Ma̱rkut 7:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ A̱ si̱ nwuak ba shim nyia̱, “Nyin á̱bubuk á̱niet! A̱tsak a̱lyiat wa Ishaya a̱ta̱m a̱kwonu A̱gwaza gbangbang ku tak á̱zanson tazwa nyin, ma̱nang á̱ ndyuut a̱ni nyia̱, ‘Á̱niet bani dyep nung ma̱ng nunu hwa ma̱nyin hu. A̱wot nfwuo mba na shya̱ ma̱ zan ma̱ng a̱nung.

Ma̱rkut 7:6 Iomraidhean Croise

Yoona 15:24

“N ku nyia̱ nkyang a̱ga̱de ma̱ a̱di̱di̱t a̱zaghyi mba. Mami mba, á̱ mbyia̱ a̱tyu a̱ ka̱ mak nyia̱ na a̱ni bah. Ka̱ á̱ wa nyia̱, di̱ n wa nyia̱ nkyang a̱ga̱de a̱nia a̱zaghyi mba bah; si̱ ba̱ byia̱ a̱bun bah. A̱wot ma̱ninika, ba̱ li kyang hu nang n nyia̱ a̱ni. A̱mgba̱m ma̱ng a̱nia, ba̱ si̱ lak li nung, á̱ tsa bu ndak li A̱tyia̱ nung wu.

Yoona 5:42

A̱mgba̱m ma̱ng a̱nia, n dyen nang nyi nfa̱k da̱ A̱gwaza mi̱ fwuo nyin na bah.

Nta̱m A̱yaata̱m 28:25

A̱wot nang A̱yahudawa ba ngya fwuang tsi̱tsak mba á̱ tyak a̱ni, jen nang ba̱ na nkam ba̱ ghwon Bulut a̱ni; a̱ si̱ gba mba ngaan nyia̱, “A̱za̱za̱rak Ntswa wu ku tak a̱tsak a̱lyiat, jen nang gu ku ntak ma̱ng a̱yaatyia̱ khwop nyin ba a̱bwonu Ishaya a̱ta̱m a̱kwonu A̱gwaza wu a̱ni, nyia̱,

2 Timoti 3:5

Á̱niet bani shei nta nang ba̱ ngyet á̱tsatsak á̱niet khwi A̱gwaza bya. A̱wot da̱ chyet mba ka, ba̱ fwuo a̱tsatsak chet A̱gwaza hu. Tyong zan, a̱ ghwon ntangka̱i á̱niet a̱nia!

Titut 1:16

Ntangka̱i á̱niet tyiet nani, shei mi̱ nunu nyia̱ ba̱ lyen A̱gwaza. A̱wot tangka̱i swat nang ba̱ swan a̱ni, tak nang ba̱ ndyen nggu bah. Ba̱ yet kyang shushyuk, á̱niet lak fwuong. Ba̱ si̱ mi̱n nyia̱ kyang tswa bah.