyai Á̱zanson 2:5

Nyi nyia̱ a̱di̱dam tyan nang nyi nkwa a̱ni. Nyi ghwon a̱ka̱tuk nyia̱ nyin wu. Nyi nyia̱ nta̱m nung na di̱ si̱sak nang nyi ku ntsa a̱ni. Kalak, n na mbai n ba̱ nkyiak a̱ga̱nga̱ng chuk saai fi̱tila nyin wu da̱ a̱vwuo nswat nji ka ma̱ á̱niet khwi ba.