Ma̱rkut 9:2 - A̠lyiat A̠gwaza na di̠n Tyap: A̠li̠ka̠uli A̠fai

² Nang mam a̱taa nswak a̱ni, Yesu si̱ kyiak Bitut, Yakubu ma̱ng Yoona dundung ma̱ng a̱nggu, a̱ si̱ nat ma̱ng a̱mba tazwa a̱ga̱nga̱ng a̱fan. Nang ba̱ nshya̱ a̱ja ma̱nyin ba a̱ni, á̱ si̱ shyak li Yesu hu a̱zaghyi mba!

Ma̱rkut 9:2 Iomraidhean Croise

Matyu 14:13

Nang Yesu nfa̱k a̱nia a̱ni, a̱ si̱ doot a̱ nwuo kukwon a̱wak, a̱ si̱ wak a̱ nat da̱ a̱vwuo ka̱ sang a̱yin a̱ni. A̱wot nang á̱kpa á̱niet ka nfa̱k a̱vwuo gu naat a̱ni, ba̱ si̱ ghwut ma̱ a̱ka̱keang. Ba̱ si̱ chong a̱byin á̱ si̱ shya̱ nggu a̱ja.

Ma̱rkut 14:33

Yesu si̱ doot a̱ si̱ kyiak Bitut, Yakubu, ma̱ng Yoona. A̱ si̱ nwuo swuo a̱bung ma̱ng byian fwuo ba̱t.

Ma̱rkut 16:12

Nang si̱ a̱hwa nswak a̱ni, Yesu si̱ shyak li nggu hu. A̱wot a̱ si̱ tyai a̱pyia̱ nggu kpa̱sai da̱ a̱vwuo mman ta̱m nggu na a̱feang, nang ba̱ shya̱ di̱n vak neet Urusha̱lima á̱ naat a̱keang á̱ghyang.

Ma̱rkut 5:37

Yesu si̱ shim a̱yin a̱ khwi gu bah, mi̱ Bitut ma̱ng Yakubu mbeang Yoona a̱na̱nyiuk Yakubu wu; bibya si̱ khwi nggu.

Luka 6:12

Á̱ghyang á̱tuk, Yesu si̱ nat di̱ tsok di̱ naai A̱gwaza. A̱ si̱ tyak a̱tyetuk ka nang gu naai guu.

Yoona 1:14

Swang A̱lyiat ji ku tyia̱ a̱tyubishyi. A̱ si̱ swan dundung ma̱ng a̱nzi̱t. Zi̱ si̱ li a̱kyenkyai shi nggu wu. A̱ si̱ byia̱ shok ma̱ng a̱chuchuk gba̱mgbam. A̱kyenkyai shi wuni wa ku tak nang gu ma̱nyin gu neet da̱ a̱vwuo A̱gwaza.

A̱romawa 12:2

Nyi yok khwi a̱ka̱tuk za̱kwa ma̱ng taada nang á̱niet swanta ba ni̱ khwi a̱ni bah. Da̱ a̱kwonu a̱kya, nyi yok A̱gwaza a̱ shyak nfwuo nyin na; nyi yet á̱niet á̱fai di̱ si̱sak nang nyi na nshyak a̱di̱dam nyin wu a̱ni. A̱ni wa nang nyi na nfi̱k kyang nang A̱gwaza chat a̱ni, huhwa yet si̱ ku yet a̱tan a̱zaghyi nggu, ma̱ng kyang ku yet a̱tsatsak ku myim gu a̱ni.

2 A̱korontiyawa 13:1

Bai nung huni hwa yet bai a̱ka̱tat hu nang n mbai n byiat nyin a̱ni. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Kuzang bat a̱lyiat, ku yet ta hwa á̱ kpaat hu ma̱ng sheda á̱niet feang ku á̱niet a̱tat, da̱ a̱vwuo á̱niet zop a̱lyiat, á̱ sii nyia̱ shi̱ri̱ya.”

A̱filibiyawa 3:21

Kristi na shyak á̱bobwot nvam nzi̱t nani na̱ tyiai a̱ni, a̱ tyia̱ na na̱ tai vam a̱kyenkyai shi nggu hu. A̱ na nyia̱ si̱ huni mat chet nang gu byia̱ a̱ nnyia̱ tyok tazwa a̱mgba̱m kuzang kyang a̱ni.

Tyai Á̱zanson 20:11

A̱wot n si̱ kin di a̱gba̱ndang a̱sai chuk tyok ma̱ng a̱tyu a̱ swan da̱ nhu a̱ni! Kyai tswazwa ma̱ng a̱byin si̱ ta̱yuut, a̱ ghwon a̱tyu swan di̱ a̱gba̱ndang chuk tyok wu. A̱wot da̱ mba, á̱ bu li mba bah.