Ma̱rkut 8:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ Yesu si̱ nyia̱ ma̱ng á̱kpa á̱niet ka ba̱ swan a̱byin. Nang gu nkyiak burodi a̱natat wu a̱ni, a̱ si̱ gwai A̱gwaza. A̱ si̱ kpa̱ra̱m, a̱ si̱ nwuat mman ta̱m nggu na, ba̱ ka̱u á̱niet ba. A̱wot ba̱ si̱ ma nyia̱ a̱nia.

Ma̱rkut 8:6 Iomraidhean Croise

Matyu 26:26

Nang ba̱ nshya̱ di̱ ya kyayak hu a̱ni, Yesu si̱ kyiak burodi sang yit wu, a̱ si̱ gwai A̱gwaza. A̱ si̱ kpa̱ra̱m burodi wu di̱ gbi̱ngba̱ra̱m, a̱ si̱ nwuak mman ta̱m nggu na, nyia̱, “Nyi ngga, nyi ya, mat kidee vam nung ji jaji.”

Ma̱rkut 8:20

“A̱wot nang n ku nkpa̱ra̱m burodi a̱natat wu, n si̱ ntsuung á̱niet chyikwop nyaai ba a̱ni; a̱ka̱cheang a̱mang nia nang nyi ku kwok á̱kukum ba ba̱ bwat a̱ni, ntyia̱ na si̱ nhyaai?” Ba̱ si̱ nyia̱, “A̱ka̱cheang a̱natat nia.”

Ma̱rkut 8:5

Yesu si̱ ma ndyip ba, nyia̱, “Burodi a̱mang wa nang nyi byia̱?” Ba̱ si̱ nyia̱, “Burodi a̱natat wa.”

Ma̱rkut 8:7

Ba̱ si̱ bu shya̱ ma̱ng fa̱n ma̱ a̱da̱dei. Yesu si̱ bu gwai A̱gwaza di̱ fa̱n hu, a̱ si̱ nyia̱ ma̱ng mman ta̱m na, ba̱ ka̱u á̱niet ba.

Luka 12:37

Á̱khwo ba ba̱ shya̱ di̱ swan fwuong bwuok a̱tyoli mba hu a̱ni, á̱ na nang ba zang. N tak nyin a̱tsak a̱lyiat; a̱tyoli wu ma̱ a̱pyia̱ nggu, na tyia̱ ba̱ swan, a̱wot gu kup a̱yaatoot nta̱m nggu ba, a̱ bai a̱ ka̱u mba nkyayak na, ba̱ ya!

Luka 24:30

Nang ba̱ nswan á̱ na ya kyayak a̱ni, Yesu si̱ kyiak burodi wu, a̱ si̱ naai A̱gwaza. A̱wot a̱ si̱ kpa̱ra̱m di̱ gbi̱ngba̱ra̱m, a̱ si̱ ka̱u mbaa.

Yoona 2:5

A̱yang byin Yesu wu si̱ nyia̱ ma̱ng mman ta̱m na a̱ni, “Nyi nyia̱ kuzang kyang nang gu tak ma̱ng a̱nyin a̱ni.”

Yoona 6:23

A̱wot a̱kukwon a̱wak á̱ghyang sii du neet Tiba̱riyat, ba̱ si̱ ba̱ yong kpa̱mkpaan ma̱ng a̱vwuo ka nang Yesu ku ngwai A̱gwaza di̱ burodi nang á̱kpa á̱niet ka ku ya a̱ni.

A̱romawa 14:6

Á̱niet ba ba̱ kwok ntong a̱zaghyi A̱gwaza da̱ a̱tsatsak mam a̱ni, ba̱ nyia̱ a̱nia da̱nian ba̱ ka nwuak A̱gwaza shi hwa. Á̱niet ba̱ ya kuzang tangka̱i nkyayak a̱ni, ba̱ ni̱ ya nhu da̱nian ba̱ ka nwuak A̱gwaza wu shi hwa; mat si̱sak nang ba̱ ni̱ ngwai A̱gwaza, ba̱ sii du ya kyayak hu a̱ni. Ma a̱nia wa, á̱niet ba̱ laai nkyayak njhyang a̱ni, mba meang ba̱ ni̱ chat ba̱ gwai A̱gwaza, a̱wot gu fa̱k nyinyang mba.

A̱kolosiyawa 3:17

A̱wot nang nyi ngyet á̱niet ba̱ yet á̱ghyi A̱tyoli Yesu bya a̱ni, a̱mgba̱m kuzang kyang nang nyi lyiat nyi si̱ nyia̱ a̱ni, nyi ni̱ nyia̱ kyang ku myim gu wa a̱ni. Nyi ya a̱son ma̱ng gwai A̱gwaza mat Yesu a̱ yong da̱ a̱kwonu nzi̱t a̱ni.