Ma̱rkut 7:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Huhwa A̱fa̱risawa ba ma̱ng a̱cha̱chet á̱niet tyiet doka ba si̱ lyip Yesu nyia̱, “Yihwa mbyia̱ nang mman ta̱m ang na nwai nkhwi gado a̱cha̱chet á̱niet khwop á̱niet hu? A̱wot ba̱ ya nkyayak na ma̱ng mbwak a̱na̱ndyung?”

Ma̱rkut 7:5 Iomraidhean Croise

Matyu 15:2

“Yihwa mbyia̱ mman ta̱m ang na ndak khwi taada á̱niet khwop á̱niet nzi̱t ji? Mat ba̱ ni̱ kwi mbwak mba na, ba̱ sii ya kyayak bah.”

Ma̱rkut 7:13

Di̱ tangka̱i tyiet huni, nyi si̱ tyia̱ A̱lyiat A̱gwaza na a̱buk kyang, di̱ tyiet mman nyin na taada jhyang. Ma a̱nia wa nyi nnyia̱ nkyang jhyang ma̱ a̱di̱di̱t nang si̱ nani a̱ni.”

Ma̱rkut 7:8

“Nyi ghwon doka A̱gwaza ji. A̱wot da̱ a̱kwonu a̱kya, nyi si̱ ya a̱son mi̱ khwi taada á̱nietbishyi ja.”

Ma̱rkut 7:9

Yesu si̱ nyia̱, “Nyi lak khwi doka A̱gwaza ji shansham, da̱nian nyi ka khwi taada nyin ji.

Nta̱m A̱yaata̱m 21:21

“A̱wot á̱ ka̱n tak ma̱ng A̱yahudawa ba̱ yet á̱niet khwi ba a̱ji mi̱ Urusha̱lima a̱ni, nyia̱ a tyiet a̱mgba̱m mba ba̱ swan dundung ma̱ng Nnwap na̱ nwai yet A̱yahudawa a̱ni, ba̱ yok khwi doka Musa ji bah. A̱wot ba̱ fa̱k nyia̱ a tyiet ba da̱ ba̱ yok tyei mman mba na mi̱ chen, ku ba̱ khwi taada A̱yahudawa jhyáng bah.

Nta̱m A̱yaata̱m 21:24

Nat ndung ma̱ng a̱mba mami A̱li Nwuat Za̱nang A̱gwaza ka, nyi si̱ kwi a̱na̱ndyung á̱pyia̱ nyin wu a̱zaghyi A̱gwaza. A̱wot a bu tan mba zang nang ba̱ na nkwat á̱pyia̱ mba di̱ taada jini a̱ni. A̱jawa nang konyan na ndyen nang a̱mgba̱m nkhang nang á̱ bwoi tazwa ang a̱ni, na̱ yet a̱ka̱laa nia. A̱wot nwan ma̱ a̱pyia̱ ang, a khwi doká A̱yahudawa ji.

A̱romawa 4:12

A̱wot Ibrahim mun a̱ yet a̱tyia̱ A̱yahudawa, á̱niet ba nang á̱ tyia̱ mba mi̱ chen a̱ni; ka̱nang ba̱ nwuak fwuo da̱ A̱gwaza ma̱nang Ibrahim ku nwuak fwuo da̱ A̱gwaza, neet nang á̱ ka̱n tyia̱ nggu mi̱ chen hu a̱ni bah.

A̱ga̱la̱tiyawa 1:14

N ku ngya a̱son swak A̱yahudawa ba̱ yet á̱na̱nyiuk nung ba a̱ni ma̱ za̱nzan. N si̱ ntyia̱ a̱lyia̱ ba̱t di̱ khwi taada a̱yaatyia̱ a̱khwop nzi̱t ji cha̱chaat.

2 A̱ta̱solonikawa 3:11

A̱mgba̱m ma̱ng a̱nia, zi̱ lyiat a̱lyiat nani, mat zi̱ fa̱k nyia̱ á̱ghyang á̱niet ma̱ nyin nyia̱ bwuk hwa; nyia̱ da̱ ba̱ chat ta̱m bah, ba̱ yet á̱niet nwuai mi̱ zwua̱i bya.

2 A̱ta̱solonikawa 3:6

Á̱na̱nyiuk nzi̱t ba mi̱ khwi Yesu nang zi̱ chat a̱ni, zi̱ kam nyin mami a̱lyoot A̱tyoli Yesu Kristi; nyi ghwut vak a̱tyu khwi a̱ yet a̱buk a̱yin a̱ lak nyia̱ ta̱m a̱ni, a̱wot a̱ si̱ lak khwi tyiet hu nang zi̱ ku tyiet ba a̱ni.