Matyu 10:3 - A̠lyiat A̠gwaza na di̠n Tyap: A̠li̠ka̠uli A̠fai

³ Filibut, Ba̱tolomi, Toma, Matyu, a̱tyu saai kurum ga̱ndu. Yakubu a̱fai A̱lfayat, ma̱ng Tadiyut.

Matyu 10:3 Iomraidhean Croise

Matyu 18:17

Ka̱ a̱tyu a̱wa ma ndak fa̱k á̱niet a̱bya, nat ma̱ng a̱lyiat na a̱zaghyi á̱niet khwi. Ka̱ a̱ bu lak fa̱k á̱niet khwi ba, nyi kyiak gu nang a̱tyu nwap a̱ chyi A̱gwaza a̱ni, ku a̱tyu saai kurum ga̱ndu nang á̱ vwuong gu ma̱ á̱niet mat shyuo á̱niet a̱ni.”

Matyu 27:56

Mami mba, á̱ ku mbyia̱ Ma̱ryamu Ma̱ga̱daliya, Ma̱ryamu a̱yang Yakubu ma̱ng Isuu, mbeang a̱yang Yakubu ma̱ng Yoona, á̱fai Za̱ba̱di ba.

Matyu 9:9

Nang Yesu nghwon Ka̱fanahum a̱ni, a̱ si̱ li a̱tyok a̱ghyang nang á̱ ngyei Matyu a̱ni, nang gu swan da̱ a̱vwuo saai kurum ga̱ndu, a̱ si̱ nyia̱ ma̱ng a̱nggu, “Khwi nung, a yet nggwon ta̱m nung!” A̱wot Matyu si̱ kin tat a̱ doot, a̱ si̱ khwi nggu.

Ma̱rkut 15:40

Á̱nyiuk á̱ghyang ku shya̱ a̱ja, á̱ yong gbang á̱ nwuan; mami mba Sa̱lomi, ma̱ng Ma̱ryamu Ma̱ga̱daliya ma̱ng Ma̱ryamu (a̱yang Isuu ma̱ng Yakubu a̱ yet a̱shushyuo a̱ni).

Ma̱rkut 2:14

Nang gu nshya̱ di̱ chong a̱ sweap a̱ni, a̱ si̱ li a̱ghyang a̱niet á̱ ngyei nggu La̱wi a̱fai A̱lfayat, nang gu shya̱ di saai kurum ga̱ndu. Yesu si̱ nyia̱ ma̱ng a̱nggu, “Doot, a khwi nung!” A̱ si̱ kin tat a̱ doot, a̱ si̱ khwi Yesu!

Ma̱rkut 3:18

Anda̱rawut, Filibut, Ba̱tolomi, Matyu (á̱ bu ngyei La̱wi a̱ni), Toma, Yakubu a̱fai A̱lfayat, Tadiyut, Siman (nang á̱ ngyei Za̱loti a̱ni),

Luka 18:10

“Á̱niet a̱feang nat naai A̱mali Nwuat Za̱nang A̱gwaza. A̱tyo nyiung ku yet a̱tyu A̱fa̱risawa. A̱wot a̱tyo nyiung wu si̱ yet a̱tyu saai kurum ga̱ndu nang á̱ jhyuai a̱ni.

Luka 18:11

A̱tyu A̱fa̱risawa wu si̱ khap a̱ yong zan. A̱ si̱ naai A̱gwaza nyia̱, ‘A̱gwaza, n gwai ang nang n gyet a̱tyu a̱ka̱tuk nyia̱ nang á̱kum á̱niet ka a̱ni bah. Mat n gyet a̱tyu shyuo á̱niet bah; n nyia̱ a̱ka̱tuk nyia̱ bah; a̱wot n katnaan bah. A̱tsak a̱lyiat, n di nang a̱tyu saai kurum ga̱ndu wuni a̱ni bah!

