Ma̱rkut 4:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ “Zwá jhyáng si̱ kwa̱i di̱n tyan ji ji̱ byia̱ bwum a̱ni. Ji̱ si̱ ta, ji̱ si̱ laai, ji̱ si̱ tyia̱ tswá gba̱mgbam; tswá jhyáng si̱ yet nswak ti̱ntat, jhyáng nswak a̱tataa, jhyáng meang ji̱ si̱ yet chyi chyi.”

Ma̱rkut 4:8 Iomraidhean Croise

Matyu 13:23

“A̱wot a̱tsatsak a̱byin wu a̱ byia̱ bwum hu nang á̱ nnai zwá yak ji a̱ni, kikya yet kidee nfwuo á̱niet ba̱ fa̱k A̱lyiat A̱gwaza na, ba̱ si̱ san naa, ba̱ si̱ nnyia̱ nta̱m, na̱ si̱ tyia̱ tswá ba̱t. Tswá jhyáng si̱ yet nswak ti̱ntat, jhyáng nswak a̱tataa, jhyáng si̱ yet chyi chyi.”

Matyu 13:8

A̱wot zwá jhyáng si̱ kwa̱i da̱ a̱vwuo ka̱ byia̱ bwum a̱ni. Ji̱ si̱ ta ji̱ si̱ laai, ji̱ si̱ tyia̱ tswá gba̱mgbam. Tswá jhyáng si̱ yet nswak ti̱ntat, jhyáng nswak a̱tataa, a̱wot jhyáng si̱ bu yet chyi chyi!

Ma̱rkut 4:20

A̱wot a̱tsatsak a̱byin wu a̱ byia̱ bwum hu nang á̱ nnai zwá yak ji a̱ni, kikya yet kidee nfwuo á̱niet ba̱ fa̱k A̱lyiat A̱gwaza na; ba̱ si̱ san naa, ba̱ si̱ nnyia̱ nta̱m, na̱ si̱ tyia̱ tswá ba̱t. Jhyáng si̱ yet nswak ti̱ntat, jhyáng nswak a̱tataa, jhyáng si̱ yet chyi chyi.”

Ma̱rkut 4:7

“Zwá jhyáng si̱ kwa̱i mi̱ sa̱kan. Nang sa̱kan ji ndaai a̱ni, ji̱ si̱ feap, ji̱ si̱ ta̱fa̱k yak hu, ku si̱ lak tyia̱ tswá ji.

Ma̱rkut 4:9

Yesu si̱ nyia̱, “Konyan wa chat lyen a̱ni gu myiai a̱fufwuo gu fa̱a̱k!”

Luka 8:15

“A̱wot a̱tsatsak a̱byin wu a̱ byia̱ bwum hu nang á̱ nnai zwá yak ji a̱ni, kikya yet kidee nfwuo á̱niet ba̱ fa̱k A̱lyiat A̱gwaza na ma̱ng fwuo nyiung. A̱wot ba̱ si̱ sak na mi̱ nfwuo mba na. Ba̱ si̱ bu neap nfwuo mba na. Ba̱ si̱ nnyia̱ nta̱m. Ba̱ si̱ tyia̱ tswá gba̱mgbam.”

Luka 8:8

“A̱wot zwá jhyáng si̱ kwa̱i da̱ a̱vwuo ka̱ byia̱ bwum a̱ni. Ji̱ si̱ ta, ji̱ si̱ laai. Ji̱ si̱ tyia̱ a̱cha̱chet dudung. A̱tyu khap wu si̱ shya̱ kpangti̱n chyi tazwa zwá nang gu nai a̱ni!” Nang Yesu ntyak tyiet di̱ kidee jini a̱ni, a̱ si̱ ta̱ngam a̱nwuat ka mi̱ chet nyia̱, “Konyan wa chat a̱ lyen a̱ni, gu myiai a̱fufwuo gu fa̱a̱k!”

Yoona 15:5

“Nung gwa ngyet a̱tyin a̱na̱p ka. Nyin bya yet mbwak a̱kwon na. A̱tyu a̱ ta̱meet da̱ nung a̱ni; nung mameang n si̱ nta̱meet da̱ nggu. A̱ na tai a̱kwon ka̱ tyei sum ma̱ a̱di̱di̱t a̱ni. Mat, ka̱ nyi ta̱meet da̱ nung wa bah, nyi maai nyi nyia̱ kyang bah.

Yoona 7:17

Konyan wa chat nyia̱ kyang nang A̱gwaza chat a̱ni, a̱ na fi̱k tyiet huni; ka̱ ku yet si̱ A̱gwaza hwa, kee n ma ndyiat a̱kwonu a̱pyia̱ nung kya.

Nta̱m A̱yaata̱m 17:11

Á̱niet Bi̱riya ba ku lan á̱niet Ta̱solonika ba ma̱ng yet a̱tan á̱niet. A̱wot ba̱ si̱ myiai a̱fufwuo ma̱ng di̱dang á̱ fwuong á̱lyiat A̱gwaza nang Bulut shei mba a̱ni. A̱wot ba̱ si̱ zop A̱lyiat A̱gwaza na kuzang a̱tuk, ba̱ ka li kee a̱lyiat nang Bulut ma̱ng Sila tyiet a̱ni, yet a̱tsak a̱lyiat wa.

A̱fisawa 2:21

Kristi wa yet a̱tyu a̱ ba̱ng nok a̱hwa ndung a̱ni. A̱wot á̱ si̱ mun nok hu da̱ a̱nggu ku yet a̱za̱za̱rak A̱li Nwuat Za̱nang A̱gwaza.

A̱filibiyawa 1:11

Ma̱nang a̱kwon ni̱ ntyia̱ sum a̱ni, ma a̱nia wa, yok shya̱ san nyin hu ku tyei nyi shya̱ a̱tsotswat za̱kwa, a̱ neet da̱ a̱vwuo Yesu Kristi a̱ni, da̱nian á̱ ka dyep A̱gwaza á̱ nwuak gu shi.

A̱kolosiyawa 1:6

A̱sham Nkhang kani nang á̱ shei nyin a̱ni, á̱niet ma̱ a̱di̱di̱t mi̱ swanta hu ka̱n fa̱k, ba̱ si̱ nwuak a̱chuchuk da̱ nka. A̱sham Nkhang kani laai á̱ mban mi̱ nfwuo á̱niet na koji. Ka̱ ni̱ shai swat mba hu nang a̱kwon ni̱ ntyei sum ka̱ laai á̱ mban, mat chet nang ka̱ byia̱ a̱ni. Ma a̱nia wa, nang ka̱ ku nshai a̱ka̱tuk nswat nyin wu di̱n jen nang nyi ku ntsa fa̱k, nyi si̱ fi̱k a̱tsatsak a̱lyiat tazwa a̱gba̱ndang shok A̱gwaza wu a̱ni.