Matyu 2:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nang á̱ mbyin Yesu mi̱ Ba̱italami ma̱ a̱byin Yahudiya a̱ni, nang a̱gwam Hiridut wa nyia̱ tyok hu; a̱jawa a̱yaagwak lyen á̱ta̱ngwat si̱ bai Urusha̱lima neet di̱ nfam a̱tyin.

Matyu 2:1 Iomraidhean Croise

Matyu 1:25

A̱wot Isuu du myia̱ ma̱ng Ma̱ryamu bah, ba̱ng si̱ nat jen nang gu mbyin nggwon a̱sam nggu ka a̱ni. A̱ si̱ tyia̱ nka a̱lyoot “Yesu.”

Matyu 2:16

Nang a̱gwam Hiridut ba̱ nfi̱k nang a̱yaagwak lyen á̱ta̱ngwat a̱bya, ba̱ neet di̱ nfam a̱tyin hu ndaai gu a̱ni, a̱ si̱ fa̱k a̱lyia̱ ya ba̱t. A̱ si̱ tyia̱ á̱ si̱ hyaai a̱chyuang mman á̱sam ma̱ a̱keang Ba̱italami ma̱ng á̱kum a̱ka̱keang na̱ hyia̱k a̱ja a̱ni, kyiak neet di̱ mbyin si̱ nat a̱lyia̱ a̱feang. A̱ ku nyia̱ a̱nia, ku nat cha̱chaat ma̱ng nkhang nang a̱yaagwak lyen á̱ta̱ngwat ba ku hyia̱ tazwa njen nang a̱ta̱ngwat mbyin ka na ntsa ghwut a̱ni.

Matyu 2:19

Jen nang a̱gwam Hiridut nkhwu a̱ni, a̱ta̱m tswa A̱gwaza si̱ tak ma̱ng Isuu ma̱ a̱laat mi̱ Ma̱sa̱r nyia̱,

Matyu 2:3

Nang a̱gwam Hiridut nfa̱k a̱nia a̱ni, fwuo nggu hu si̱ myia̱ bah. Ma a̱nia wa á̱niet ma̱ a̱di̱di̱t ma̱ a̱keang Urusha̱lima ka si̱ nfa̱k.

Matyu 2:5

Ba̱ si̱ nyia̱ ma̱ng a̱nggu, “Á̱ na byin gu ma̱ a̱keang Ba̱italami kya, mi̱ fam a̱byin Yahudiya. Kyang hu nang a̱ta̱m a̱kwonu A̱gwaza wu ku lyuut a̱ni, huhwa hu:

Matyu 2:7

A̱gwam Hiridut si̱ bu yorong a̱yaagwak lyen á̱ta̱ngwat a̱bya da̱ bang, da̱nian gu ka lyen a̱cha̱chaat njen wu nang ba̱ ndi a̱ta̱ngwat ka nghwut a̱ni.

Luka 1:5

Di̱n jen nang a̱gwam Hiridut ku ngya tyok tazwa a̱byin Yahudiya ka a̱ni, pris A̱yahudawa a̱ghyang ku nshya̱ á̱ si̱ ngyei Za̱ka̱riya. A̱ ku neet mi̱ tangka̱i sot pris A̱biya. Á̱ si̱ ngyei a̱byii̱k nggu wu A̱li̱sa̱ba̱tu. Nggu meang, a̱ ku yet a̱nyiung mi̱ mman á̱nap sot pris Haruna nia.

Luka 2:11

Mat a̱fwun kani, mi̱ Ba̱italami a̱keang a̱gwam Da̱wuda, á̱ byin nyin nggwon, ka̱ yet A̱tyusan! Kikya bu yet Kristi, a̱tyu nang A̱gwaza kup ka tyok a̱ni; kikya bu yet A̱tyoli wu.

Luka 2:15

Nang a̱yaata̱m tswá ba mbwuok á̱ nat Ma A̱gwaza tswazwa ka a̱ni, á̱niet chok zón seap ba si̱ nyia̱ ma̱ng á̱ghyang mba, “Nyi bai ma̱ninika zi̱ nat Ba̱italami; zi̱ ka li kyang ku bai nang A̱gwaza tak ma̱ng a̱nzi̱t a̱ni!”

Yoona 7:42

Wá ngyei A̱lyiat A̱gwaza na nyia̱ Kristi wu na ghwut mi̱ kwai Da̱wuda ja. A̱wot á̱ byin nggu ma̱ a̱keang Ba̱italami, a̱da̱dei a̱keang nang a̱gwam Da̱wuda ku nswan a̱ni a?”