Luka 18:13

“A̱wot nggu a̱tyu saai kurum ga̱ndu wu, a̱ si̱ shya̱i a̱ yong ma̱ gbang. A̱ si̱ byian á̱ghyi, a̱ si̱ totong ba a̱byin. A̱ si̱ sak mbwak di̱ fi̱ri̱ng. A̱ si̱ nyia̱, ‘A̱gwaza, ma̱sa̱kut fa̱k kunak nung! Mat, n ngyet a̱tyu a̱ka̱tuk nyia̱ wa!’

Luka 19:2

A̱tyok a̱ghyang ku shya̱ a̱ja, á̱ si̱ ngyei nggu Za̱ka. A̱ ku yet a̱gba̱ndang a̱tyu saai kurum ga̱ndu wa, mi̱ fam a̱byin a̱hwa. A̱wot a̱ si̱ byia̱ zwá gba̱mgbam.

Luka 5:27

Nang si̱ a̱hwa nswak a̱ni, Yesu si̱ doot ma̱ a̱keang ka. A̱ si̱ li a̱tyu saai kurum ga̱ndu a̱ghyang nang á̱ ngyei La̱wi a̱ni; nang gu swan mi̱ tutu nta̱m nggu hu. Yesu si̱ nyia̱ ma̱ng a̱nggu, “Khwi nung, a yet nggwon ta̱m nung!”

Yoona 1:48

A̱jawa Nataniyel si̱ nyia̱ ma̱ng Yesu a̱ni, “A̱ji wa nang a ndyen nung?” Yesu si̱ nwuak gu shim hu nyia̱, “Neet nang Filibut ka̱n gyorong ang bah, nang a ku nswan a̱tyin a̱kwon a̱bwabwap ka a̱ni; n ku ndi ang a̱ja.”

Yoona 11:16

A̱jawa nang Toma, a̱ byia̱ a̱lyoot nggan nang á̱ ngyei “A̱hyaai ka” a̱ni, si̱ nyia̱ ma̱ng á̱kum mman ta̱m ka a̱ni, “Nzi̱t mameang, zi̱t nat zi̱ kwi dundung ma̱ng a̱nggu!”

Yoona 14:22

Yahuda a̱ghyang (kang ma̱ng Yahuda Iska̱riyoti wu), a̱ si̱ lyip Yesu nyia̱, “Nwan A̱tyoli, yihwa mbyia̱ a na ntyai a̱pyia̱ ang da̱ a̱vwuo nzi̱t kya ma̱nyin zi̱t, kang ma̱ng á̱niet mi̱ swanta ba?”

Yoona 14:5

A̱jawa Toma si̱ nyia̱ ma̱ng Yesu a̱ni, “Nwan A̱tyoli, zi̱ lyen a̱vwuo ka nang a naat a̱ni bah. Zi̱ na nyia̱ ni wa zi̱ ndyen vak hu?”

Yoona 14:9

Yesu si̱ nwuak Filibut shim hu nyia̱, “N dabeang ma̱ng a̱nyin ba̱t a̱ni. A̱mgba̱m ma̱ng a̱nia, nyi lyen nung baa? Konyan wa li nung, a̱ wa ka̱n di A̱tyia̱ nung wu za̱m! Yihwa mbyia̱ nang a nyia̱, ‘Tak zi̱t A̱tyia̱ wu’?

Yoona 21:2

Siman Bitut, ma̱ng Toma (a̱ ku byia̱ a̱lyoot nggan nang á̱ bu ngyei “A̱hyaai ka” a̱ni); ma̱ng Nataniyel a̱ ku neet mi̱ Kana mi̱ a̱keang Ga̱lili a̱ni; ma̱ng á̱fai Za̱ba̱di, ma̱ng mman ta̱m a̱feang á̱ghyang Yesu na; ku mun á̱ shya̱ a̱ja dundung.

Nta̱m A̱yaata̱m 1:13

Nang ba̱ ku si̱ nnwuo a̱keang Urusha̱lima ka a̱ni, ba̱ si̱ nyeak á̱ nat ma̱ a̱gba̱ndang nyuo a̱mali tazwa ka nang ba̱ ku nswan a̱ni. A̱yaata̱m bani bya ku yet: Bitut, Yoona, Yakubu ma̱ng Anda̱rawut, Filibut ma̱ng Toma, Ba̱tolomi ma̱ng Matyu, Yakubu a̱fai A̱lfayat ma̱ng Siman (nang á̱ ngyei Za̱loti a̱ni,) mbeang Yahuda a̱fai Yakubu wu.

