Ma̱rkut 6:3 - A̠lyiat A̠gwaza na di̠n Tyap: A̠li̠ka̠uli A̠fai

³ A̱tyu wuni wa yet a̱tyu shap nkyang wu baa? Nggu wa yet nggwon Ma̱ryamu, a̱ bu yet a̱na̱nyiuk Yakubu, Yosi, Yahuda, ma̱ng Siman baa? Á̱na̱nyiuk á̱nap gu bibya shya̱ a̱ji ma̱ng a̱nzi̱t baa?” A̱wot ba̱ si̱ lak fa̱k gu hu.

Ma̱rkut 6:3 Iomraidhean Croise

Matyu 11:6

Nyi bu tak ma̱ng a̱nggu nyia̱, ‘A̱gwaza na tyia̱ a̱li̱ba̱rka da̱ á̱niet di̱ ba̱ but mi̱ fwuo da̱nian nung a̱ni bah.’ ”

Matyu 12:46

Nang Yesu nshya̱ da̱ a̱lyiat na ma̱ng á̱kpa á̱niet ka a̱ni, a̱yang byin nggu wu ma̱ng á̱na̱nyiuk nggu ba si̱ bai á̱ ba̱ yong a̱ta̱usa, ba̱ chat lyiat ma̱ng a̱nggu.

Ma̱rkut 15:40

Á̱nyiuk á̱ghyang ku shya̱ a̱ja, á̱ yong gbang á̱ nwuan; mami mba Sa̱lomi, ma̱ng Ma̱ryamu Ma̱ga̱daliya ma̱ng Ma̱ryamu (a̱yang Isuu ma̱ng Yakubu a̱ yet a̱shushyuo a̱ni).

Ma̱rkut 3:18

Anda̱rawut, Filibut, Ba̱tolomi, Matyu (á̱ bu ngyei La̱wi a̱ni), Toma, Yakubu a̱fai A̱lfayat, Tadiyut, Siman (nang á̱ ngyei Za̱loti a̱ni),

Luka 2:34

A̱jawa Simiyon si̱ nang mba a̱nu. A̱ si̱ tak á̱zanson tazwa nggwon ka da̱ a̱vwuo Ma̱ryamu a̱yang nggwon wu nyia̱, “Á̱ sak nggwon kani, ka̱ tyia̱ á̱niet ma̱ a̱di̱di̱t mi̱ Isi̱rela ba̱ kwa. A̱wot ka̱ bu na yet kyang a̱gwai da̱ a̱vwuo á̱ghyang á̱niet ma̱ a̱di̱di̱t. A̱gwaza bu na ta̱m nggwon nggu kani, ka̱ ka yet a̱lama a̱ neet da̱ a̱vwuo A̱gwaza a̱ni. A̱mgba̱m ma̱ng a̱nia, á̱niet ma̱ a̱di̱di̱t na lak li nkaa.

Luka 7:23

“Nyi bu tak ma̱ng ang gu nyia̱, ‘A̱tyu a̱ nwai but mi̱ fwuo da̱nian nung a̱ni; a̱ yet a̱tyu a̱gwai wa.’ ”

Luka 8:20

A̱yin si̱ hyia̱ ma̱ng Yesu nyia̱, “Di a̱yang byin ang wu ma̱ng á̱na̱nyiuk ang ba yong a̱ta̱usa. Ba̱ chat ba̱ li ang!”

Yoona 14:22

Yahuda a̱ghyang (kang ma̱ng Yahuda Iska̱riyoti wu), a̱ si̱ lyip Yesu nyia̱, “Nwan A̱tyoli, yihwa mbyia̱ a na ntyai a̱pyia̱ ang da̱ a̱vwuo nzi̱t kya ma̱nyin zi̱t, kang ma̱ng á̱niet mi̱ swanta ba?”

Yoona 6:42

Ba̱ si̱ nyia̱, “A̱tyu wuni wa yet Yesu a̱ yet nggwon Isuu ka a̱ni baa? Zi̱ lyen a̱tyia̱ nggu wu ma̱ng a̱yang byin nggu wu. Ka̱ a̱nia wa, yihwa mbyia̱ nang gu nyia̱ a̱ chyok a̱ neet Ma A̱gwaza tswazwa kya?”

Nta̱m A̱yaata̱m 1:13

Nang ba̱ ku si̱ nnwuo a̱keang Urusha̱lima ka a̱ni, ba̱ si̱ nyeak á̱ nat ma̱ a̱gba̱ndang nyuo a̱mali tazwa ka nang ba̱ ku nswan a̱ni. A̱yaata̱m bani bya ku yet: Bitut, Yoona, Yakubu ma̱ng Anda̱rawut, Filibut ma̱ng Toma, Ba̱tolomi ma̱ng Matyu, Yakubu a̱fai A̱lfayat ma̱ng Siman (nang á̱ ngyei Za̱loti a̱ni,) mbeang Yahuda a̱fai Yakubu wu.

Nta̱m A̱yaata̱m 12:17

Bitut si̱ lyiat ma̱ng a̱mba ma̱ng bwak, nyia̱ ba̱ tyia̱ nywang. A̱wot a̱ si̱ ya a̱son ma̱ng shei mba si̱sak nang A̱gwaza nti̱n nggu a̱ ghwut ndyo mi̱ jaru ji a̱ni. A̱ si̱ nyia̱, “Nyi tak ma̱ng Yakubu ma̱ng á̱kum á̱niet khwi ka kyang ku bai a̱ni.” A̱wot Bitut si̱ swak a̱ nat a̱vwuo a̱ghyang.

1 A̱korontiyawa 1:23

A̱wot ka̱ zi̱ shei a̱lyiat Yesu Kristi nang á̱ ku kpang da̱ a̱team a̱khwu wu a̱ni, na̱ ni̱ yet A̱yahudawa ba a̱lyiat nang ba̱ lak fa̱k a̱ni. A̱wot A̱helenawa ni̱ nyia̱, na̱ yet a̱buk a̱lyiat wa.

1 A̱korontiyawa 9:4

Nzi̱t a̱yaata̱m Yesu ba, zi̱ byia̱ sa̱t zi̱ swan a̱chi̱chen ma̱ a̱ka̱sa nyin na, a̱wot zi̱ bu ya kyayak dundung ma̱ng a̱nyin baa?

A̱ga̱la̱tiyawa 1:19

A̱wot ma̱ a̱ta̱m Yesu nang n ku myim ma̱ng a̱nggu a̱ja a̱ni, nggu wa ku yet Yakubu a̱na̱nyiuk Yesu A̱tyoli nzi̱t wu.

1 Bitut 2:4

Nyi bai da̱ a̱vwuo Kristi, a̱ yet a̱fang nswuan a̱ta̱m kuntyin nok a̱li A̱gwaza ka a̱ni. Á̱nietbishyi si̱ lak gu. A̱wot A̱gwaza si̱ khai ngguu, á̱ ka chyin ngguu gba̱mgbam.

Yahuda 1:1

Nung Yahuda, a̱khwo Yesu Kristi, n gyet a̱na̱nyiuk Yakubu. Nung gwa n dyuut nyin wusika jini. N dyuut nyin, a̱mgba̱m á̱niet ba nang A̱gwaza a̱ yet A̱tyia̱ yei a̱ni; á̱si̱ ba ba̱ bu mun á̱pyia̱ ma̱ng a̱nggu A̱gwaza, a̱ yet A̱tyia̱ wu a̱ chat ba ba̱t, a̱ si̱ bu tyia̱ mba mbwak Yesu Kristi gu ka chok ba a̱ni.