Matyu 2:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ A̱ si̱ yorong a̱cha̱chet a̱yaapris ma̱ng á̱niet tyiet doká A̱gwaza ba, a̱ si̱ lyip ba a̱vwuo ka nang á̱ ntak á̱ na mbyin Kristi, a̱tyu nang A̱gwaza kup gu tyok a̱ni.

Matyu 2:4 Iomraidhean Croise

Matyu 13:52

A̱ si̱ bu nyia̱ ma̱ng a̱mba a̱ni, “Mat a̱nia, kuzang a̱tyu tyiet doka a̱ bwuak a̱ si̱ yet nggwon ta̱m mi̱ Tyok Ma A̱gwaza tswazwa hu a̱ni, a̱ yet kidee a̱tyoli a̱ ghwut ma̱ng a̱chuchuk tyiet fai, mbeang a̱chuchuk a̱khwukhwop tyiet mi̱ tutu mumwang nggu hu a̱ni.”

Matyu 2:3

Nang a̱gwam Hiridut nfa̱k a̱nia a̱ni, fwuo nggu hu si̱ myia̱ bah. Ma a̱nia wa á̱niet ma̱ a̱di̱di̱t ma̱ a̱keang Urusha̱lima ka si̱ nfa̱k.

Matyu 2:5

Ba̱ si̱ nyia̱ ma̱ng a̱nggu, “Á̱ na byin gu ma̱ a̱keang Ba̱italami kya, mi̱ fam a̱byin Yahudiya. Kyang hu nang a̱ta̱m a̱kwonu A̱gwaza wu ku lyuut a̱ni, huhwa hu:

Matyu 21:15

Nang a̱cha̱chet a̱yaapris ma̱ng á̱niet tyiet doka ba ndi nkyang a̱ga̱de na nang Yesu nyia̱ a̱ni, a̱wot ba̱ si̱ bu fa̱k si̱sak nang mman na nkhwot a̱gugwong A̱mali Nwuat Za̱nang A̱gwaza ka a̱ni, nyia̱, “Hosana, zi̱ dyep A̱gwaza da̱nian A̱ka̱mbwon Da̱wuda!” Huhwa a̱cha̱chet a̱yaapris ba ma̱ng á̱niet tyiet doka ba si̱ fa̱k a̱lyia̱ ya. Ba̱ si̱ nwuo kwop a̱dyii̱ng.

Matyu 21:23

Nang Yesu mbwuok a̱ nat didyaat A̱li Nwuat Za̱nang A̱gwaza hu a̱ni, a̱ si̱ nwuo tyiet. A̱cha̱chet a̱yaapris ma̱ng á̱niet khwop á̱niet si̱ neet á̱ bai da̱ a̱vwuo nggu. Ba̱ si̱ kwop a̱dyii̱ng, ba̱ si̱ zop Yesu nyia̱, “Zang tangka̱i tyok hwa nang a byia̱ nnyia̱ nkyang nani? A̱wot a̱nyan wa nwuak ang tyok hu?”

Matyu 26:3

Di̱n jen a̱ja a̱cha̱chet a̱yaapris ma̱ng á̱niet khwop á̱niet si̱ tung mi̱ gaat a̱gba̱ndang pris, a̱tyu nang á̱ ku ngyei Ka̱yafat a̱ni.

Matyu 26:47

Nang Yesu nshya̱ da̱ a̱lyiat na a̱ni, ba̱ si̱ kan di Yahuda Iska̱riyoti, a̱tyo nyiung mi̱ mman ta̱m swak ma̱ a̱feang na, nang gu kwak a̱son a̱ chobai ndung ma̱ng á̱kpa á̱niet ma̱ a̱di̱di̱t, ba̱ ba̱ng tswát ma̱ng shán. Bibya nang a̱cha̱chet a̱yaapris ma̱ng a̱yaagwak tyiet doka ma̱ng á̱niet khwop á̱niet ba, ku ta̱m ba̱ ka ta̱bat Yesu.

Matyu 27:1

Da̱ a̱tsotson tat ka, a̱mgba̱m a̱cha̱chet a̱yaapris ba, ma̱ng á̱niet khwop á̱niet ba si̱ tung. Ba̱ si̱ la̱p a̱nu di̱ si̱sak ji ba̱ na nhyat Yesu a̱ni.

Matyu 7:29

Mat Yesu ku tyiet mbaa ma̱ng a̱tsatsak tyok. Tyiet gu hu si̱ vwuon ma̱ zan ma̱ng si̱ á̱niet tyiet doka Musa ji.

