Ma̱rkut 4:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ A̱ si̱ nyia̱ ma̱ng a̱mba a̱ni, “Nyin bya á̱ shim á̱ tyai nyin a̱chuchuk a̱ shya̱ di̱ niat tazwa Tyok A̱gwaza hu a̱ni, nyi fi̱k. A̱wot á̱kum á̱niet ba̱ shya̱ zan ma̱ng a̱nyin a̱ni; kuzang kyang á̱ na tak mba hu di̱ kidee ja.

Ma̱rkut 4:11 Iomraidhean Croise

Matyu 11:25

Di̱n jen a̱ja, Yesu si̱ naai A̱gwaza nyia̱, “N dyep ang A̱tyia̱, A̱tyoli a̱ byia̱ tswazwa ma̱ng a̱byin a̱ni. N gwai ang nang a niat nkyang nani da̱ a̱vwuo á̱niet ba̱ fa nyia̱ ba̱ byia̱ mumwang ma̱ng lyen kyang a̱ni; a̱wot a si̱ tyai na kpa̱sai da̱ a̱vwuo á̱niet ba̱ kyiak á̱pyia̱ mba nang mman a̱ni.

Matyu 13:16

“Nyi yet á̱niet a̱li̱ba̱rka bya, mat nyi nwuan ma̱ng á̱ghyi nyin ba, nyi si̱ fi̱k; a̱wot nyi si̱ myiai a̱fufwuo nyin ba, nyi si̱ fwuong.

Matyu 16:17

Yesu si̱ nwuak gu shim nyia̱, “Siman a̱fai Yunana a yet a̱tyu a̱li̱ba̱rka wa, mat a̱tyubishyi wa tyai ang a̱lyiat nani bah. A̱tyia̱ nung wu a̱ shya̱ tswazwa ka a̱ni, nggu wa tyai ang ndyo.

Ma̱rkut 3:23

Huhwa Yesu si̱ yorong mbaa, a̱ si̱ lyiat ma̱ng a̱mba di̱ kidee nyia̱, “Á̱ na nyia̱ ni wa A̱ta̱nyeang ka̱ nkam A̱ta̱nyeang ka̱ ghwut ma̱ á̱niet?

Ma̱rkut 4:10

Jen nang Yesu nshya̱ ma̱nyin gu ma̱ng mman ta̱m nggu na swak ma̱ a̱feang mbeang á̱ghyang á̱niet ba̱ khwi gu a̱ni, ba̱ si̱ lyip gu kyang nang gu fa ma̱ng kidee jini a̱ni.

Ma̱rkut 4:2

A̱ si̱ tyiet mba nkyang ma̱ a̱di̱di̱t di̱ kidee, ma̱nang si̱ jini a̱ni, nyia̱,

Luka 8:10

Yesu si̱ nwuak ba shim nyia̱, “Á̱ shim nyin ndyo nyi fi̱k kyang ku shya̱ di̱ niat tazwa Tyok A̱gwaza hu a̱ni. A̱wot, n tyiet á̱kum á̱niet ka di̱ kidee ja, da̱nian: ‘Ka̱ ba̱ nwuan, ba̱ na li shansham bah. Ka̱ ba̱ fa̱k, da̱ mba ba̱ na fi̱k bah.’

1 A̱korontiyawa 4:7

Yihwa nwuak nyin a̱wat ka nyi khai nyi ntam da̱ a̱yaakwak a̱son nyin ba? Yihwa nang nyi byia̱ da̱nang A̱gwaza wa nang nyin bah? A̱wot ka̱ A̱gwaza wa nang nyin kuzang kyang nang nyi byia̱ a̱ni, yihwa mbyia̱ nyi ntam á ngyei di̱ za̱nang ja bah.

2 A̱korontiyawa 4:6

Mat A̱gwaza wa ku hyia̱ nyia̱, “Yok sai hu, ku sai mi̱ ndyin hu!” Nggu wa bu tyia̱ sai huni ku sai mi̱ nfwuo nzi̱t na, mat zi̱ ka lyen a̱kyenkyai shi A̱gwaza wu ma̱ a̱ghyi Yesu Kristi ba, a̱ ya á̱ghyi ma̱ mya̱myat a̱myat nang á̱ nwuan a̱ni.

A̱fisawa 1:9

Ma̱ninika, A̱gwaza ka̱n tyai nzi̱t kyang ku shya̱ di̱ niat nang gu la̱p a̱ sak tazwa Kristi a̱ni. A̱wot la̱p sak huni ku na bai da̱ a̱nu ka cha̱chaat ma̱nang ku mmyim gu a̱ni.

A̱kolosiyawa 4:5

Nyi ni̱ swan swat mumwang dundung ma̱ng á̱niet ba̱ nwai yet á̱niet khwi Kristi ba a̱ni. A̱wot nyi nyia̱ ta̱m ma̱ng a̱wat nang nyi shya̱ a̱ni, nyi mbeang baa.

1 A̱ta̱solonikawa 4:12

Nyi nyia̱ a̱nia da̱nian nyi ka swan swat shansham da̱ a̱vwuo á̱niet ba̱ nwai khwi Yesu a̱ni, ba̱ bu chyin nyin, a̱wot nyi ka yok ta̱yuk da̱ á̱ghyang á̱niet bah.

1 Timoti 3:7

Ma̱ng a̱tyu nang á̱niet nwai khwi A̱gwaza nwuat gu shi a̱ni; kalak a̱ du kwa mi̱ tsi̱ntsat A̱ta̱nyeang gu khwat a̱pyia̱ nggu nsum.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.