Matyu 3:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Mi̱ mam a̱nia, Yoona a̱tyu nyia̱ ba̱ptisman si̱ bai a̱ shei A̱lyiat A̱gwaza mi̱ tswa a̱yit mi̱ fam a̱byin Yahudiya nyia̱,

Matyu 3:1 Iomraidhean Croise

Matyu 11:11

“N tak nyin a̱tsak a̱lyiat, ma̱ á̱niet nang á̱nyiuk tyei a̱ni, á̱ ka̱n shya̱ a̱tyu a̱ swak Yoona a̱tyu ba̱ptisman ma̱ng shi a̱ni bah. A̱mgba̱m ma̱ng a̱nia, a̱tyu a̱ yet a̱da̱dei wu mi̱ Tyok Ma A̱gwaza tswazwa hu a̱ni, a̱ shi a̱ swak Yoona.

Matyu 11:7

Nang mman ta̱m Yoona na ndoot á̱ nkat a̱ni, Yesu si̱ nwuo lyiat ma̱ng á̱kpa á̱niet ka tazwa nta̱m Yoona na, nyia̱, “Zang tangka̱i a̱yin hwa nang nyi ku nat nwuan hu mi̱ tswa a̱yit ji? A̱ ku yet a̱bobwot a̱ga̱nga̱ng á̱kwop nang wun hyap wa a̱ni kee?

Matyu 16:14

Ba̱ si̱ nyia̱, “Á̱ghyang á̱niet nyia̱ nwan wa yet Yoona a̱tyu nyian ba̱ptisman. Á̱ghyang nyia̱ a yet Iliya wa. Á̱ghyang si̱ bu nyia̱ Iri̱miya wa, ku a̱tyo nyiung ma̱ a̱yaata̱m a̱kwonu A̱gwaza á̱ghyang bya.”

Matyu 21:32

Mat Yoona a̱tyu nyia̱ ba̱ptisman ku bai, a̱ si̱ tyiet nyin a̱tsatsak nvak swat mi̱ swanta hu. A̱wot nyi si̱ lak nwuak a̱chuchuk da̱ nggu. A̱wot á̱ka̱tuk á̱niet saai kurum ga̱ndu ma̱ng á̱nyiuk ba̱ yet khám a̱ni, si̱ nwuak a̱chuchuk da̱ a̱nggu. A̱mgba̱m nang nyi ndi á̱ka̱tuk á̱niet bani nnwuak a̱chuchuk da̱ a̱nggu a̱ni, nyi si̱ lak ghwon a̱ka̱tuk nyia̱ nyin wu.

Matyu 3:8

Nyi nyia̱ á̱tsatsak nta̱m na̱ na tak kpa̱sai nang nyi nghwon a̱ka̱tuk nyia̱ nyin wu, nyi si̱ khwi A̱gwaza a̱ni.

Ma̱rkut 1:15

A̱ si̱ nyia̱, “Jen nyia̱! Tyok A̱gwaza hu bai kpa̱mkpaan! Nyi ghwon a̱ka̱tuk nyia̱ nyin wu nyi khwi A̱gwaza, nyi bu nwuak a̱chuchuk da̱ A̱sham Nkhang ka!”

Ma̱rkut 1:2

Ma̱nang Ishaya a̱ta̱m a̱kwonu A̱gwaza wu ku ndyuut gbangbang a̱ni nyia̱, “A̱gwaza nyia̱, ‘Di, n na ta̱m ma̱ng a̱ta̱m nung a̱ khwat a̱son ang! Nggu wa na jhyi ang vak hu.

Luka 1:76

A̱wot nwan nggwon nung, á̱ na ngyei ang a̱ta̱m a̱kwonu A̱gwaza Tswazwa, a̱ Swak ma̱ng A̱kyenkyai Shi a̱ni. Mat a na yet a̱son bai ghwon A̱tyoli wu, a ka jhyi nggu vak hu.

Luka 7:24

Jen nang mman ta̱m Yoona na nkat a̱ni, Yesu si̱ ka̱n nwuo lyiat ma̱ng á̱kpa á̱niet ka tazwa Yoona: “Zang tangka̱i a̱yin hwa nang nyi ku nat nwuan hu mi̱ tswa a̱yit ji? A̱ ku li nang a̱ga̱nga̱ng á̱kwop nang wun hyap nang ba̱ ghwap wa a̱ni kee?

Nta̱m A̱yaata̱m 1:22

“Ku bu yet ta hwa, a̱tyu wuni a̱ shya̱ dundung ma̱ng Yesu neet di̱n jen nang Yoona ku nnyia̱ Yesu ba̱ptisman ji, si̱ nat jen nang á̱ ku nkyiak Yesu da̱ a̱vwuo nzi̱t, á̱ nat ndyo Ma A̱gwaza tswazwa ka a̱ni. Kuzang a̱yin nang á̱ na khai ma̱ á̱niet bani, a̱ na mun a̱pyia̱ dundung ma̱ng a̱nzi̱t, a̱ tak ma̱ng á̱ghyang á̱niet nang gu ndi Yesu ma̱ng á̱ghyi di̱n jen nang Yesu ndoot ma̱ á̱niet ba̱ ka̱n kwi a̱ni.”