Ma̱rkut 8:31

A̱wot Yesu si̱ nwuo tyiet mman ta̱m nggu na tazwa a̱pyia̱ gu nyia̱; ku yet ta hwa Nggwon A̱tyubishyi ka̱ swuo a̱bung da̱ a̱ka̱tuk nkyang ma̱ a̱di̱di̱t. A̱wot á̱niet khwop á̱niet, a̱cha̱chet a̱yaapris, ma̱ng á̱niet tyiet doka na lak ka, á̱ bu hyat ka. A̱mgba̱m ma̱ng a̱nia, a̱tuk mam tat ka, ka̱ na doot ma̱ng swuan ma̱ á̱niet ba̱ ka̱n kwi a̱ni.

Luka 20:19

Á̱niet tyiet doka A̱gwaza ma̱ng a̱cha̱chet a̱yaapris ba, si̱ kin chat vak nang ba̱ na nta̱bat Yesu a̱ni. A̱wot ba̱ si̱ fa̱k a̱wun á̱niet ka. Mat ba̱ ku fi̱k nang bibya Yesu nfa; ba̱ yet á̱ka̱tuk á̱niet khap ba mi̱ kidee jini.

Luka 23:10

Da̱ a̱cha̱chaat njen a̱wa, a̱cha̱chet a̱yaapris ba ma̱ng a̱yaagwak tyiet doká A̱gwaza ba, si̱ yong a̱ja a̱ khwot a̱gugwong á̱ bat Yesu a̱hyiak.

Yoona 18:3

Huhwa Yahuda si̱ kin doot a̱ si̱ bwuo á̱niet nzwang ma̱ng á̱niet chok A̱li Nwuat Za̱nang A̱gwaza ba, nang a̱cha̱chet pris ma̱ng A̱fa̱risawa ku ta̱m a̱ni; ba̱ si̱ nat ma̱ a̱byin ka. Ba̱ si̱ ba̱ng long sang ma̱ng a̱ka̱fi̱t ndong. Ba̱ si̱ mbeang nkyang nzwang.

Yoona 3:10

Yesu si̱ nwuak gu shim nyia̱, “A̱wot nwan mameang, a yet a̱gba̱ndang a̱tyu tyiet Isi̱rela wu a̱ni; a̱wot a lyen nkyang nani baa?

Yoona 7:32

Nang A̱fa̱risawa ba ku nfa̱k nang á̱kpa á̱niet ka chyuang tazwa Yesu a̱ni; a̱jawa mba ma̱ng a̱cha̱chet a̱yaapris ba, ba̱ si̱ ta̱m á̱niet chok A̱li Nwuat Za̱nang A̱gwaza ba, ba̱ ka ta̱bat guu.

Yoona 8:3

A̱jawa a̱cha̱chet a̱yaagwak tyiet doka A̱gwaza ma̱ng A̱fa̱risawa ba, ba̱ si̱ bai ma̱ng a̱byii̱k nang á̱ ta̱bat gu di̱ katnaan. Ba̱ si̱ tyia̱ a̱byii̱k wu si̱ yong a̱ka̱wa̱tyia̱ á̱niet ka.

Nta̱m A̱yaata̱m 23:9

Mat a̱nia, á̱kpa á̱niet ka si̱ mbeang khwot a̱gugwong hu mi̱ chet! A̱wot a̱yaagwak tyiet doká, ba̱ ku yet A̱fa̱risawa a̱ni, si̱ doot á̱ yong ba̱ si̱ ya fwuang mi̱ chet nyia̱, “Zi̱ shya̱ a̱tyu wuni ma̱ng a̱bun bah! Shimba tswa ja, ku a̱ta̱m tswa wa lyiat ma̱ng a̱nggu!”

Nta̱m A̱yaata̱m 4:5

A̱tuk mam feang ka, a̱cha̱chet a̱yaakwak a̱son A̱yahudawa ba, á̱khwukhwop á̱niet a̱keang ba, ma̱ng a̱yaagwak tyiet doká ba si̱ nyia̱ a̱gba̱ndang a̱tung sot a̱cha̱chet A̱yahudawa mi̱ Urusha̱lima.

Nta̱m A̱yaata̱m 6:12

A̱ni wa ba̱ ku ndyiat. Ba̱ si̱ nfuut á̱niet ba, á̱khwukhwop á̱niet, ma̱ng a̱yaagwak tyiet doka A̱gwaza. Mat a̱nia, ba̱ si̱ ta̱bat Itifanut. A̱wot ba̱ si̱ bai ma̱ng a̱nggu a̱zaghyi a̱gba̱ndang a̱tung sot a̱cha̱chet A̱yahudawa ji.