Matyu 2:2 - A̠lyiat A̠gwaza na di̠n Tyap: A̠li̠ka̠uli A̠fai

² Ba̱ si̱ ba̱ lyip nyia̱, “Nggwon ka nang á̱ byin ka̱ yet a̱gwam A̱yahudawa wu a̱ni, shya̱ a̱ji wa? Mat zi̱ li a̱ta̱ngwat nggu ka ghwut neet di̱ nfam a̱tyin, zi̱ bai zi̱ ka kyuak gu ntong.”

Matyu 2:2 Iomraidhean Croise

Matyu 2:3

Nang a̱gwam Hiridut nfa̱k a̱nia a̱ni, fwuo nggu hu si̱ myia̱ bah. Ma a̱nia wa á̱niet ma̱ a̱di̱di̱t ma̱ a̱keang Urusha̱lima ka si̱ nfa̱k.

Matyu 21:5

“Nyi tak ma̱ng á̱niet Urusha̱lima ba nyia̱, ‘Di, A̱gwam nyin wu wa wu chobai da̱ a̱vwuo nyin! A̱ kyiak a̱pyia̱ nggu nang kyang a̱ni bah. A̱ swan tazwa a̱ka̱za̱nki, nggwon a̱ka̱za̱nki kya gu nyeak.’ ”

Matyu 27:11

Nang Yesu ngyong a̱zaghyi Bilatut, a̱ yet gwomna A̱romawa wu a̱ni, gwomna wu si̱ lyip gu nyia̱, “Nwan wa yet a̱gwam A̱yahudawa wu a?” Yesu si̱ nyia̱ ma̱ng a̱nggu, “A hyia̱ na cha̱chaat.”

Luka 19:38

“A̱gwam a̱ chobai da̱ a̱lyoot A̱gwaza a̱ni, a̱ yet a̱tyu a̱li̱ba̱rka wa! Swat nyinyang shya̱ Ma A̱gwaza tswazwa! A̱wot yok á̱ nwuak A̱gwaza a̱ shya̱ a̱ja a̱ni shi!”

Luka 2:11

Mat a̱fwun kani, mi̱ Ba̱italami a̱keang a̱gwam Da̱wuda, á̱ byin nyin nggwon, ka̱ yet A̱tyusan! Kikya bu yet Kristi, a̱tyu nang A̱gwaza kup ka tyok a̱ni; kikya bu yet A̱tyoli wu.

Luka 23:3

A̱jawa gwomna Bilatut si̱ lyip Yesu nyia̱, “Nwan wa yet a̱gwam A̱yahudawa wu a?” Yesu si̱ nwuak gu shim nyia̱, “A hyia̱ a̱nia.”

Luka 23:38

Ba̱ si̱ lyuut a̱bun nang ba̱ mbat gu a̱ni da̱ a̱lo á̱ si̱ lya̱u tazwa a̱pyia̱ nggu ka nyia̱, “Di, A̱gwam A̱yahudawa wu wa wu!”

Yoona 1:49

A̱jawa Nataniyel si̱ nyia̱, “A̱tyu tyiet, nwan wa yet Nggwon A̱gwaza ka! Nwan wa yet A̱gwam Isi̱rela wu!”

Yoona 12:13

ba̱ si̱ kin sam a̱kyikyo a̱ka̱kwon tswan. Ba̱ si̱ ghwut á̱ nat ba̱ myim ma̱ng a̱nggu, ba̱ san guu. Ba̱ si̱ kan ta̱ngam nwunwuat hu mi̱ chet nyia̱, “Dyep A̱gwaza! Dyep yet si̱ A̱tyu a̱ chobai mami a̱lyoot A̱gwaza a̱ni! A̱gwaza, gu nang A̱gwam Isi̱rela wu a̱li̱ba̱rka!”

Yoona 18:37

Huhwa gwomna Bilatut si̱ nyia̱, “A yet a̱gwam wa a?” Yesu si̱ ma nwuak gu shim nyia̱, “A hyia̱ cha̱chaat nang ngyet a̱gwam wa. Á̱ ku byin nung, á̱ si̱ ta̱m ma̱ng a̱nung mi̱ swanta hu, mat kyang nyiung hwa, huhwa yet; n tak ma̱ng á̱niet ba a̱chuchuk wu kpa̱sai. A̱wot konyan wa khwi a̱chuchuk wu, a̱ ni̱ myiai a̱fufwuo a̱ fa̱k nung.”

Yoona 19:19

Gwomna Bilatut mameang si̱ tyia̱ á̱ si̱ lyuut a̱lyiat da̱ a̱lo á̱ si̱ lya̱u tazwa a̱team a̱khwu wu. Kyang nang gu ku lyuut a̱ni huhwa yet; “Di, Yesu A̱tyu Na̱za̱ra̱t A̱gwam A̱yahudawa wu wa wu!”

Yoona 20:28

Toma si̱ nyia̱ ma̱ng a̱nggu, “A̱tyoli nung ma̱ng A̱gwaza nung!”

Yoona 5:23

Da̱nian a̱mgba̱m á̱niet ba ba̱ ka nwuak Nggwon ka shi, ma̱ cha̱chaat nang ba̱ nnwuat A̱tyia̱ wu a̱ ta̱m ma̱ng a̱nka a̱ni.

Yoona 9:38

Huhwa a̱tyu a̱ ku byia̱ a̱fi̱fan ba a̱ni nyia̱, “Nwan A̱tyoli nung, n nwuak fwuo da̱ nwan!” A̱wot a̱ si̱ kyuak ntong a̱zaghyi Yesu.

Ibriniyawa 1:6

Ma a̱nia wa, jen ji nang A̱gwaza na nta̱m Nggwon nggu ka ka̱ byia̱ shi a̱ swak kuzang kyang mi̱ swanta hu a̱ni, a̱ si̱ nyia̱, “Yok a̱mgba̱m a̱yaata̱m tswá A̱gwaza ba, ba̱ kyuak ntong a̱zaghyi nggu!”

Tyai Á̱zanson 22:16

“Nung Yesu, n ta̱m a̱ta̱m tswa nung wu, gu nwuak nyin ta̱m jini da̱nian susot á̱niet khwi nung ji. Nung gwa ngyet a̱tyin kwai a̱gwam Da̱wuda ka, ma̱ng a̱tyu a̱ na ya gado chuk tyok nggu hu a̱ni! Nung gwa bu ngyet a̱na̱ndan a̱ta̱ngwat, ka̱ sai ma̱ kyenkyai a̱ni!”