Matyu 26:3 - A̠lyiat A̠gwaza na di̠n Tyap: A̠li̠ka̠uli A̠fai

³ Di̱n jen a̱ja a̱cha̱chet a̱yaapris ma̱ng á̱niet khwop á̱niet si̱ tung mi̱ gaat a̱gba̱ndang pris, a̱tyu nang á̱ ku ngyei Ka̱yafat a̱ni.

Matyu 26:3 Iomraidhean Croise

Matyu 26:69

Ma̱ a̱cha̱chaat njen a̱wa, nang Bitut nswan mi̱ didyaat gaat a̱li a̱gba̱ndang pris hu a̱ni, nggwon neam a̱ghyang ka̱ yet a̱khwo a̱ni, si̱ kin neet a̱ bai, a̱ ba̱ nyia̱ ma̱ng a̱nggu, “A ku mun shya̱ dundung ma̱ng Yesu a̱tyu Ga̱lili wu!”

Matyu 27:27

A̱jawa á̱ghyang mi̱ á̱niet nzwang gwomna Bilatut ba si̱ nat ma̱ng Yesu mi̱ didyaat gaat a̱li tyok gwomna hu. A̱wot a̱mgba̱m á̱kum sot á̱niet nzwang A̱romawa ka si̱ keang gu á̱ tyia̱.

Ma̱rkut 14:54

Di̱n jen a̱ja Bitut ku shya̱ ti̱taa di̱ khwi Yesu, a̱ si̱ nwuo mi̱ didyaat a̱li a̱gba̱ndang pris hu. A̱ si̱ swan dundung ma̱ng á̱khwo ba, a̱ wa̱i long.

Ma̱rkut 14:66

Nang Bitut nswan mi̱ ndidyaat tafa tutu zop a̱lyiat hu a̱ni, a̱khwo nggwon neam mami á̱khwo a̱gba̱ndang pris ba si̱ kin neet a̱ bai.

Ma̱rkut 15:16

Á̱niet nzwang ba si̱ nat ma̱ng Yesu mami didyaat gaat a̱li tyok gwomna (nang á̱ ngyei Ba̱ratoriyom a̱ni). Ba̱ si̱ yorong a̱mgba̱m á̱kum á̱niet nzwang ka ba̱ nwuo mi̱ didyaat hu.

Luka 22:55

Á̱niet chok a̱vwuo ba si̱ kai long ma̱ a̱ka̱wa̱tyia̱ didyaat a̱li hu. Ba̱ si̱ swan á̱ keang long hu á̱ wa̱i. A̱wot Bitut si̱ swan dundung ma̱ng a̱mba.

Luka 3:2

Di̱n jen a̱ja ja nang Hanana ma̱ng Ka̱yafat, bibya yet a̱cha̱chet a̱yaapris ba. A̱gwaza si̱ ta̱m ma̱ng a̱lyiat nggu na da̱ a̱vwuo Yoona, a̱fai Za̱ka̱riya, nang gu swan mi̱ ntswa a̱yit.

Yoona 11:57

Mat nang a̱gba̱ndang pris wu ma̱ng A̱fa̱risawa ba ku mi̱ nnwuak doka nyia̱; konyan wa lyen a̱vwuo ka nang Yesu nshya̱ a̱ni, gu bai a̱ hyia̱, da̱nian ba̱ ka ta̱bat guu.

Yoona 18:24

Huhwa Hanana si̱ tyia̱, á̱ si̱ ta̱m ma̱ng Yesu ma̱ng la̱p hu da̱ a̱vwuo Ka̱yafat.

Yoona 18:28

Ma̱ a̱tsotson a̱tson, ba̱ si̱ ghwut ma̱ng Yesu neet a̱mali Ka̱yafat. Ba̱ si̱ nat ma̱ng a̱nggu ma gwomna A̱romawa. Nang ba̱ si̱ ntat kpa̱mkpaan ma̱ng ma gwomna ka a̱ni, ba̱ si̱ lak nwuo hu nyia̱; kalak ba̱ kyiak á̱pyia̱ mba a̱na̱ndyung á̱ na vwuong ba nat kpa̱mkpaan ma̱ng A̱gwaza a̱ni; a̱wot á̱ bu vwuong ba ya nkyayak A̱yet Ghwut Mman Isi̱rela mi̱ Khwo.