Ma̱rkut 4:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ Jen nang Yesu nshya̱ ma̱nyin gu ma̱ng mman ta̱m nggu na swak ma̱ a̱feang mbeang á̱ghyang á̱niet ba̱ khwi gu a̱ni, ba̱ si̱ lyip gu kyang nang gu fa ma̱ng kidee jini a̱ni.

Ma̱rkut 4:10 Iomraidhean Croise

Matyu 13:3

Yesu si̱ shei mba nkhang ma̱ a̱di̱di̱t di̱ kidee, nang si̱ nani a̱ni, “Nyi myiai a̱fufwuo nyi fa̱a̱k! A̱tyu khap a̱ghyang wa ghwut a̱ nat nai zwá yak.

Matyu 13:36

Nang Yesu nghwon á̱kpa á̱niet ka a̱ta̱usa a̱ni, a̱ si̱ nwuo mali ka nang gu nkhwat a̱ni. Mman ta̱m nggu na si̱ neet á̱ ba̱ shya̱ nggu. Ba̱ si̱ nyia̱, “A̱tyoli, ma̱sa̱kut, wa̱i nzi̱t a̱lyiat na tazwa kidee ja̱m ji mi̱ bibyin hu.”

Ma̱rkut 4:11

A̱ si̱ nyia̱ ma̱ng a̱mba a̱ni, “Nyin bya á̱ shim á̱ tyai nyin a̱chuchuk a̱ shya̱ di̱ niat tazwa Tyok A̱gwaza hu a̱ni, nyi fi̱k. A̱wot á̱kum á̱niet ba̱ shya̱ zan ma̱ng a̱nyin a̱ni; kuzang kyang á̱ na tak mba hu di̱ kidee ja.

Ma̱rkut 4:34

Kang mi̱ kidee ji, a̱ ku lyiat ma̱ng a̱mba bah. A̱wot jen ji gu nshya̱ ma̱nyin gu ma̱ng mman ta̱m nggu na a̱ni, a̱ ni̱ wa̱i mba kidee ji kpa̱sai.

Ma̱rkut 4:9

Yesu si̱ nyia̱, “Konyan wa chat lyen a̱ni gu myiai a̱fufwuo gu fa̱a̱k!”

Ma̱rkut 7:17

Nang Yesu nghwon á̱kpa á̱niet ka a̱ si̱ nwuo a̱mali a̱ni, mman ta̱m nggu na si̱ lyip gu kyang gu fa ma̱ng kidee jini a̱ni.