Ma̱rkut 5:2 - A̠lyiat A̠gwaza na di̠n Tyap: A̠li̠ka̠uli A̠fai

² Mi̱ di̱ chyok Yesu mi̱ kukwon a̱wak hu, a̱tyok a̱ghyang a̱ byia̱ á̱ka̱tuk ntswá a̱ni, si̱ kin ghwut a̱ neet mi̱ kuu nang á̱ nsaai nkwom a̱ni, a̱ si̱ bai a̱ ba̱ myim ma̱ng a̱nggu!

Ma̱rkut 5:2 Iomraidhean Croise

Ma̱rkut 1:23

Mi̱ di̱ yong a̱hwa, mi̱ tutu a̱tung hu, a̱tyok a̱ghyang a̱ byia̱ a̱ka̱tuk ntswa a̱ni si̱ kin tyia̱ ku nnyia̱,

Ma̱rkut 1:26

A̱ka̱tuk ntswa wu si̱ jhyip a̱tyu a̱wa a̱ mat a̱byin. A̱ si̱ tyia̱ kun mi̱ chet, a̱ si̱ ghwut ma̱ nggu!

Ma̱rkut 3:30

Yesu ku hyia̱ ma̱ mba a̱lyiat nani, mat nang ba̱ jhyuai gu nyia̱, “Yesu byia̱ a̱ka̱tuk ntswa wa!”

Ma̱rkut 3:9

Mat á̱kpa á̱niet ka, Yesu si̱ tak ma̱ng mman ta̱m nggu na, nyia̱ ba̱ bai ma̱ a̱nggu a̱da̱dei kukwon a̱wak a̱nyiung gu ka shya̱i, kalak á̱niet ba ba̱ du feap guu.

Ma̱rkut 4:1

Yesu si̱ bu nwuo tyiet a̱beam a̱gba̱ndang jok Ga̱lili. Á̱kpa á̱niet ka si̱ tung ba̱t, ba̱ si̱ feap guu. Ku si̱ tyia̱ a̱ si̱ nwuo kukwon a̱wak hu, a̱ si̱ swan mami, a̱ si̱ shya̱i nang á̱niet ba shya̱ di̱n khwong a̱gba̱ndang jok hu.

Ma̱rkut 4:36

Nang ba̱ n ghwon á̱kpa á̱niet ka a̱ni, ba̱ si̱ nwuo kukwon a̱wak hu, ba̱ si̱ nkat. A̱mgba̱m ma̱ng a̱nia, a̱kukwon a̱wak á̱ghyang si̱ khwi ngguu.

Ma̱rkut 5:21

Jen nang Yesu bu ku mbyia̱k a̱gba̱ndang jok wu mi̱ kukwon a̱wak hu a̱ bwuok a̱ nat a̱ma̱nyi keniaau a̱ni; á̱kpa á̱niet ka si̱ tyong gu á̱ keang nang gu ni̱ shya̱ a̱beam a̱gba̱ndang jok ka.

Ma̱rkut 5:3

A̱tyu a̱wa ku swan mi̱ kuu nang á̱ nsaai nkwom a̱ni. Á̱ mbyia̱ a̱tyu a̱ si̱ mi̱n da̱p gu a̱ni bah, ku ma̱ng a̱nyanyang wa.

Ma̱rkut 5:8

A̱ hyia̱ a̱nia mat Yesu ka̱n kam gu nyia̱ “Nwan a̱ka̱tuk ntswa, ghwut a ghwon a̱tyok wuni!”

Ma̱rkut 7:25

Mi̱ di̱ yong a̱hwa, a̱byii̱k a̱ghyang nang a̱bada̱dei nggwon a̱nap gu ku byia̱ a̱ka̱tuk ntswa a̱ni, a̱ si̱ fa̱k nkhang Yesu, a̱ si̱ bai, a̱ si̱ ba̱ kwa da̱ a̱ti̱tak nggu ba.

Luka 8:27

Nang Yesu nghwut mi̱ kukwon a̱wak hu a̱ni, a̱tyok a̱ghyang a̱ byia̱ á̱ka̱tuk ntswá a̱ni si̱ kin ghwut a̱ neet mami a̱keang ka a̱ ba̱ myim ma̱ng Yesu! A̱tyok a̱wa ka̱n dabeang nang gu chong ka̱gbang. A̱ si̱ ghwon a̱li, a̱ swuat mami nkuu bibi nang a̱ nniat á̱niet a̱ni.

Luka 9:42

Nang nggwon seam ka nnwuo chobai da̱ a̱vwuo Yesu a̱ni, a̱ka̱tuk ntswa wu si̱ bu kyiak ka a̱ lwi a̱byin! Ka̱ si̱ nwuo tyi̱ri̱m vam, a̱ vak ja̱fi̱k a̱ta̱mpyia̱. A̱wot Yesu si̱ kam a̱ka̱tuk ntswa wu a̱ si̱ ghwut. A̱ si̱ choot nggwon seam ka, a̱ si̱ neap a̱tyia̱ wu.