Ma̱rkut 7:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Yesu si̱ nyia̱, “Nyi lak khwi doka A̱gwaza ji shansham, da̱nian nyi ka khwi taada nyin ji.

Ma̱rkut 7:9 Iomraidhean Croise

Ma̱rkut 7:13

Di̱ tangka̱i tyiet huni, nyi si̱ tyia̱ A̱lyiat A̱gwaza na a̱buk kyang, di̱ tyiet mman nyin na taada jhyang. Ma a̱nia wa nyi nnyia̱ nkyang jhyang ma̱ a̱di̱di̱t nang si̱ nani a̱ni.”

Ma̱rkut 7:3

(Mat A̱fa̱risawa ba ma̱ng a̱mgba̱m A̱yahudawa á̱ghyang ni̱ ya nkyayak di̱ mi̱ nwai kwi mbwak na̱ tyia̱ a̱za̱za̱rak bah. Mat ba̱ khwi taada a̱cha̱chet á̱niet khwop á̱niet mba wu.

Ma̱rkut 7:5

Huhwa A̱fa̱risawa ba ma̱ng a̱cha̱chet á̱niet tyiet doka ba si̱ lyip Yesu nyia̱, “Yihwa mbyia̱ nang mman ta̱m ang na nwai nkhwi gado a̱cha̱chet á̱niet khwop á̱niet hu? A̱wot ba̱ ya nkyayak na ma̱ng mbwak a̱na̱ndyung?”

A̱romawa 3:31

A̱wot ki̱ zi̱ nyia̱ A̱gwaza san nzi̱t mat nwuak fwuo di̱ Yesu hwa ma̱nyin hu, ku fa nang zi̱ nshyak doka jija a̱ni a? Kaai, ku ma̱ chunchwiit! A̱tsak a̱lyiat, jen nang zi̱ nnwuak fwuo di̱ Yesu a̱ni, zi̱ tak nang doka ji ngyet a̱tsatsak wa.

2 A̱korontiyawa 11:4

Nyi ni̱ san kuzang tangka̱i tyiet nang ba̱ hyia̱ ma̱ng a̱nyin a̱ni mbwak feang. Nyi ni̱ nyia̱ a̱nia, ku nang ba̱ tyiet nyin tangka̱i Yesu a̱ghyang a̱ vwuon ma̱ zan ma̱ng a̱si̱ nang zi̱ ka̱n shei nyin a̱ni; ku nang ba̱ shei nyin tangka̱i A̱za̱za̱rak Ntswa a̱ghyang a̱ vwuon ma̱ng a̱si̱ nang nyi ka̱n san a̱ni; ku nang ba̱ shei nyin A̱sham Nkhang a̱ghyang ka̱ vwuon ma̱ng a̱si̱ nyi nwuak a̱chuchuk da̱ nka a̱ni!

A̱ga̱la̱tiyawa 1:14

N ku ngya a̱son swak A̱yahudawa ba̱ yet á̱na̱nyiuk nung ba a̱ni ma̱ za̱nzan. N si̱ ntyia̱ a̱lyia̱ ba̱t di̱ khwi taada a̱yaatyia̱ a̱khwop nzi̱t ji cha̱chaat.

A̱ga̱la̱tiyawa 2:21

A̱wot n si̱ mi̱n fwuo nang A̱gwaza nsan zi̱t mat shok nang gu nyia̱ nzi̱t ndyo a̱ni bah. Mat, ka̱ á̱ wa nyia̱ khwi doka hu si̱ mi̱n tyia̱ A̱gwaza a̱ kyiak a̱tyubishyi nang a̱tsotswat a̱tyu sang a̱bun a̱zaghyi nggu a̱ni, si̱ a̱khwu Kristi ka yet a̱buk kyang wa!

2 A̱ta̱solonikawa 2:4

Nggu wa na yet a̱tyu lak li a̱mgba̱m kyang ku yet si̱ A̱gwaza a̱ni. A̱ si̱ bu nyia̱ na̱nvan ma̱ng kuzang kyang nang á̱ ni̱ kwok ntong hu a̱ni. A̱ na nwuat a̱pyia̱ nggu shi. A̱ na swan mami A̱li Nwuat Za̱nang A̱gwaza, a̱ tak nang nggu wa ngyet A̱gwaza wu.