Ma̱rkut 7:3 - A̠lyiat A̠gwaza na di̠n Tyap: A̠li̠ka̠uli A̠fai

³ (Mat A̱fa̱risawa ba ma̱ng a̱mgba̱m A̱yahudawa á̱ghyang ni̱ ya nkyayak di̱ mi̱ nwai kwi mbwak na̱ tyia̱ a̱za̱za̱rak bah. Mat ba̱ khwi taada a̱cha̱chet á̱niet khwop á̱niet mba wu.

Ma̱rkut 7:3 Iomraidhean Croise

Ma̱rkut 7:13

Di̱ tangka̱i tyiet huni, nyi si̱ tyia̱ A̱lyiat A̱gwaza na a̱buk kyang, di̱ tyiet mman nyin na taada jhyang. Ma a̱nia wa nyi nnyia̱ nkyang jhyang ma̱ a̱di̱di̱t nang si̱ nani a̱ni.”

Ma̱rkut 7:5

Huhwa A̱fa̱risawa ba ma̱ng a̱cha̱chet á̱niet tyiet doka ba si̱ lyip Yesu nyia̱, “Yihwa mbyia̱ nang mman ta̱m ang na nwai nkhwi gado a̱cha̱chet á̱niet khwop á̱niet hu? A̱wot ba̱ ya nkyayak na ma̱ng mbwak a̱na̱ndyung?”

Luka 11:38

A̱tyu A̱fa̱risawa wu a̱ yei Yesu ya kyayak hu a̱mali nggu ka a̱ni; si̱ fa̱k a̱ga̱de di̱ si̱sak nang Yesu nwai kwi mbwak nggu na, a̱ sii ya kyayak hu ma̱nang taada A̱yahudawa ji nchat á̱ nyia̱ a̱ni.

Yoona 2:6

Da̱ a̱vwuo nyeang ka, á̱ ku byia̱ a̱khwot dudong nfang a̱sa̱khwot a̱taa, nang á̱ sak a̱ja; ma̱nang A̱yahudawa ba ka̱n meang ma̱ng ntyei a̱sa̱khwot mi̱ dudong hu á̱ saai da̱nian kwi a̱ti̱tak ma̱ng bwak a̱ni. Huhwa ku mbyia̱ ba̱ si̱ nsak hu a̱ja. Kuzang a̱dong ku kwok li̱la̱n nswak nfeang si̱ nat nswak ntat.

A̱ga̱la̱tiyawa 1:14

N ku ngya a̱son swak A̱yahudawa ba̱ yet á̱na̱nyiuk nung ba a̱ni ma̱ za̱nzan. N si̱ ntyia̱ a̱lyia̱ ba̱t di̱ khwi taada a̱yaatyia̱ a̱khwop nzi̱t ji cha̱chaat.

A̱kolosiyawa 2:8

Nyi ta̱bam ma̱ng á̱pyia̱ nyin, kalak a̱yin a̱ du laai nyin ma̱ng tyiet ku neet mi̱ mumwang swanta huni, ku yet a̱buk tyiet tazwa A̱gwaza a̱ni. Tyiet hu ku neet ma̱ a̱di̱dam ma̱ng taada a̱tyubishyi ma̱ng chet a̱yaata̱m tswá mi̱ swanta huni, ku nwai yet si̱ Kristi a̱ni.

1 Bitut 1:18

Mat nyi lyen A̱gwaza ku tan zang gu nsan nyin nyi yet á̱sa̱t á̱niet da̱ a̱buk nswat nang a̱yaatyia̱ a̱khwop nyin ba ku ghwon nyin ndyo a̱ni. A̱wot zang ji gu ku tan a̱ni, ji̱ ku yet a̱zurfa ku zi̱nariya a̱ tyiai a̱ni bah.