Matyu 26:2 - A̠lyiat A̠gwaza na di̠n Tyap: A̠li̠ka̠uli A̠fai

² “Ma̱nang nyi ndyen a̱ni, á̱ bwat mam feang nia á̱ song A̱yet Ghwut Mman Isi̱rela mi̱ Khwo wu. A̱wot á̱ na bwuk ma̱ng Nggwon A̱tyubishyi, da̱nian á̱ ka kpang nka da̱ a̱team a̱khwu.”

Matyu 26:2 Iomraidhean Croise

Matyu 10:4

Siman (nang á̱ ngyei Za̱loti a̱ni), ma̱ng Yahuda Iska̱riyoti, (A̱tyu a̱ ku lyap Yesu a̱ni).

Matyu 17:22

Nang a̱mgba̱m mman nta̱m na bu ntung ndung ma̱ng Yesu ma̱ a̱byin Ga̱lili ka a̱ni, Yesu si̱ nyia̱ ma̱ng a̱mba, “Á̱ na labeang bah, á̱ na tyia̱ Nggwon A̱tyubishyi ka mbwak á̱niet ba̱ lak li nka a̱ni.

Matyu 27:4

A̱ si̱ nyia̱, “N nyia̱ a̱ka̱tuk nyia̱ nang n dyap a̱tyu sang a̱bun a̱ni!” A̱wot ba̱ si̱ nwuak gu shim nyia̱, “Yihwa ngyet si̱ nzi̱t hu? A̱ka̱ta ang kya a̱ja!”

Luka 22:15

Yesu si̱ nyia̱ ma̱ng a̱mba, “N ka̱n chat ba̱t n gya nkyayak A̱yet na dundung ma̱ng a̱nyin, n sii du nwuo swuo a̱bung nung hu.

Yoona 11:55

Nang A̱yet Ghwut Mman Isi̱rela mi̱ Khwo wu ku mbai kpa̱mkpaan a̱ni, á̱niet ma̱ a̱di̱di̱t si̱ ghwut á̱ neet ma̱ bachyuang a̱ka̱keang. Ba̱ si̱ nat Urusha̱lima da̱nian ba̱ ka nyia̱ taada kwi vam hu á̱ nfwuong jen Song A̱yet ji.

Yoona 12:1

Mam a̱taa nia bwat á̱ nwuo A̱yet Ghwut Mman Isi̱rela mi̱ Khwo hu, Yesu si̱ doot a̱ si̱ nat Ba̱ta̱ni di̱ tyan nang Laaza̱rut nshya̱ a̱ni. Nggu wa yet a̱tyu a̱ ku khwu, á̱ si̱ niat; a̱wot Yesu si̱ shyip gu ma̱ng swuan ma̱ á̱niet ba̱ ka̱n kwi a̱ni.

Yoona 18:2

Yahuda, a̱bang a̱byin wu, ku lyen a̱vwuo ka, mat kuzang jen Yesu ku chong mi̱ mman ta̱m nggu na a̱ja.

Yoona 18:32

(A̱lyiat nani ku bai da̱nian na̱ ka nat ma̱ cha̱chaat ma̱ng kyang nang Yesu ku tak á̱zanson di̱n jen nang gu ku ntyai tangka̱i a̱khwu nang gu na khwu a̱ni.)

Yoona 2:13

Nang jen song A̱yet Ghwut Mman Isi̱rela mi̱ Khwo ji nshim bai kpa̱mkpaan a̱ni, a̱jawa Yesu si̱ doot a̱ nat Urusha̱lima.