Ma̱rkut 4:2 - A̠lyiat A̠gwaza na di̠n Tyap: A̠li̠ka̠uli A̠fai

² A̱ si̱ tyiet mba nkyang ma̱ a̱di̱di̱t di̱ kidee, ma̱nang si̱ jini a̱ni, nyia̱,

Ma̱rkut 4:2 Iomraidhean Croise

Matyu 13:10

Mman ta̱m na si̱ bai da̱ a̱vwuo Yesu, ba̱ si̱ lyip gu nyia̱, “Yihwa mbyia̱ a ni̱ ndyiat ma̱ng á̱niet ba di̱ kidee ji?”

Matyu 13:3

Yesu si̱ shei mba nkhang ma̱ a̱di̱di̱t di̱ kidee, nang si̱ nani a̱ni, “Nyi myiai a̱fufwuo nyi fa̱a̱k! A̱tyu khap a̱ghyang wa ghwut a̱ nat nai zwá yak.

Matyu 7:28

Jen nang Yesu ntyak tyiet gu hu a̱ni, á̱kpa á̱niet ka si̱ fa̱k a̱ga̱de di̱ tyiet gu hu.

Ma̱rkut 10:1

Yesu si̱ ghwon Ka̱fanahum, a̱ si̱ nat mi̱ fam a̱byin Yahudiya. A̱ si̱ byia̱k a̱ nat a̱ma̱nyi fam a̱tyin a̱ghyui Urdun. Á̱kpa á̱niet ma̱ a̱di̱di̱t di̱ susot si̱ bu tung da̱ a̱vwuo nggu. A̱ si̱ nwuo tyiet baa, ma̱nang gu mmeang a̱ni.

Ma̱rkut 12:1

Yesu si̱ kin nwuo tyiet a̱cha̱chet a̱yaakwak a̱son ba di̱ kidee nyia̱, “A̱tyok a̱ghyang wa kap a̱byin a̱na̱p. A̱ si̱ nok bat a̱ nkeang kaa. A̱ si̱ lung jhyat da̱ a̱fang nang gu na nshyui a̱sa̱khwot a̱na̱p na a̱ni. A̱wot a̱ si̱ nok a̱ga̱nga̱ng a̱dak nang á̱ na nswan á̱ cham a̱byin ka a̱ni. A̱ si̱ khwap á̱niet khap á̱ghyang a̱byin ka. A̱wot a̱ si̱ nkat a̱keang a̱ghyang.

Ma̱rkut 12:38

Mami tyiet Yesu hu, a̱ si̱ khwat á̱niet khwi nggu ba a̱fufwuo nyia̱, “Nyi ta̱bam ma̱ng a̱yaagwak tyiet doka ba; á̱niet ba̱ fa̱k di̱ kichong á̱ tam ma̱ng a̱cha̱chet a̱yaatoot. Ba̱ chat á̱ li mba á̱ byiat ba á̱ nwuat ba shi mi̱ tungga.

Ma̱rkut 3:23

Huhwa Yesu si̱ yorong mbaa, a̱ si̱ lyiat ma̱ng a̱mba di̱ kidee nyia̱, “Á̱ na nyia̱ ni wa A̱ta̱nyeang ka̱ nkam A̱ta̱nyeang ka̱ ghwut ma̱ á̱niet?

Ma̱rkut 4:11

A̱ si̱ nyia̱ ma̱ng a̱mba a̱ni, “Nyin bya á̱ shim á̱ tyai nyin a̱chuchuk a̱ shya̱ di̱ niat tazwa Tyok A̱gwaza hu a̱ni, nyi fi̱k. A̱wot á̱kum á̱niet ba̱ shya̱ zan ma̱ng a̱nyin a̱ni; kuzang kyang á̱ na tak mba hu di̱ kidee ja.

Ma̱rkut 4:3

“Nyi myiai a̱fufwuo nyi fa̱a̱k! A̱tyu khap a̱ghyang wa nat nai zwá yak.

Yoona 18:19

A̱gba̱ndang pris si̱ lyi̱ri̱m Yesu a̱lyiat tazwa mman ta̱m nggu na ma̱ng nkyang nang gu tyiet a̱ni.