Ma̱rkut 4:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Yesu si̱ bu nwuo tyiet a̱beam a̱gba̱ndang jok Ga̱lili. Á̱kpa á̱niet ka si̱ tung ba̱t, ba̱ si̱ feap guu. Ku si̱ tyia̱ a̱ si̱ nwuo kukwon a̱wak hu, a̱ si̱ swan mami, a̱ si̱ shya̱i nang á̱niet ba shya̱ di̱n khwong a̱gba̱ndang jok hu.

Ma̱rkut 4:1 Iomraidhean Croise

Ma̱rkut 2:13

Yesu si̱ ghwon Ka̱fanahum a̱ si̱ bu bwuok a̱ nat di̱n khwong a̱gba̱ndang jok Ga̱lili hu. Á̱kpa á̱niet ma̱ a̱di̱di̱t si̱ nat, á̱ si̱ shya̱ Yesu. A̱ si̱ yong mi̱ di̱ tyiet mbaa.

Ma̱rkut 3:7

Yesu ma̱ng mman ta̱m nggu na si̱ doot, ba̱ si̱ nat a̱beam a̱gba̱ndang jok ka. Á̱kpa á̱niet ma̱ a̱di̱di̱t si̱ khwi mba neet di̱ nfam bibyin Ga̱lili ma̱ng Yahudiya.

Ma̱rkut 3:9

Mat á̱kpa á̱niet ka, Yesu si̱ tak ma̱ng mman ta̱m nggu na, nyia̱ ba̱ bai ma̱ a̱nggu a̱da̱dei kukwon a̱wak a̱nyiung gu ka shya̱i, kalak á̱niet ba ba̱ du feap guu.

Ma̱rkut 4:36

Nang ba̱ n ghwon á̱kpa á̱niet ka a̱ni, ba̱ si̱ nwuo kukwon a̱wak hu, ba̱ si̱ nkat. A̱mgba̱m ma̱ng a̱nia, a̱kukwon a̱wak á̱ghyang si̱ khwi ngguu.

Ma̱rkut 5:2

Mi̱ di̱ chyok Yesu mi̱ kukwon a̱wak hu, a̱tyok a̱ghyang a̱ byia̱ á̱ka̱tuk ntswá a̱ni, si̱ kin ghwut a̱ neet mi̱ kuu nang á̱ nsaai nkwom a̱ni, a̱ si̱ bai a̱ ba̱ myim ma̱ng a̱nggu!

Ma̱rkut 5:21

Jen nang Yesu bu ku mbyia̱k a̱gba̱ndang jok wu mi̱ kukwon a̱wak hu a̱ bwuok a̱ nat a̱ma̱nyi keniaau a̱ni; á̱kpa á̱niet ka si̱ tyong gu á̱ keang nang gu ni̱ shya̱ a̱beam a̱gba̱ndang jok ka.