Ma̱rkut 8:12 - A̠lyiat A̠gwaza na di̠n Tyap: A̠li̠ka̠uli A̠fai

¹² Yesu si̱ khwat a̱junjung swuan, a̱ si̱ nyia̱, “Ka̱a̱t! Yihwa mbyia̱ nang che jini ngyong mi̱ di̱ chat li nkyang a̱ga̱de na̱ yet a̱yaalama na̱ tak tyok nung hu a̱ni? N tak nyin a̱tsak a̱lyiat, á̱ mbyia̱ kyang a̱ga̱de nang á̱ na tak nyin a̱ni bah.”

Ma̱rkut 8:12 Iomraidhean Croise

Matyu 12:38

A̱jawa a̱yaagwak tyiet doká ma̱ng A̱fa̱risawa si̱ nyia̱ ma̱ng Yesu, “A̱tyu tyiet, zi̱ chat a nyia̱ kyang a̱ga̱de ku yet a̱lama, ku ka tak tyok ang hu kpa̱sai.”

Matyu 16:4

Nyin á̱ka̱tuk á̱niet nyi nwai khwi tsotswat mi̱ che a̱fwun huni! Nyi chat li a̱yaalama ba̱ yet nkyang a̱ga̱de. A̱wot mi̱ a̱lama nang n na tak nyin a̱ni, gu wa yet a̱si̱ Yunana wu ma̱nyin gu.” A̱jawa Yesu si̱ ghwon baa, a̱ si̱si̱ nkat.

Ma̱rkut 3:5

Yesu si̱ nwuan mba a̱ kaat mami a̱lyia̱ ya, ma̱ng byian nfwuo, mat lak fwuong mba hu. A̱ si̱ nyia̱ ma̱ng a̱tyu nang bwak hu khwu a̱ni, “Neap bwak ang hu!” A̱ si̱ neap bwak nggu hu, ku si̱ kin choot ka̱p!

Ma̱rkut 6:6

A̱ si̱ fa̱k a̱ga̱de ba̱t tazwa nwai nwuak a̱chuchuk mba hu!

Ma̱rkut 7:34

A̱ si̱ gba̱t á̱ghyi gu ba tswazwa. A̱ si̱ tuk a̱nwurung, a̱ si̱ nyia̱ ma̱ng a̱tyok a̱wa di̱ lyem A̱ra̱mik, “Ifata!” Huhwa yet, “Khwuk!”

Ma̱rkut 8:13

A̱wot a̱ si̱ ghwon mbaa, a̱ si̱ bwuok a̱ nat, a̱ si̱ nwuo kukwon a̱wak hu. Ba̱ si̱ bu wak á̱ byia̱k á̱ nat a̱ma̱nyi a̱gba̱ndang jok ka.

Ma̱rkut 9:19

Yesu si̱ nyia̱ ma̱ng a̱mba, “Kwot! Nyin á̱niet nwai nwuak a̱chuchuk mi̱ nche huni. N na nswan ma̱ng a̱nyin si̱ nat zang jen ja? Zang jen ja n na ngya a̱son mi̱ nyap fwuo ma̱ng a̱nyin? Nyi bai ma̱ng a̱nung nggwon ka a̱ji.”

Luka 19:41

A̱wot nang Yesu nchong a̱ si̱ tat kpa̱mkpaan ma̱ng Urusha̱lima a̱ni; a̱ si̱ ta̱kang, a̱ si̱ li a̱keang ka. A̱jawa fwuo nggu hu si̱ byian. A̱ si̱ twei tazwa á̱niet Urusha̱lima ba.