Ma̱rkut 8:2 - A̠lyiat A̠gwaza na di̠n Tyap: A̠li̠ka̠uli A̠fai

² “N fwuong kunak á̱niet bani, mat ba̱ shya̱ ma̱ng a̱nung mam tat nia na. A̱wot ma̱nini, ba̱ bu bwat kyayak nang ba̱ na ya a̱ni bah.

Ma̱rkut 8:2 Iomraidhean Croise

Matyu 14:14

Nang Yesu nshya̱ di̱ ghwut mi̱ kukwon a̱wak hu a̱ni, a̱ si̱ li á̱kpa á̱niet ka. A̱wot a̱ si̱ fa̱k kunak ba, a̱ si̱ choot á̱niet nzwán ba ma̱ mba.

Matyu 20:34

Yesu si̱ fa̱k kunak ba, a̱wot a̱ si̱ byiam á̱ghyi mba ba. Mi̱ di̱ yong a̱hwa, ba̱ si̱ kin nwuo nwuan a̱vwuo kiki! A̱jawa ba̱ si̱ khwi Yesu.

Matyu 9:36

A̱wot nang Yesu ndi susot á̱kpa á̱niet ji a̱ni, a̱ si̱ fa̱k kunak mba, mat ba̱ tyia̱ tai ma̱ng van. Ba̱ si̱ lyin a̱tyu beang, ma̱nang zón seap ji̱ sang a̱tyu chok a̱ni.

Ma̱rkut 1:41

Huhwa Yesu si̱ fa̱k kunak gu ba̱t, a̱ si̱ neap bwak a̱ si̱ mbyiam guu. A̱ si̱ nyia̱ ma̱ng nggu, “N shim, da̱ choot!”

Ma̱rkut 5:19

Yesu si̱ shim gu ndyo bah. A̱wot a̱ si̱ nyia̱ ma̱ng a̱nggu, “Nat a̱mali, a si̱ tak ma̱ng kyang bwak ang hu shok nang A̱gwaza wu nyia̱ ang ndyo a̱ni, ma̱ng si̱sak nang A̱gwaza nfa̱k kunak ang a̱ni.”

Ma̱rkut 6:32

Huhwa ba̱ si̱ nwuo kukwon a̱wak hu. Mba ma̱nyin ba, ba̱ si̱ wak á̱ byia̱k á̱ nat da̱ a̱vwuo ka̱ sang a̱yin a̱ni.

Ma̱rkut 6:34

Nang Yesu mbyia̱k a̱ si̱ chyok mi̱ kukwon a̱wak hu a̱ni, a̱ si̱ li á̱kpa á̱niet. A̱ si̱ fa̱k kunak ba ba̱t, mat ba̱ li nang zón seap ji̱ sang a̱tyu chok a̱ni. Huhwa gu si̱ nwuo tyiet mba nkyang ma̱ a̱di̱di̱t.

Ma̱rkut 8:3

Ki̱ n ti̱n mba zong nyia̱ ba̱ nkat a̱mali, á̱ghyang á̱niet na feang di̱n vak. Mat á̱ghyang ma̱ mba neet gbang.”

Ma̱rkut 9:22

Kuzang jen a̱ka̱tuk ntswa wu kwok ka a̱ tang mi̱ ndong ku ma̱ a̱sa̱khwot, a̱ kwan a̱ hyat ka. A̱wot ka a si̱ mi̱n nyia̱ kyang, ma̱sa̱kut fa̱k kunak nzi̱t a beang zi̱t!”

Luka 15:20

“A̱shushyuo a̱sam wu si̱ doot a̱ si̱ bwuok a̱ nat ma̱ng a̱tyia̱ nggu wu. Neet nang a̱shushyuo a̱sam wu ni̱ shya̱ ma̱ gbang, nang a̱tyia̱ wu ndi gu a̱ni, mat nang gu nchat gu a̱ni; a̱tyia̱ wu si̱ fa̱k kunak gu, a̱ si̱ doot, a̱ si̱ ni̱m a̱ si̱si̱ vwuk guu! A̱ si̱ san gu mbwak nfeang.

Luka 7:13

Nang A̱tyoli Yesu ndi a̱byii̱k wu a̱ni, a̱ si̱ fa̱k kunak gu ba̱t, a̱ si̱ nyia̱, “Yok twei bah!”

Ibriniyawa 2:17

Mat a̱nia, A̱gwaza si̱ li ku myim gu bwuak Nggwon nggu ka ka̱ tyia̱ cha̱chaat ma̱ng za̱kwa nzi̱t, zi̱ yet á̱na̱nyiuk nka a̱ni. Da̱nian gu ka yet zi̱t a̱tsotswat a̱gba̱ndang pris a̱ fwuong kunak zi̱t a̱ yong a̱zaghyi A̱gwaza a̱ni. Huhwa mbyia̱ gu mmaai a̱ neap za̱nang ji na chi ji̱ ti̱n a̱ka̱tuk nyia̱ á̱niet nggu wu a̱ni.

Ibriniyawa 4:15

Mat zi̱ byia̱ A̱gba̱ndang Pris, a̱ fi̱k lat nzi̱t hu a̱ni za̱m. Mat á̱ ku mak gu ma̱nang á̱ mmai nzi̱t a̱ni. A̱mgba̱m ma̱ng a̱nia, á̱ si̱ shya̱ nggu ma̱ng a̱ka̱tuk nyia̱ bah.

Ibriniyawa 5:2

A̱wot a̱ byia̱ chet nyia̱ shonshyon ma̱ng á̱niet ba̱ ghyuap di̱ mi̱n shim mba, ma̱ng á̱si̱ ba̱ ni̱ teap zan ma a̱nggang a̱ni. Mat, nggu ma̱ a̱pyia̱ nggu a̱ byia̱ lat a̱zaghyi A̱gwaza.