Ma̱rkut 3:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Mat á̱kpa á̱niet ka, Yesu si̱ tak ma̱ng mman ta̱m nggu na, nyia̱ ba̱ bai ma̱ a̱nggu a̱da̱dei kukwon a̱wak a̱nyiung gu ka shya̱i, kalak á̱niet ba ba̱ du feap guu.

Ma̱rkut 3:9 Iomraidhean Croise

Matyu 15:39

Yesu si̱ ti̱n á̱kpa á̱niet ka ba̱ si̱ nkat a̱mali. A̱wot a̱ si̱ nwuo kukwon a̱wak, a̱ si̱ wak a̱ byia̱k a̱ nat fam a̱byin Ma̱ga̱dan.

Ma̱rkut 4:1

Yesu si̱ bu nwuo tyiet a̱beam a̱gba̱ndang jok Ga̱lili. Á̱kpa á̱niet ka si̱ tung ba̱t, ba̱ si̱ feap guu. Ku si̱ tyia̱ a̱ si̱ nwuo kukwon a̱wak hu, a̱ si̱ swan mami, a̱ si̱ shya̱i nang á̱niet ba shya̱ di̱n khwong a̱gba̱ndang jok hu.

Ma̱rkut 4:36

Nang ba̱ n ghwon á̱kpa á̱niet ka a̱ni, ba̱ si̱ nwuo kukwon a̱wak hu, ba̱ si̱ nkat. A̱mgba̱m ma̱ng a̱nia, a̱kukwon a̱wak á̱ghyang si̱ khwi ngguu.

Ma̱rkut 5:2

Mi̱ di̱ chyok Yesu mi̱ kukwon a̱wak hu, a̱tyok a̱ghyang a̱ byia̱ á̱ka̱tuk ntswá a̱ni, si̱ kin ghwut a̱ neet mi̱ kuu nang á̱ nsaai nkwom a̱ni, a̱ si̱ bai a̱ ba̱ myim ma̱ng a̱nggu!

Ma̱rkut 5:30

Mi̱ di̱ yong a̱hwa, Yesu si̱ kin fa̱k si̱sak ji chet choot á̱niet hu nghwut ma̱ a̱nggu a̱ni. Huhwa a̱ si̱ bwuak, a̱ si̱ lyip mami á̱kpa á̱niet ka nyia̱, “A̱nyan wa byiam a̱junjung a̱toot nung wu?”

Ma̱rkut 6:32

Huhwa ba̱ si̱ nwuo kukwon a̱wak hu. Mba ma̱nyin ba, ba̱ si̱ wak á̱ byia̱k á̱ nat da̱ a̱vwuo ka̱ sang a̱yin a̱ni.

Luka 5:1

Á̱ghyang á̱tuk, nang Yesu nshya̱ di̱ tyiet di̱n khwong a̱gba̱ndang jok Ga̱lili a̱ni; á̱kpa á̱niet si̱ keang gu da̱nian ba̱ ka fa̱k A̱lyiat A̱gwaza na.

Luka 5:3

Yesu si̱ kan nwuo a̱ swan mi̱ kukwon a̱wak nyiung, ku yet si̱ Siman a̱ni. A̱ si̱ nyia̱ ma̱ng Siman, “Yuut kukwon hu ma̱ a̱da̱dei ku nwuo mami a̱sa̱khwot na.” Mi̱ kukwon a̱wak huhwa nang Yesu ku nswan, a̱ si̱ ntyiet á̱kpa á̱niet ka.

Yoona 6:15

Nang Yesu ndyen nang ba̱ nchobai ba̱ ta̱bat guu, ba̱ ka kup gu tyok mi̱ chet; huhwa si̱ mbyia̱ a̱ si̱ tyia̱ ghyuai a̱ ghwut. A̱ si̱ nkat tazwa tsutsok ka nggu ma̱nyin nggu.