Nta̱m A̱yaata̱m 12:17

Bitut si̱ lyiat ma̱ng a̱mba ma̱ng bwak, nyia̱ ba̱ tyia̱ nywang. A̱wot a̱ si̱ ya a̱son ma̱ng shei mba si̱sak nang A̱gwaza nti̱n nggu a̱ ghwut ndyo mi̱ jaru ji a̱ni. A̱ si̱ nyia̱, “Nyi tak ma̱ng Yakubu ma̱ng á̱kum á̱niet khwi ka kyang ku bai a̱ni.” A̱wot Bitut si̱ swak a̱ nat a̱vwuo a̱ghyang.

Nta̱m A̱yaata̱m 15:13

Nang ba̱ ndyiat á̱ tyak a̱ni, a̱jawa Yakubu si̱ doot a̱ yong. A̱ si̱ nyia̱, “Á̱na̱nyiuk, nyi myiai a̱fufwuo nyi fa̱k nung.

Nta̱m A̱yaata̱m 21:18

A̱tuk mam feang ka, Bulut si̱ doot ndung ma̱ng a̱nzi̱t a̱ nat byiat Yakubu, nang a̱mgba̱m a̱yaakwak a̱son sot á̱niet khwi Urusha̱lima ba shya̱ a̱ja.

A̱ga̱la̱tiyawa 1:19

A̱wot ma̱ a̱ta̱m Yesu nang n ku myim ma̱ng a̱nggu a̱ja a̱ni, nggu wa ku yet Yakubu a̱na̱nyiuk Yesu A̱tyoli nzi̱t wu.

A̱ga̱la̱tiyawa 2:9

A̱tsak a̱lyiat, Yakubu, Bitut ma̱ng Yoona, a̱yaata̱m Yesu ba, bibya nang á̱ ku kyiak nang a̱cha̱chet a̱yaakwak a̱son sot á̱niet khwi ji a̱ni; ba̱ si̱ fi̱k nang A̱gwaza wa, mat shok nggu ji, nnang nung za̱nang chet shei A̱sham Nkhang ji. Mat a̱nia, ba̱ si̱ swuo bwak ma̱ng a̱nung mbeang Ba̱nabat, ku tak nang ba̱ nsan nzi̱t, zi̱ yet á̱kpa̱ndang ta̱m mba. Ba̱ si̱ tyia̱ nzi̱t gba̱gbak, zi̱ ka ya a̱son mi̱ shei A̱sham Nkhang ka da̱ a̱vwuo Nnwap na̱ nwai yet A̱yahudawa a̱ni. Mba meang, ba̱ si̱ shim ba̱ nat da̱ a̱vwuo A̱yahudawa ba ba̱ ya a̱son mi̱ shei mba A̱sham Nkhang ka.

Yakubu 1:1

Nung Yakubu, n gyet a̱khwo A̱gwaza ma̱ng A̱tyoli Yesu Kristi a̱ni. N dyuut wusika jini nat ndyo da̱ a̱vwuo kwaí swak ma̱ a̱feang á̱niet Isi̱rela, ba̱ yet á̱niet khwi Yesu ba̱ seang á̱ kai swanta hu a̱ni.

Yahuda 1:1

Nung Yahuda, a̱khwo Yesu Kristi, n gyet a̱na̱nyiuk Yakubu. Nung gwa n dyuut nyin wusika jini. N dyuut nyin, a̱mgba̱m á̱niet ba nang A̱gwaza a̱ yet A̱tyia̱ yei a̱ni; á̱si̱ ba ba̱ bu mun á̱pyia̱ ma̱ng a̱nggu A̱gwaza, a̱ yet A̱tyia̱ wu a̱ chat ba ba̱t, a̱ si̱ bu tyia̱ mba mbwak Yesu Kristi gu ka chok ba a̱ni.