Ma̱rkut 7:2 - A̠lyiat A̠gwaza na di̠n Tyap: A̠li̠ka̠uli A̠fai

² Ba̱ si̱ li nang mman ta̱m Yesu á̱ghyang ba̱ ya nkyayak ma̱ng mbwak nang A̱fa̱risawa bani kyiak na̱ byia̱ a̱na̱ndyung a̱ni. Huhwa yet; ba̱ ku kwi mbwak na na̱ tyia̱ za̱za̱rak bah.

Ma̱rkut 7:2 Iomraidhean Croise

Matyu 15:2

“Yihwa mbyia̱ mman ta̱m ang na ndak khwi taada á̱niet khwop á̱niet nzi̱t ji? Mat ba̱ ni̱ kwi mbwak mba na, ba̱ sii ya kyayak bah.”

Ma̱rkut 7:5

Huhwa A̱fa̱risawa ba ma̱ng a̱cha̱chet á̱niet tyiet doka ba si̱ lyip Yesu nyia̱, “Yihwa mbyia̱ nang mman ta̱m ang na nwai nkhwi gado a̱cha̱chet á̱niet khwop á̱niet hu? A̱wot ba̱ ya nkyayak na ma̱ng mbwak a̱na̱ndyung?”

Luka 11:38

A̱tyu A̱fa̱risawa wu a̱ yei Yesu ya kyayak hu a̱mali nggu ka a̱ni; si̱ fa̱k a̱ga̱de di̱ si̱sak nang Yesu nwai kwi mbwak nggu na, a̱ sii ya kyayak hu ma̱nang taada A̱yahudawa ji nchat á̱ nyia̱ a̱ni.

Nta̱m A̱yaata̱m 10:28

Bitut si̱ tak ma̱ng a̱mba, nyia̱, “Nyin, nyi lyen nang ku ndi kang mi̱ doká nzi̱t ji, a̱tyu A̱yahudawa a̱ nwuo a̱mali a̱tyu nwai yet A̱yahudawa nang a̱si̱ ka a̱ni; ku a̱ mun a̱pyia̱ ma̱ng a̱nyin. A̱wot a̱mgba̱m ma̱ng a̱nia, A̱gwaza tak nung, di̱ n gyok kyiak a̱yin a̱ yet a̱shi̱shi̱k, ku a̱ byia̱ a̱na̱ndyung bah.

Nta̱m A̱yaata̱m 11:8

“N si̱ nyia̱, ‘Kaai, A̱tyoli! N ka̱n mak ya kyang nang doká A̱yahudawa nzi̱t ji kyiak ku yet a̱shi̱shi̱k, ku si̱ tyei a̱yin a̱na̱ndyung a̱ni bah.’

A̱romawa 14:14

N dyen, n si̱ bu nwuak a̱chuchuk di̱ tyok A̱tyoli Yesu, nang á̱ mbyia̱ tangka̱i kyayak nang á̱ na ya ku yet a̱ka̱tuk ma̱ a̱pyia̱ nhu a̱ni bah. A̱wot ki̱ a̱yin ma nwuak a̱chuchuk nyia̱ tangka̱i kyayak nang gu na ya a̱ni yet a̱ka̱tuk, a̱wot da̱ a̱vwuo a̱tyu a̱kya, kyayak hu yet a̱ka̱tuk wa.

Ibriniyawa 10:29

Ka̱ a̱nia wa, swuo a̱bung hu na yet a̱ka̱tuk a̱ swak di̱ tangka̱i á̱niet ba̱ jhyuai Nggwon A̱gwaza ka a̱ni. A̱wot á̱si̱ ba ba̱ bwuak a̱sok nggu na, na̱ kpaat la̱p a̱li̱ka̱uli a̱fai nang A̱gwaza njaat nzi̱t zi̱ si̱ tyia̱ za̱za̱rak a̱ni; á ngyei a̱sok nggu na yet a̱buk kyang na̱ si̱ bu yet a̱za̱za̱rak bah. A̱wot ma̱ng tangka̱i á̱niet ba̱ fwoi ba̱ si̱ nyia̱ A̱za̱za̱rak Ntswa A̱gwaza wu lihyat, a̱tyu a̱ fa̱k shok zi̱t a̱ni, ba̱ na mun á̱ swuo a̱bung!

Tyai Á̱zanson 21:27

Á̱ na shim á̱niet a̱na̱ndyung ba̱ nwuo ma̱ a̱keang ka bah; ku á̱niet ba̱ nyia̱ nkyang nsum ba̱ khwi nghwughwu a̱yaagwaza sang swuan, ku á̱niet bwoi a̱ka̱laa; a̱wot si̱ ma̱ á̱niet ba nang á̱ lyuut lyulyoot mba hu mi̱ Ta̱ka̱da Nswuan Fi̱ng A̱nfwuk hu a̱ni ma̱nyin mba.