Ma̱rkut 6:2 - A̠lyiat A̠gwaza na di̠n Tyap: A̠li̠ka̠uli A̠fai

² A̱wot nang a̱tuk Mam Fwung A̱yahudawa ka nkaat a̱ bai a̱ni, a̱ si̱ nwuo tyiet mami tutu a̱tung A̱yahudawa hu. Á̱niet ma̱ a̱di̱di̱t ku shya̱ a̱ja. A̱wot nang ba̱ mmyiai a̱fufwuo á̱ fwuong gu a̱ni, ku si̱ yet mba kyang a̱ga̱de. Ba̱ si̱ lyip, nyia̱, “A̱ji wa gu mmyiam nkyang nani? Á̱ nang gu mumwang huni neet a̱ji wa? A̱ nyia̱ ni a̱ nyia̱ a̱cha̱chet nkyang a̱ri̱bi̱di nani?

Ma̱rkut 6:2 Iomraidhean Croise

Matyu 4:23

Yesu si̱ nwuai a̱ kat a̱mgba̱m fam a̱byin Ga̱lili hu. A̱ si̱ tyiet ma̱ á̱tutu a̱tung A̱yahudawa, a̱ bu shei á̱niet ba A̱sham Nkhang Tyok A̱gwaza ka. A̱ si̱ tsa a̱ nchoot á̱niet ba̱ nyia̱ ma̱ng kuzang tangka̱i nzwan a̱ni.

Matyu 7:28

Jen nang Yesu ntyak tyiet gu hu a̱ni, á̱kpa á̱niet ka si̱ fa̱k a̱ga̱de di̱ tyiet gu hu.

Ma̱rkut 1:39

Yesu si̱ chong a̱ kai a̱byin Ga̱lili, a̱ si̱ shei A̱sham nkhang A̱gwaza ka ma̱ á̱tutu a̱tung A̱yahudawa ba. A̱ si̱ khai á̱ka̱tuk ntswá ba̱ ghwut ma̱ á̱niet ma̱ a̱di̱di̱t.

Ma̱rkut 10:1

Yesu si̱ ghwon Ka̱fanahum, a̱ si̱ nat mi̱ fam a̱byin Yahudiya. A̱ si̱ byia̱k a̱ nat a̱ma̱nyi fam a̱tyin a̱ghyui Urdun. Á̱kpa á̱niet ma̱ a̱di̱di̱t di̱ susot si̱ bu tung da̱ a̱vwuo nggu. A̱ si̱ nwuo tyiet baa, ma̱nang gu mmeang a̱ni.

Luka 2:47

Á̱niet ba ba̱ ku myiai a̱fufwuo á̱ fwuong Yesu a̱ni, si̱ fa̱k a̱ga̱de mat si̱sak ji nang gu nfi̱k nkyang na, a̱ bu tsa a̱ nnwuat mba shim a̱ni!

Luka 4:15

A̱ ni̱ tyiet kuzang jen ma̱ á̱tutu a̱tung mba na, a̱wot konyan ni̱ chyin guu.

Yoona 6:42

Ba̱ si̱ nyia̱, “A̱tyu wuni wa yet Yesu a̱ yet nggwon Isuu ka a̱ni baa? Zi̱ lyen a̱tyia̱ nggu wu ma̱ng a̱yang byin nggu wu. Ka̱ a̱nia wa, yihwa mbyia̱ nang gu nyia̱ a̱ chyok a̱ neet Ma A̱gwaza tswazwa kya?”

Yoona 7:15

A̱cha̱chet A̱yahudawa ba si̱ fa̱k a̱ga̱de di̱ tyiet gu hu ba̱t. Huhwa ba̱ si̱ nyia̱, “Ku lili huni wa, nang a̱tyu wuni ndyen fang ta̱ka̱da hu a̱nia? Da̱ nggu, a̱ ka̱n mak nat a̱ si̱ tyiet gu fang ma̱ng lyuut baa?”