Ma̱rkut 9:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Yesu si̱ ya a̱son mi̱ shei mba nyia̱, “N tak nyin a̱tsak a̱lyiat, á̱ghyang á̱niet ba̱ yong a̱ji ma̱nini a̱ni, ba̱ na kwi bah, si̱ nang ba̱ li Tyok A̱gwaza hu bai ma̱ng chet!”

Ma̱rkut 9:1 Iomraidhean Croise

Matyu 16:28

N tak nyin a̱tsak a̱lyiat, á̱ghyang á̱niet ba̱ yong a̱ji ma̱nini a̱ni, neet nang ba̱ ka̱n kwi bah, ba̱ na li Nggwon A̱tyubishyi ka̱ chobai ka̱ tyai a̱kyenkyai shi tyok nka wu.”

Matyu 24:30

“Di̱ ngaan jen a̱wa wa nang kyang a̱ga̱de a̱ yet a̱lama bwuok bai Nggwon A̱tyubishyi na nghwut kpa̱sai mi̱ kyai tswazwa hu. A̱wot a̱mgba̱m nnwap bibyin swanta na, na kpa̱t bwak á̱pyia̱ mat a̱gba̱ndang byian fwuo. A̱wot ba̱ na li Nggwon A̱tyubishyi ka̱ bwuot a̱ neet a̱ chobai ma̱ á̱ni̱nian ma̱ng a̱gba̱ndang chet ma̱ng shi.

Matyu 25:31

“Jen nang Nggwon A̱tyubishyi na mbwuok a̱ bai ma̱ng a̱kyenkyai shi nka wu ndung ma̱ng a̱mgba̱m a̱yaata̱m tswá nggu ba a̱ni, a̱ na swan da̱ a̱gba̱ndang chuk tyok nggu ji, ji̱ byia̱ shi a̱ni.

Ma̱rkut 13:26

“Di̱n jen a̱jaja á̱ na ndi Nggwon A̱tyubishyi ka̱ bwuot a̱ neet a̱ chobai ma̱ á̱ni̱nian ma̱ng a̱gba̱ndang tyok ma̱ng a̱kyenkyai shi.

Ma̱rkut 13:30

“A̱tsak a̱lyiat, n tak ma̱ng a̱nyin, che huni na swak bah; si̱ nang a̱mgba̱m nkyang nani bai da̱ a̱nu ka.

Luka 2:26

A̱wot A̱za̱za̱rak Ntswa wu ku mi̱ ntak ma̱ng Simiyon, nyia̱ da̱ a̱ na khwu bah, si̱ nang gu li Kristi, a̱tyu nang A̱gwaza kup gu tyok a̱ni.

Luka 22:18

Mat n bu na ngya nkyayak a̱yet na bah, si̱ nang Tyok A̱gwaza hu bai.”

Luka 22:30

Da̱nian nyi ka swan ma̱ng a̱nung zi̱ ya tsa nswuo mi̱ Tyok nung hu. A̱wot nyi na swan da̱ a̱cha̱chet chuchuk tyok, nyi ya tyok tazwa kwaí swak ma̱ a̱feang Isi̱rela ji.”

Luka 9:27

Yok ntak nyin a̱tsak a̱lyiat; á̱ghyang á̱niet ba̱ yong a̱ji ma̱nini a̱ni, ba̱ na kwi bah; si̱ nang ba̱ li Tyok A̱gwaza hu bai!”

Yoona 21:23

Mat a̱nia, nkhang na si̱ kai a̱ kaat á̱niet khwi Yesu ba, nang á̱ nyia̱ nggwon ta̱m kani na khwu bah. A̱wot Yesu ku hyia̱ nang gu na nwai khwu hwa bah. A̱ ku nyia̱, “Ki̱ n nyia̱ n na nghwon guu gu swuan si̱ nang n bwuok; yihwa ngyet a̱ka̱ta ang ka?”

Ibriniyawa 2:9

A̱wot a̱tyu nang zi̱ lyen a̱ni, Yesu wa, da̱ ba chak a̱ghyang, a̱ si̱ ghyuai a̱kyenkyai shi nggu wu ma̱nang á̱ ku nhyia̱ nyia̱, “A na nwuak gu shi ku tat kpa̱mkpaan ma̱ng á̱si̱ a̱yaata̱m tswá a̱ni.” Di̱ yong huni, Yesu wa nang, “Á̱ kup gu tyok, a̱ si̱ nwuak gu shi,” mat a̱ ku swuo a̱bung, a̱ si̱ khwu da̱nian zi̱t. A̱tsak a̱lyiat, mat shok A̱gwaza ja, ntyia̱ Yesu si̱ nkhwu da̱nian konyan.