Ma̱rkut 7:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Kidee, ka̱ ba̱ bwuok á̱ neet mi̱ tungga, ba̱ si̱ mi̱n gya kyayak bah; si̱ nang ba̱ kwi mbwak na, ba̱ si̱ tyia̱ a̱za̱za̱rak. Taada á̱ghyang ku nshya̱ ma̱ a̱di̱di̱t, nang ba̱ nyia̱ gado, a̱wot ba̱ si̱ bu khwi a̱ni. Bibya yet; kwi a̱yaakashyi, a̱ka̱kurung, ma̱ng li̱la̱n ntswam, ku tyia̱ a̱za̱za̱rak.)

Ma̱rkut 7:4 Iomraidhean Croise

Matyu 23:25

“Ku swan nyin á̱niet tyiet doka A̱gwaza ma̱ng A̱fa̱risawa! Nyin á̱bubuk á̱niet! Nyi ni̱ ta̱bam, nyi kwi nta a̱kashyi ji ma̱ng a̱ka̱gba wu. A̱wot nyi ghwon mami ka ma̱ng a̱na̱ndyung. Ma a̱nia wa, nyi ngyet a̱sham ka nta. A̱wot a̱mami nfwuo nyin na, na̱ nhyat tyentyang ma̱ng wuwok ma̱ng chat a̱pyia̱!

Matyu 23:26

Nwan a̱tyo A̱fa̱risawa a yet a̱tyu a̱fi̱fan a̱ni! Ya ntsa kwi mami a̱kashyi ji ma̱ng a̱ka̱gba wu. A̱wot nta ji na mun a̱ tyia̱ za̱za̱rak.

Matyu 27:24

Nang gwomna Bilatut ndi, nggu ma̱ a̱pyia̱ nggu mbyia̱ kyang nggu na nyia̱ a̱ni bah, a̱wot nang á̱niet ba nchat doot jhya̱ a̱ni, a̱ si̱ ta̱m á̱ si̱ bwuo nggu a̱sa̱khwot ma̱ a̱ka̱gbaa, a̱ si̱ nkwi mbwak nggu na a̱zaghyi á̱kpa á̱niet ka, a̱ si̱ nyia̱, “N byia̱ a̱ka̱ta da̱ a̱sok a̱tyu sang a̱bun nani bah, ku bwat nyin a̱ja!”

Ma̱rkut 7:8

“Nyi ghwon doka A̱gwaza ji. A̱wot da̱ a̱kwonu a̱kya, nyi si̱ ya a̱son mi̱ khwi taada á̱nietbishyi ja.”

Yoona 2:6

Da̱ a̱vwuo nyeang ka, á̱ ku byia̱ a̱khwot dudong nfang a̱sa̱khwot a̱taa, nang á̱ sak a̱ja; ma̱nang A̱yahudawa ba ka̱n meang ma̱ng ntyei a̱sa̱khwot mi̱ dudong hu á̱ saai da̱nian kwi a̱ti̱tak ma̱ng bwak a̱ni. Huhwa ku mbyia̱ ba̱ si̱ nsak hu a̱ja. Kuzang a̱dong ku kwok li̱la̱n nswak nfeang si̱ nat nswak ntat.

Yoona 3:25

A̱jawa á̱ghyang á̱niet mami mman ta̱m Yoona na, ba̱ si̱ nwuo ya fwuang ma̱ng a̱tyu A̱yahudawa a̱ghyang tazwa a̱lyiat kwi vam di̱n vak khwi A̱gwaza.

Ibriniyawa 9:10

Mat a̱khwukhwop ta̱m pris wuni, yet ma̱ a̱lyiat kyayak nang á̱ ya, á̱ tsa á̱ swuo, ma̱ng kwi nkap di̱ nche di̱ nche na̱ yet mi̱ taada ja a̱ni. Taada jini yet doká vam ja nang ba̱ ku nyia̱ nta̱m na ma̱ng á̱nji, si̱ nat jen nang A̱gwaza na nkpaat ta̱m pris fai ku swak ma̱ng yet a̱ni.

Yakubu 4:8

Nyi shyei nat kpa̱mkpaan ma̱ng A̱gwaza. Nggu meang, a̱ na shyei a̱ bai kpa̱mkpaan ma̱ng a̱nyin. Nyin á̱niet a̱ka̱tuk nyia̱, nyi swan a̱za̱za̱rak nswat. Nyin á̱niet nyi khwi A̱gwaza ma̱ng nfwuo nfeang a̱ni, nyi jaat a̱mgba̱m nfwuo nyin na na̱ tyia̱ za̱za̱rak.

1 Yoona 1:7

A̱wot ki̱ zi̱ swan mami sai hu, ma̱nang A̱gwaza ngyet sai hu a̱ni, zi̱ si̱ byia̱ mun á̱pyia̱ ma̱ng á̱ghyang. A̱wot a̱sok Yesu a̱ yet Nggwon nggu ka a̱ni, si̱ kwi na̱ si̱ jaat nzi̱t a̱mgba̱m a̱ka̱tuk nyia̱ nzi̱t wu.