Ma̱rkut 9:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ A̱wot Iliya ma̱ng Musa si̱ tat á̱ ghwut da̱ a̱ka̱nyiung a̱zaghyi mba. A̱wot ba̱ si̱ nwuo lyiat ma̱ng Yesu.

Ma̱rkut 9:4 Iomraidhean Croise

Matyu 11:13

“Mat neet nang Yoona ka̱n bai bah, a̱mgba̱m a̱yaata̱m a̱kwonu A̱gwaza ba ma̱ng Musa a̱ ku lyuut doka A̱gwaza ji a̱ni, ku tyia̱ á̱ghyi ba̱ li jen Yoona ji.

Ma̱rkut 9:3

A̱yaatoot nggu ba si̱ tyiak sai ma̱ kyenkyai, a̱ ya á̱ghyi ma̱ mya̱myat a̱myat da̱nang a̱tyubishyi mi̱ swanta huni si̱ mi̱n tyia̱ ba̱ sai a̱nia a̱ni bah.

Ma̱rkut 9:5

Bitut si̱ kaat ma̱ng Yesu, nyia̱, “A̱tyu tyiet, ku yet a̱sham nang zi̱ nshya̱ a̱ji a̱ni. Yok zi̱ tat á̱suswak a̱tat di̱ lyulyoot nyin; nyiung da̱nian ang, nyiung da̱nian Musa, a̱wot nyiung ku yet si̱ Iliya!”

Luka 24:27

A̱wot Yesu si̱ wa̱i mba a̱mgba̱m A̱lyiat A̱gwaza na, kyiak neet di̱ doka Musa ji, ba̱ng ba̱ tat shei á̱zanson nang a̱mgba̱m a̱yaata̱m a̱kwonu A̱gwaza á̱ghyang ku lyuut a̱ni.

Luka 24:44

A̱jawa Yesu si̱ nyia̱, “Jen nang n ku nshya̱ ndung ma̱ng a̱nyin a̱ni, n ku ntak ma̱ng a̱nyin á̱zanson nang kuzang a̱lyiat nang á̱ lyuut tazwa nung mi̱ doka Musa ji ma̱ng a̱yaata̱m a̱kwonu A̱gwaza ba, mbeang Za̱bura a̱ni; ku yet ta hwa na̱ bai da̱ a̱nu ka.”

Luka 9:19

Mman ta̱m na si̱ nwuak gu shim nyia̱, “Á̱ghyang á̱niet nyia̱, a yet Yoona a̱tyu nyia̱ ba̱ptisman wa. Á̱ghyang á̱niet si̱ nyia̱, a yet Iliya, a̱ta̱m a̱kwonu A̱gwaza wa. A̱wot á̱ghyang si̱ nyia̱, a yet a̱tyo nyiung wa ma̱ a̱yaata̱m a̱kwonu A̱gwaza gbangbang ba̱ ka̱n kwi a̱ni; nggu wa bu doot ma̱ng swuan.”

Yoona 5:39

“Nyi zop A̱lyiat A̱gwaza na, mat nyi fa nyi na shya̱ swuan sang sangba̱p ja. A̱wot A̱lyiat A̱gwaza na; ni̱nia tyai nyin a̱tyu nang ngyet a̱ni!

Tyai Á̱zanson 19:10

A̱jawa n si̱ nta̱bwak a̱zaghyi nggu n si̱ nkyuak gu ntong. A̱wot a̱ta̱m tswa A̱gwaza wu si̱ nyia̱ ma̱ng a̱nung, “Kaai, yok kyuak nung ntong bah! N gyet a̱khwo A̱gwaza wa, ma̱nang nwan ma̱ng á̱na̱nyiuk ang ba ntak kpa̱sai nwuak fwuo nyin hu di̱ Yesu a̱ni. A̱gwaza wa ma̱nyin nggu á̱ kwok gu ntong! Mat a̱chuchuk tak kpa̱sai wu tazwa Yesu; nggu wa yet kyang nang A̱za̱za̱rak Ntswa A̱gwaza wu ni̱ nfuut á̱niet ba ba̱ shei A̱lyiat A̱gwaza na á̱zanson.”