Ma̱rkut 4:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ “Zwá jhyáng si̱ kwa̱i mi̱ sa̱kan. Nang sa̱kan ji ndaai a̱ni, ji̱ si̱ feap, ji̱ si̱ ta̱fa̱k yak hu, ku si̱ lak tyia̱ tswá ji.

Ma̱rkut 4:7 Iomraidhean Croise

Matyu 13:22

“A̱wot tyan sa̱kan ji nang zwá yak ji nkwa̱i a̱ni, jija yet kidee nfwuo á̱niet ba̱ san A̱lyiat A̱gwaza na. A̱wot a̱fi̱fa swanta wuni, shyuo kurum, ma̱ng nkyang njhyang si̱ nwuo mi̱ nfwuo mba na. Nkyang nani si̱ feap A̱lyiat A̱gwaza na, na̱ si̱ tyia̱ a̱tan tswa bah.

Matyu 13:7

Zwá yak jhyáng si̱ kwa̱i mi̱ sa̱kan. Nang sa̱kan ji ndaai a̱ni, ji̱ si̱ feap yak hu ku laai a̱ni, ji̱ si̱ tyia̱ tswá bah.

Matyu 13:8

A̱wot zwá jhyáng si̱ kwa̱i da̱ a̱vwuo ka̱ byia̱ bwum a̱ni. Ji̱ si̱ ta ji̱ si̱ laai, ji̱ si̱ tyia̱ tswá gba̱mgbam. Tswá jhyáng si̱ yet nswak ti̱ntat, jhyáng nswak a̱tataa, a̱wot jhyáng si̱ bu yet chyi chyi!

Ma̱rkut 4:6

A̱wot nang mam ntat jenjai a̱ni, yak hu si̱ shyuk, mat á̱ni̱nan ba nwuo a̱byin shansham bah.

Ma̱rkut 4:8

“Zwá jhyáng si̱ kwa̱i di̱n tyan ji ji̱ byia̱ bwum a̱ni. Ji̱ si̱ ta, ji̱ si̱ laai, ji̱ si̱ tyia̱ tswá gba̱mgbam; tswá jhyáng si̱ yet nswak ti̱ntat, jhyáng nswak a̱tataa, jhyáng meang ji̱ si̱ yet chyi chyi.”

Luka 12:15

A̱jawa Yesu si̱ bu nyia̱ ma̱ng a̱mba, “Nyi ta̱bam! Nyi cham á̱pyia̱ nyin, nyi khap á̱pyia̱ nyin ma̱ng kuzang tangka̱i wuwok! Mat byia̱ nkyang ma̱ a̱di̱di̱t, huhwa yet a̱tsatsak shyichet bah.”

Luka 21:34

“Mat a̱nia, nyi cham á̱pyia̱ nyin! Nyi yok ghwon nfwuo nyin na na̱ tyia̱ kpa̱p, mat hyeng a̱kan, a̱fi̱fa swanta wu, tsot wun, ma̱ng a̱shi̱shi̱k nyia̱ nang a̱ka̱la̱m a̱ni bah. Nyi yok shim mam a̱hwa ku bai nyin gba̱ngba̱ng di̱ mi̱ lyen,

Luka 8:14

“A̱wot tyan sa̱kan ji nang zwá yak ji nkwa̱i a̱ni, jija yet kidee nfwuo á̱niet ba̱ san A̱lyiat A̱gwaza na; a̱wot a̱fi̱fa swanta wuni, shyuo kurum, ma̱ng nyinyang swanta, si̱ feap baa. A̱wot ba̱ yok laai, ba̱ tyia̱ a̱tan tswá.

Luka 8:7

“Zwá jhyáng si̱ kwa̱i mi̱ sa̱kan. Nang sa̱kan ji ndaai ndung ma̱ng yak hu a̱ni, sa̱kan ji si̱ feap jii, ji̱ si̱ ta̱fa̱k yak hu.