Matyu 1:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Á̱si̱ bani bya yet nche a̱yaatyia̱ a̱khwop Yesu a̱ yet Kristi, a̱tyu nang A̱gwaza kup gu tyok a̱ni. Nggu wa yet a̱ka̱mbwon Da̱wuda ma̱ng Ibrahim.

Matyu 1:1 Iomraidhean Croise

Matyu 1:18

A̱ni wa nang byin Yesu a̱ yet Kristi, a̱tyu nang A̱gwaza kup gu tyok a̱ni, ndi. Di̱n jen nang Isuu ma̱ng Ma̱ryamu, a̱yang Yesu wu, ku nda̱p si̱sak ba̱ na nnyia̱ nyeang a̱ni, neet nang ba̱ ka̱n nyia̱ nyeang hu bah, á̱ si̱ li nang gu shya̱ ma̱ng shya̱ neet di̱n chet A̱za̱za̱rak Ntswa.

Matyu 1:2

Ibrahim wa yet a̱tyia̱ Ishaku. Ishaku si̱ yet a̱tyia̱ Yakubu. Yakubu si̱ yet a̱tyia̱ Yahuda ma̱ng á̱na̱nyiuk Yahuda ba.

Matyu 15:22

A̱nap a̱ghyang a̱ nwai yet A̱yahudawa a̱ni ku shya̱ mi̱ fam a̱byin a̱hwa. A̱ si̱ kin neet a̱ bai da̱ a̱vwuo Yesu a̱ tyiet kun mi̱ chet, a̱ naai nggu nyia̱, “A̱tyoli, Nggwon Da̱wuda, ma̱sa̱kut, fa̱k kunak nung! Mat a̱ka̱tuk ntswa a̱ shya̱ mi̱ nggwon a̱nap nung ka a̱ni. A̱wot a̱ tyei nka swuo a̱bung ba̱t!”

Matyu 3:16

Nang Yoona ntyak nyia̱ Yesu ba̱ptisman ji a̱ni, mi̱ di̱ ghwut Yesu hu ma̱ a̱sa̱khwot na, Ma A̱gwaza tswazwa ka si̱ kin khwuk, a̱ si̱ li A̱za̱za̱rak Ntswa A̱gwaza wu gu chorop a̱ neet tswazwa nang a̱bwa a̱ni, a̱ ba̱ swan da̱ Yesu.

Matyu 9:27

Nang Yesu nghwon a̱li nggwon neam ka a̱ni, á̱niet a̱fi̱fan a̱feang si̱ khwi ngguu, á̱ yei mi̱ chet nyia̱, “Nwan nggwon Da̱wuda, fa̱k kunak nzi̱t!”

Luka 1:33

A̱wot ka̱ na nyia̱ tyok tazwa kwai Yakubu si̱ nat sang sangba̱p. Tyok nka hu na byia̱ sangba̱p bah!”

Yoona 7:42

Wá ngyei A̱lyiat A̱gwaza na nyia̱ Kristi wu na ghwut mi̱ kwai Da̱wuda ja. A̱wot á̱ byin nggu ma̱ a̱keang Ba̱italami, a̱da̱dei a̱keang nang a̱gwam Da̱wuda ku nswan a̱ni a?”

Nta̱m A̱yaata̱m 2:30

A̱wot Da̱wuda ku yet a̱tsak a̱ta̱m a̱kwonu A̱gwaza wa. A̱ si̱ lyen a̱li̱ka̱uli nang A̱gwaza nyia̱ nggu ndyo a̱ni. A̱gwaza ku nyia̱ a̱li̱ka̱uli ma̱ng shyishyi, nyia̱ a̱ka̱mbwon Da̱wuda kya na swan ka̱ nyia̱ tyok da̱ a̱gba̱ndang chuk tyok nggu ji.

A̱romawa 1:3

A̱sham Nkhang kani shya̱ tazwa Nggwon A̱gwaza kikya. Tazwa za̱kwa Yesu di̱ yet a̱tyubishyi, á̱ ku byin nggu mi̱ kwai A̱gwam Da̱wuda ja.

A̱romawa 4:13

A̱gwaza ku nyia̱ a̱li̱ka̱uli, a̱ na nwuak Ibrahim ma̱ng kwai nggu ji a̱mgba̱m swanta hu, mat nang Ibrahim khwi doka A̱gwaza ja bah. Da̱ a̱kwonu a̱kya, Ibrahim ku nwuak fwuo hwa da̱ A̱gwaza. Huhwa si̱ mbyia̱ A̱gwaza si̱ tak kpa̱sai nang gu nkyiak Ibrahim a̱tsotswat ma̱ng sang a̱bun a̱zaghyi nggu.

A̱romawa 9:5

Ba̱ yet á̱ka̱mbwon a̱yaatyia̱ a̱khwop mba bya Ibrahim, Ishaku, ma̱ng Yakubu. A̱wot di̱ yet a̱tyubishyi, Kristi wu meang neet mi̱ nkwai mba ja. Nggu wa yet A̱gwaza, a̱ nyia̱ tyok di̱ kuzang nkyang a̱ni. Yok á̱ dyep guu, ba̱ng si̱ nat sang sangba̱p! Samba̱rka!

A̱ga̱la̱tiyawa 3:16

A̱wot A̱gwaza ku nyia̱ a̱li̱ka̱uli ma̱ng Ibrahim wa ma̱ng nggwon nggu ka. A̱wot da̱ mba, á̱ lyuut nyia̱ ma̱ng mman Ibrahim nia, ku á̱ fa kwai ja ma̱ a̱di̱di̱t nang A̱gwaza nyia̱ a̱li̱ka̱uli wu ma̱ng a̱mba bah. Da̱ a̱kwonu a̱kya, A̱lyiat A̱gwaza na fa, “Mi̱ Nggwon kya mi̱ kwai ang ji,” nang A̱gwaza nnyia̱ a̱li̱ka̱uli wu. Nggwon kani kya fa Kristi.

1 Timoti 2:5

A̱gwaza yet a̱nyiung wa, a̱wot á̱ si̱ bu byia̱ a̱tyu a̱ yong ma̱ a̱ka̱wa̱tyia̱ a̱kwonu á̱nietbishyi ma̱ng A̱gwaza wu a̱ni; a̱tyu a̱wa nggu wa yet Yesu Kristi.

2 Timoti 2:8

Nyia̱ a̱di̱dam di̱ Yesu Kristi kuzang jen, a̱tyu nang á̱ ku ta̱ngam ma̱ng swuan ma̱ á̱niet ba̱ ka̱n kwi a̱ni, a̱wot a̱tyu a̱ ku neet mi̱ kwai Da̱wuda ji a̱ni. Tyiet huni hwa yet A̱sham Nkhang ka nang n shei a̱ni.

Tyai Á̱zanson 22:16

“Nung Yesu, n ta̱m a̱ta̱m tswa nung wu, gu nwuak nyin ta̱m jini da̱nian susot á̱niet khwi nung ji. Nung gwa ngyet a̱tyin kwai a̱gwam Da̱wuda ka, ma̱ng a̱tyu a̱ na ya gado chuk tyok nggu hu a̱ni! Nung gwa bu ngyet a̱na̱ndan a̱ta̱ngwat, ka̱ sai ma̱ kyenkyai a̱ni!”