Ma̱rkut 3:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ Yesu ma̱ng mman ta̱m nggu na si̱ doot, ba̱ si̱ nat a̱beam a̱gba̱ndang jok ka. Á̱kpa á̱niet ma̱ a̱di̱di̱t si̱ khwi mba neet di̱ nfam bibyin Ga̱lili ma̱ng Yahudiya.

Ma̱rkut 3:7 Iomraidhean Croise

Matyu 10:23

A̱wot ka̱ á̱ ta̱shuk nyin ma̱ a̱keang a̱ghyang, nyi tyong nat ma̱ a̱keang a̱ghyang a̱zanson. N tak nyin a̱tsak a̱lyiat, neet nang nyi ka̱n tyak nwuai a̱mgba̱m a̱ka̱keang Isi̱rela na bah, Nggwon A̱tyubishyi na bwuok a̱ bai.

Matyu 12:15

Nang Yesu nfi̱k kyang ba̱ vwuoi a̱ni, a̱ si̱ doot a̱ja. Á̱kpa á̱niet ma̱ a̱di̱di̱t si̱ khwi ngguu. A̱ si̱ choot a̱mgba̱m á̱niet nzwán ma̱ mba.

Matyu 12:16

A̱wot a̱ si̱ gba mba nyia̱ da̱ ba̱ yok tyai nggu bah.

Matyu 4:25

Á̱kpa á̱niet á̱ghyang ma̱ a̱di̱di̱t si̱ khwi nggu á̱ nat kuzang a̱vwuo. Á̱niet si̱ neet ma̱ a̱keang Urusha̱lima, ma̱ng nfam bibyin Ga̱lili, Dikafolit, ma̱ng a̱mgba̱m fam a̱byin Yahudiya, ma̱ng á̱niet nfam bibyin a̱ma̱nyi a̱ghyui Urdun ka.

Ma̱rkut 1:39

Yesu si̱ chong a̱ kai a̱byin Ga̱lili, a̱ si̱ shei A̱sham nkhang A̱gwaza ka ma̱ á̱tutu a̱tung A̱yahudawa ba. A̱ si̱ khai á̱ka̱tuk ntswá ba̱ ghwut ma̱ á̱niet ma̱ a̱di̱di̱t.

Ma̱rkut 1:45

A̱mgba̱m ma̱ng a̱nia, a̱tyu gbap wu si̱ ghwut a̱ si̱ ta̱bat shei nkhang ma̱ sa̱t, a̱ kwok si̱sak nang á̱ nchoot gu a̱ni. Nkhang na si̱ kai kuzang a̱vwuo, ku si̱ tyia̱ Yesu si̱ bu maai a̱ nwuo ma̱ a̱keang kpa̱sai bah. A̱ si̱ ghwut, a̱ si̱ swuat nta da̱ a̱vwuo da̱nang á̱niet nshya̱ a̱ni bah. Ma̱ng a̱nia, á̱niet ba si̱ ka ghwut da̱ a̱ka̱vwuo ma̱ a̱di̱di̱t á̱ chong á̱ ba̱ shyat guu.

Ma̱rkut 3:20

Á̱ si̱ labeang bah, Yesu si̱ nwuo a̱mali a̱ghyang, a̱wot á̱kpa á̱niet si̱ bu tung a̱ja. Ku si̱ vwuong Yesu ma̱ng mman ta̱m nggu na ya kyayak.

Ma̱rkut 4:1

Yesu si̱ bu nwuo tyiet a̱beam a̱gba̱ndang jok Ga̱lili. Á̱kpa á̱niet ka si̱ tung ba̱t, ba̱ si̱ feap guu. Ku si̱ tyia̱ a̱ si̱ nwuo kukwon a̱wak hu, a̱ si̱ swan mami, a̱ si̱ shya̱i nang á̱niet ba shya̱ di̱n khwong a̱gba̱ndang jok hu.

Luka 23:5

A̱jawa ba̱ si̱ yong mi̱ chet ba̱t, nyia̱, “Tyiet nggu hu ni̱ fuut jhya̱ koji wa nang gu nnat; ba̱ng si̱ tat a̱mgba̱m fam a̱byin Yahudiya! A̱ ku tsa tangka̱i tyiet huni neet mi̱ fam a̱byin Ga̱lili. A̱wot a̱ bu bai ma̱ng tyiet nggu hu a̱ji mi̱ Urusha̱lima!”

Luka 6:12

Á̱ghyang á̱tuk, Yesu si̱ nat di̱ tsok di̱ naai A̱gwaza. A̱ si̱ tyak a̱tyetuk ka nang gu naai guu.

Luka 6:17

Nang ba̱ nchyok á̱ neet di̱ tsok ji a̱ni, a̱gba̱ndang á̱kpa mman ma̱ a̱di̱di̱t si̱ yong ndung ma̱ng Yesu di̱ tyan ji byia̱ a̱kpai, ji̱ si̱ myia̱ dadaa a̱ni. A̱gba̱ndang á̱kpa á̱niet ba̱ khwi Yesu a̱ni, si̱ tyong mba á̱ keang. Ba̱ ku neet mi̱ kuzang a̱vwuo mi̱ fam a̱byin Yahudiya ma̱ng a̱keang Urusha̱lima. Á̱ghyang á̱niet si̱ bu neet ma̱ gbang mi̱ fam a̱za Taya ma̱ng Sidon; a̱ka̱keang na̱ shya̱ kpa̱mkpaan ma̱ng kyai a̱sa̱khwot a̱ni.

Yoona 7:41

Á̱ghyang á̱niet mami mba si̱ nyia̱, “A̱tyu wuni wa yet A̱tyusan nang zi̱ fwuong a̱ni!” A̱wot á̱ghyang á̱niet si̱ nyia̱, “Yihwa a? Kristi, a̱tyu nang A̱gwaza na kup gu tyok a̱ni, na ghwut ma̱ a̱byin Ga̱lili kyaa?

Yoona 7:52

Ba̱ si̱ nyia̱, “Nwan meang, a yet a̱tyu Ga̱lili wa a? Zop A̱lyiat A̱gwaza na shansham a lii; á̱ byia̱ a̱ta̱m a̱kwonu A̱gwaza a̱ na ghwut ma̱ a̱byin Ga̱lili a̱ni bah!”

Nta̱m A̱yaata̱m 17:10

A̱tyetuk a̱tuk a̱kya, á̱niet khwi ba si̱ ta̱m Bulut ma̱ng Sila ma̱ a̱keang Bi̱riya. Nang ba̱ si̱ nnwuo a̱ja a̱ni, ba̱ si̱ swak á̱ nat mi̱ tutu a̱tung A̱yahudawa hu.

Nta̱m A̱yaata̱m 17:14

Á̱niet khwi ba si̱ kin ti̱n Bulut ma a̱nggang. Ba̱ si̱ ta̱m ma̱ng a̱nggu a̱zanu a̱byia̱k kyai a̱sa̱khwot. A̱wot á̱ si̱ ghwon Sila ma̱ng Timoti ma̱ a̱keang Bi̱riya ka.