Ma̱rkut 4:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ A̱wot nang mam ntat jenjai a̱ni, yak hu si̱ shyuk, mat á̱ni̱nan ba nwuo a̱byin shansham bah.

Ma̱rkut 4:6 Iomraidhean Croise

Matyu 13:6

A̱wot nang mam ntat jenjai a̱ni, yak hu si̱ shyuk ku si̱ khwu, mat á̱ni̱nan yak ba nwuo a̱byin shansham bah.

Ma̱rkut 4:5

“A̱wot zwá jhyáng si̱ kwa̱i da̱ a̱vwuo kukwaak. Ji̱ si̱ ta ma a̱nfaan, mat a̱vwuo ka byia̱ mbyin gba̱mgbam bah.

Ma̱rkut 4:7

“Zwá jhyáng si̱ kwa̱i mi̱ sa̱kan. Nang sa̱kan ji ndaai a̱ni, ji̱ si̱ feap, ji̱ si̱ ta̱fa̱k yak hu, ku si̱ lak tyia̱ tswá ji.

A̱fisawa 3:17

Da̱nian Kristi gu ka shya̱ a̱vwuo nswat mi̱ fwuo nyin na, mat nwuak fwuo nyin hu da̱ nggu. N bu naai A̱gwaza gu tyia̱ nyi mbeang chet di̱ chat gu hu ma̱ng á̱ghyang nyin, nang a̱kwon ka̱ byia̱ á̱ni̱nan ba̱ nwuo ma̱ tsuung mi̱ chet a̱byin a̱ni, ku nang a̱li nang á̱ nok di̱ kuntyin ku byia̱ chet a̱ni.

A̱kolosiyawa 2:7

Nyi yong mi̱ chet di̱ mun á̱pyia̱ nyin hu ndung ma̱ng a̱nggu, nang a̱kwon ka̱ byia̱ á̱ni̱nan ni̱ ngyong mi̱ chet a̱ni. A̱wot nyi nok swat nyin hu da̱ nggu. A̱nia wa nwuak fwuo nyin hu na mbeang chet da̱ a̱tsatsak a̱lyiat wu nang á̱ ku tyiet nyin a̱ni, a̱wot nyi yong mi̱ di̱ gwai A̱gwaza ba̱t kuzang jen.

2 A̱ta̱solonikawa 2:10

A̱ na laai á̱niet ba̱ shya̱ di̱n vak a̱khwu a̱ni, di̱ kuzang tangka̱i a̱ka̱tuk nvak, mat ba̱ lak chat san a̱tsatsak a̱lyiat wu, nang ba̱ na nshya̱ swuan sang sangba̱p a̱ni.

Yakubu 1:11

Jen nang mam ntat jenjai a̱ni, nkywat na ni̱ shyuk na̱ ta̱kut, shisham ji ji̱ tyak. A̱nia wa a̱tyu nzwa wu na khwu a̱ ghwon zwá ji nang gu swuo a̱bung a̱ tung da̱ a̱bwuang wu a̱ni.

Yahuda 1:12

Jen nang á̱niet tyiet a̱ka̱laa bani mbang á̱ nwuai ba̱ ya kyayak mun á̱pyia̱ ma̱ng a̱nyin da̱ a̱di̱dam chat A̱gwaza a̱ni, ba̱ ni̱ tam, a̱wot da̱ mba ba̱ fwuong nsum bah. Ba̱ yet á̱ka̱tuk nang nfang mami a̱sa̱khwot na̱ na tyia̱ nyi ga̱u, nyi kwa nang kukwon a̱wak ni̱ nkwa di̱ nfang mami a̱sa̱khwot a̱ni. Ba̱ bu li nang á̱niet chok zón seap ba̱ sang nsum. Ba̱ chok ma̱ pyipyia̱ mba hwa. Ba̱ si̱ kai zón seap ji á̱ ghwon a̱ni. Ba̱ bu li nang á̱ni̱nian nang wun hyap á̱ kat di̱ mi̱n va za a̱ni. Ba̱ yet á̱buk á̱niet bya ba̱t. Ba̱ li nang a̱ka̱kwon na̱ kwi mi̱ njen a̱won, mat na̱ tyei sum bah. A̱wot á̱ si̱ nga a̱ka̱kwon a̱nia ma̱ng á̱ni̱nan ba á̱ weam a̱ni.

Tyai Á̱zanson 7:16

Ba̱ bu byia̱ fa̱k zong, ku mashyi bah. Di̱ mam, ku bu na shwai mba bah; da̱ a̱vwuo ka̱ bu na gurup mba bah.