Ma̱rkut 7:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ Khwi ba̱ khwi nung a̱ni, ku yet a̱buk nta̱m wa. Mat tyiet nang ba̱ tyiet a̱ni, yet taada á̱nietbishyi ja ma̱nyin ji.’

Ma̱rkut 7:7 Iomraidhean Croise

Matyu 15:9

A̱wot ntong nang ba̱ kwok nung ndyo a̱ni, ku yet a̱buk nta̱m wa. Mat tyiet mba hu yet tyiet taada á̱nietbishyi ja ma̱nyin ji. A̱wot ba̱ si̱ tyiet á̱ghyang á̱niet jii nang tyiet ku neet da̱ a̱vwuo A̱gwaza a̱ni.’ ”

Matyu 6:7

“Jen nang nyi ni̱ nshya̱ di̱ naai A̱gwaza wu a̱ni, nyi yok lyiat tangka̱i a̱jojoot a̱tai a̱lyiat di̱ kyang nyiung, nang nnwap na̱ chyi A̱gwaza nnyia̱ a̱ni bah. Ba̱ fa mat tangka̱i a̱jojoot naai mba wu wa a̱yaagwaza mba ba na nfa̱k naai mba hu.

1 A̱korontiyawa 15:14

A̱wot ki̱ Kristi ma ndoot ma̱ng swuan ma̱ á̱niet ba̱ ka̱n kwi a̱ni bah, a̱mgba̱m shei a̱lyiat A̱gwaza nzi̱t hu yet kyang bah, a̱wot nwuak fwuo nyin hu di̱ Kristi yet a̱buk kyang wa.

1 A̱korontiyawa 15:58

Mat a̱nia, nyin á̱niet khwi Yesu ba nang n chat a̱ni, nyi yong mi̱ chet. Nyi yok shyei bah. Kuzang jen, nyi ni̱ mbyia̱ di̱dang nyia̱ nta̱m A̱gwaza na ma̱ng fwuo nyiung. Mat nyi lyen á̱ mbyia̱ ta̱m nang nyi nyia̱ da̱nian A̱gwaza, ku na yet a̱buk kyang a̱ni bah.

A̱kolosiyawa 2:22

A̱mgba̱m tangka̱i doká huni yet taada a̱tyubishyi ja tazwa nkyang na̱ na tyak; da̱ na, na̱ byia̱ kpangti̱n a̱ni bah.

Titut 3:9

A̱wot tyong zan, a yok a̱tai nfwuang ma̱ng lyuut lyulyoot nche a̱yaatyia̱ khwop, ma̱ng fwuang, ma̱ng zok tazwa khwi doká Musa ji. Mat ji̱ yet kyang tswa bah. Da̱ nji, ji̱ si̱ mi̱n beang bah.

Yakubu 1:26

A̱tyu a̱ kyiak a̱pyia̱ nggu nang a̱tyu khwi A̱gwaza a̱ni, da̱nang gu ta̱bat a̱lyem nggu ka shansham bah, a̱ laai a̱pyia̱ nggu kya. Khwi A̱gwaza nggu hu yet a̱buk kyang wa.

Yakubu 2:20

Nwan a̱bwuon a̱yin! A chat si̱ á̱ tak ma̱ng a̱nwan nang nwuak a̱chuchuk di̱ mi̱ nyia̱ a̱tan nta̱m ngyet a̱buk kyang waa?

Tyai Á̱zanson 22:18

A̱wot nung Yoona, n gba n si̱ bu nkhwat nyin a̱fufwuo! Konyan wa fa̱k a̱lyiat A̱gwaza nang á̱ lyuut mi̱ ta̱ka̱da huni na̱ na bai á̱zanson a̱ni: Ka̱ a̱yin mbeang tyiet ghyang di̱ kyang nang lyuut huni fa a̱ni, A̱gwaza na mbeang a̱tyu a̱wa mbyep nang á̱ wa̱i mi̱ ta̱ka̱da huni a̱ni!