Matyu 11:3 - A̠lyiat A̠gwaza na di̠n Tyap: A̠li̠ka̠uli A̠fai

³ “Nwan wa yet Kristi wu nang zi̱ fwuong chobai gu hu a̱ni a; ke zi̱ fwuong a̱ghyang á̱niet wa?”

Matyu 11:3 Iomraidhean Croise

Matyu 11:10

Yoona wa nang á̱ lyuut tazwa nggu ma̱ A̱lyiat A̱gwaza na nyia̱, ‘Di, n ta̱m ma̱ng a̱ta̱m nung wu, gu khwat a̱son ang. A̱wot a̱ na jhyi ang vak hu, a ba̱ nkai.’

Matyu 11:4

Yesu si̱ nwuak ba shim nyia̱, “Nyi nat nyi hyia̱ ma̱ng Yoona nkhang nta̱m nang nyi fa̱k, nyi si̱ bu li a̱ni:

Matyu 21:5

“Nyi tak ma̱ng á̱niet Urusha̱lima ba nyia̱, ‘Di, A̱gwam nyin wu wa wu chobai da̱ a̱vwuo nyin! A̱ kyiak a̱pyia̱ nggu nang kyang a̱ni bah. A̱ swan tazwa a̱ka̱za̱nki, nggwon a̱ka̱za̱nki kya gu nyeak.’ ”

Matyu 21:9

Á̱niet ma̱ a̱di̱di̱t ba̱ khwat a̱son Yesu ma̱ng á̱si̱ ba̱ khwi nggu lilyim a̱ni, si̱ nwuo tang nggu a̱didyep, á̱ khwot a̱gugwong nyia̱, “Hosana! Á̱ dyep A̱gwaza da̱nian a̱ka̱mbwon Da̱wuda! Shok yet si̱ a̱tyu a̱ chobai di̱ Tyok A̱gwaza a̱ni! Hosana! Zi̱ dyep gu a̱ shya̱ Ma A̱gwaza tswazwa a̱ni!”

Ma̱rkut 11:9

Á̱niet ba̱ kwak a̱son Yesu ma̱ng á̱si̱ ba̱ khwi gu lilyim a̱ni, si̱ koot a̱gugong nyia̱, “Hosana, Hosana! Zi̱ dyep A̱gwaza! Shok yet si̱ a̱tyu, a̱ chobai ma̱ng Tyok A̱gwaza A̱tyoli a̱ni!

Luka 19:38

“A̱gwam a̱ chobai da̱ a̱lyoot A̱gwaza a̱ni, a̱ yet a̱tyu a̱li̱ba̱rka wa! Swat nyinyang shya̱ Ma A̱gwaza tswazwa! A̱wot yok á̱ nwuak A̱gwaza a̱ shya̱ a̱ja a̱ni shi!”

Yoona 11:27

A̱jawa Ma̱rta si̱ nwuak Yesu shim nyia̱, “Ii, A̱tyoli, n nwuak a̱chuchuk nwan wa yet Kristi a̱tyu nang A̱gwaza kup gu tyok nang zi̱ fwuong a̱ni; Nggwon A̱gwaza ka nang á̱ ku sak ka̱ na bai mi̱ swanta hu a̱ni.”

Yoona 12:13

ba̱ si̱ kin sam a̱kyikyo a̱ka̱kwon tswan. Ba̱ si̱ ghwut á̱ nat ba̱ myim ma̱ng a̱nggu, ba̱ san guu. Ba̱ si̱ kan ta̱ngam nwunwuat hu mi̱ chet nyia̱, “Dyep A̱gwaza! Dyep yet si̱ A̱tyu a̱ chobai mami a̱lyoot A̱gwaza a̱ni! A̱gwaza, gu nang A̱gwam Isi̱rela wu a̱li̱ba̱rka!”

Yoona 16:14

A̱ bye nnwuak nung shi, da̱nian á̱lyiat nung nia gu bye hyia̱ ma̱ng a̱nyin.

Yoona 4:21

A̱wot Yesu si̱ nyia̱ ma̱ng a̱nap wu a̱ni, “A̱yang a̱li, nwuak a̱chuchuk di̱ kyang nang n hyia̱ ma̱ng a̱nwan a̱ni. Jen chobai da̱nang á̱niet bye nkwok ntong a̱zaghyi A̱tyia̱ tswazwa da̱ a̱fang kani a̱ni bah. A̱wot da̱ mba ba̱ bu na kwok ntong mi̱ Urusha̱lima bah.

Yoona 6:14

Nang á̱niet ba a̱ja ndi a̱gba̱ndang kyang a̱ga̱de nang Yesu nyia̱ a̱ni, ba̱ si̱ nyia̱, “A̱tsak a̱lyiat wa za̱m; a̱tyu wuni yet A̱ta̱m a̱kwonu A̱gwaza wa a̱ na bai mi̱ swanta hu a̱ni!”

Yoona 7:31

Ma̱ng a̱nia, á̱niet ma̱ a̱di̱di̱t mami á̱kpa á̱niet ka si̱ nwuak fwuo da̱ nggu. Ba̱ si̱ nyia̱, “Jen ji nang Kristi bye mbai a̱ni, a̱ si̱ ba̱ nyia̱ a̱cha̱chet nkyang a̱ga̱de na̱ lan si̱ nang a̱tyu wuni ka̱n nyia̱ a̱ni a?”

Ibriniyawa 10:37

Ma̱nang á̱ ndyuut a̱ni, nyia̱, “Mat á̱ na labeang bah, a̱tyu a̱ chobai a̱ni, a̱ na nwuo di̱ mi̱ byian jen.