Ma̱rkut 8:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Kuzang a̱yin si̱ ya, a̱ si̱ swa. Mman ta̱m na si̱ kwok á̱kukum ba̱ bwat a̱ni, á̱ hyaai a̱cha̱chet a̱ka̱cheang a̱natat.

Ma̱rkut 8:8 Iomraidhean Croise

Matyu 14:20

A̱mgba̱m mba konyan si̱ ya a̱ si̱ swa nang gu nchat a̱ni. A̱wot á̱kukum nkyayak ba ba̱ si̱ bwat a̱ni, mman ta̱m na si̱ tung á̱ hyaai a̱ka̱cheang swak ma̱ a̱feang.

Matyu 15:37

A̱mgba̱m á̱niet ba si̱ ya, ba̱ si̱ swa̱i nang ba̱ nchat a̱ni. A̱wot mman ta̱m na si̱ kwok á̱kum nkyayak ka̱ bwat a̱ni, na̱ si̱ hyaai a̱cha̱chet a̱ka̱cheang a̱natat.

Matyu 16:10

Ku burodi a̱natat wu nang á̱ ku ka̱u á̱niet chyikwop nyaai ba a̱ni, a̱wot a̱cha̱chet a̱ka̱cheang a̱mang nia nyi ku kwok?

Ma̱rkut 8:9

Á̱ si̱ tyan á̱kpa á̱niet ba̱ ya kyayak hu a̱tuk a̱kya a̱ni, nang chyikwop nyaai a̱ni. A̱wot nang ba̱ ngya á̱ tyak a̱ni, Yesu si̱ ti̱n mba, ba̱ si̱ nkat.

Luka 1:53

A̱ si̱ tsuung á̱niet ba̱ fwuong zong a̱ni, ma̱ng a̱chuchuk nkyayak. A̱wot á̱niet nzwá si̱ bai a̱ si̱ ghwon mba mbwak nkhwot, ba̱ si̱ nkat.

Yoona 6:27

“Nyi yok veang chat nkyayak na̱ na byian a̱ni bah. Da̱ a̱kwonu a̱kya, nyi nyia̱ ta̱m da̱nian kyayak hu na nwai byian a̱ni; ma̱ng si̱ hu ku na nwuak nyin swuan sang sangba̱p ji a̱ni. Huhwa yet kyayak nang Nggwon A̱tyubishyi ka na nwuak nyin a̱ni. Mat Nggwon A̱tyubishyi kya nang A̱tyia̱ wu ka̱n shim nka ndyo.”