Ma̱rkut 4:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ “Kukwak hu nang zwá yak ji nkwa̱i a̱ni, huhwa yet kidee nfwuo á̱niet ba̱ fa̱k A̱lyiat A̱gwaza na a̱ni; ba̱ si̱ san naa ma̱ng a̱gwai da̱ a̱ka̱nyiung.

Ma̱rkut 4:16 Iomraidhean Croise

Matyu 13:5

“Zwá jhyáng si̱ kwa̱i da̱ a̱vwuo ka̱ yet kukwak a̱ni. Ji̱ si̱ ta ma a̱nggang, mat a̱vwuo ka byia̱ mbyin gba̱mgbam bah.

Ma̱rkut 4:15

“Gak hu nang zwá yak ji nkwa̱i a̱ni, huhwa yet kidee nfwuo á̱niet ba̱ fa̱k a̱lyiat A̱gwaza na a̱ni. A̱wot da̱ a̱bada̱dei njen, nang ba̱ nfa̱k na a̱ni, A̱ta̱nyeang ka si̱ bai ka̱ si̱ ta̱wap A̱lyiat A̱gwaza na, nang á̱ nai mi̱ nfwuo mba na a̱ni. Ka̱ si̱ ghwon mbaa.

Ma̱rkut 4:17

A̱wot nang A̱lyiat A̱gwaza na mbyia̱ á̱ni̱nan ba̱ nwuo á̱ nat gbang mi̱ nfwuo mba na a̱ni bah, ba̱ si̱ mi̱n dabeang mi̱ khwi hu bah. Ki̱ swuo a̱bung ba̱ bai, ku á̱ ya̱shuk baa mat A̱lyiat A̱gwaza na, ba̱ na bwuok lilyim ma a̱nggang.

Ma̱rkut 6:20

Mat a̱gwam Hiridut ku tyong Yoona ba̱t, a̱ si̱ nwuat gu shi. A̱ si̱ chok gu, mat a̱ ku lyen nang gu ngyet a̱tsotswat ma̱ng a̱za̱za̱rak a̱yin wa. Kuzang jen nang a̱gwam Hiridut nfa̱k a̱lyiat Yoona na, fwuo nggu hu ni̱ tyia̱ ma̱ tai za̱m. A̱mgba̱m ma̱ng a̱nia, a̱ ni̱ chat a̱ fwuong a̱lyiat nggu na ma̱ng a̱lyia̱ sai.

Luka 8:13

“Kukwak hu nang zwá yak ji nkwa̱i a̱ni, huhwa yet kidee nfwuo á̱niet ba̱ fa̱k A̱lyiat A̱gwaza na a̱ni; ba̱ si̱ kin san naa ma̱ng a̱gwai. A̱wot nang A̱lyiat A̱gwaza na mbyia̱ á̱ni̱nan ba̱ nwuo á̱ nat gbang mi̱ nfwuo mba na a̱ni bah; huhwa ki̱ swuo a̱bung ba̱ bai, ku á̱ ya̱shuk baa, ba̱ na bwuok lilyim ma a̱nggang.

Yoona 5:35

Yoona ku li nang long fi̱tila hu sai a̱vwuo a̱ni. A̱wot nyi si̱ khai da̱ a̱banjen ma̱ a̱da̱dei, nyi ka gwai mami sai nggu hu.

Nta̱m A̱yaata̱m 26:28

A̱jawa nang A̱gwam A̱ga̱riba nyia̱ ma̱ng Bulut, “A fa a na mwang nung n tyia̱ a̱tyu khwi Yesu ma a̱nggang a?”

Nta̱m A̱yaata̱m 8:13

A̱jawa Siman ma̱ a̱pyia̱ nggu si̱ nwuak a̱chuchuk. Á̱ si̱ nyia̱ nggu ba̱ptisman ji. A̱ si̱ nwuo chong dundung ma̱ng Filibut kuzang a̱vwuo nang gu naat a̱ni. A̱wot a̱ si̱ fa̱k a̱ga̱de tazwa nkyang a̱ri̱bi̱di ma̱ng nkyang a̱ga̱de nang Filibut nyia̱ a̱ni!