Ma̱rkut 3:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Yesu si̱ nwuan mba a̱ kaat mami a̱lyia̱ ya, ma̱ng byian nfwuo, mat lak fwuong mba hu. A̱ si̱ nyia̱ ma̱ng a̱tyu nang bwak hu khwu a̱ni, “Neap bwak ang hu!” A̱ si̱ neap bwak nggu hu, ku si̱ kin choot ka̱p!

Ma̱rkut 3:5 Iomraidhean Croise

Matyu 12:13

A̱jawa Yesu si̱ nyia̱ ma̱ng a̱tyu nang bwak nggu hu khwu a̱ni, “Neap bwak ang hu.” A̱tyok a̱wa si̱ neap bwak nggu hu. A̱wot bwak hu si̱ kin tyia̱ ka̱nka̱ra̱ng nang nyiung hu a̱ni.

Ma̱rkut 3:4

Yesu si̱ lyip ba nyia̱, “Yihwa doka ji shim á̱ nyia̱ a̱tuk Mam Fwung ka? Ji̱ shim á̱ nyia̱ shok ja, kee a̱ka̱tuk? Ku myim á̱ san swuan ja, kee á̱ hyat ji wa?” A̱wot á̱niet ba si̱ tyia̱ nywang.

Luka 13:15

A̱wot A̱tyoli Yesu si̱ nyia̱ ma̱ng a̱mba a̱ni, “Nyin á̱bubuk á̱niet! Konyan ma̱nyin ni̱ nyia̱ ta̱m a̱tuk Mam Fwung! Mee nyi ni̱ byii̱k nyak ku a̱ka̱za̱nki di̱n tyan la̱p ji a̱tuk Mam Fwung kya, nyi nat ma̱ng a̱nji ji̱ swuo a̱sa̱khwot naa?

Luka 17:14

A̱ si̱ nwuan mbaa, a̱ si̱ nyia̱, “Nyi nat, nyi si̱ tak á̱pyia̱ nyin da̱ a̱vwuo a̱yaapris ba; ba̱ ka li si̱sak nyi nchoot a̱ni.” Nang ba̱ nshya̱ da̱ a̱chyet ka a̱ni, ba̱ si̱ li nang á̱ nchoot ba gbap hu.

Luka 6:10

Yesu si̱ nwuan mba a̱nyanyin, huhwa gu nyia̱ ma̱ng a̱tyu nang bwak nggu hu khwu a̱ni, “Neap bwak ang hu!” A̱tyu a̱wa si̱ neap bwak nggu hu. A̱wot bwak nggu hu si̱ kin choot!

Yoona 9:7

A̱ si̱ nyia̱ ma̱ng a̱nggu, “Nat, a kwi á̱ghyi ang ba mi̱ njok Si̱luwam” (A̱lyoot kani fa “Á̱ Ta̱m”). A̱tyu a̱fi̱fan wu si̱ nat, a̱ si̱si̱ kwi á̱ghyi ba. A̱ si̱ shya̱ nwuan a̱vwuo, a̱ si̱ bwuok a̱ bai.

A̱romawa 11:25

Á̱na̱nyiuk nung ba ba̱ yet á̱niet khwi Yesu ba nang n chat a̱ni, n chat nyi chyi kyang huni ku shya̱ di̱ niat a̱ni bah, kalak nyi na kyiak á̱pyia̱ nyin nang á̱niet mumwang a̱ni. Á̱niet Isi̱rela ma̱ a̱di̱di̱t na ya a̱son ma̱ng gba̱p á̱pyia̱ mba, si̱ nang á̱ shya̱ a̱jhyem sot Nnwap na̱ nwai yet A̱yahudawa nang A̱gwaza khai ba̱ nwuak fwuo di̱ Kristi a̱ni.

2 A̱korontiyawa 3:14

A̱wot nfwuo á̱niet Isi̱rela na ku tyia̱ gba̱pdok. A̱wot ba̱ng ba̱ tat a̱fwun, kuzang jen nang á̱ ni̱ nfang doka a̱khwukhwop la̱p a̱li̱ka̱uli ji, ku li nang a̱toot a̱wa wa kup nfwuo mba na, kalak ba̱ fi̱k a̱tsatsak a̱lyiat wu. A̱wot mat nwuak fwuo di̱ Kristi hwa ma̱nyin nggu, na tyia̱ á̱ nkhwuk a̱toot a̱wa, ba̱ ka li.

A̱fisawa 4:18

Nfwuo mba na ni̱ byia̱ lyin. Ba̱ si̱ teap á̱ tyia̱ zan ba̱ si̱ ghwon swuan swai nang A̱gwaza nwuat a̱ni. Mat ba̱ yet á̱niet lak fwuong bya, a̱wot ba̱ si̱ byia̱ gba̱p a̱pyia̱.

A̱fisawa 4:26

A̱wot ma̱nang á̱ ndyuut a̱ni, “Ka̱ nyi mwai lyen, nyi yok ghwon ku tyia̱ nyin nyia̱ a̱ka̱tuk nyia̱ bah.” Nyi yok ghwon mam ku kwa nang nyi ya a̱son ma̱ng mwai lyen bah.

A̱fisawa 4:30

Nyi ta̱bam kalak nyi du byian A̱za̱za̱rak Ntswa wu fwuo, mat swat nyin hu. Mat A̱za̱za̱rak Ntswa wu a̱ shya̱ ma̱ nyin a̱ni, nggu wa yet a̱timi a̱ tak nang nyi ngyet á̱niet A̱gwaza bya a̱ni. Nggu wa bu na tak nang nyi na nshya̱ san nyi yet á̱sa̱t á̱niet a̱tuk mam shi̱ri̱ya A̱gwaza ka.

Ibriniyawa 3:10

Huhwa si̱ mbyia̱, n si̱ mwai lyen ma̱ng che a̱ja. A̱wot n si̱ nyia̱, ‘Kuzang jen nfwuo mba na bwan á̱ tyei zan á̱ ghwon nung. Ba̱ lak khwi doka nang n tak ba ba̱ khwi a̱ni.’

Ibriniyawa 3:17

A̱wot a̱nyanyan bya nang A̱gwaza ku mwai lyen hu ma̱ng a̱mba, si̱ nat a̱lyia̱ swak naai ka? N wa ngyei ma̱ á̱niet ba ba̱ ku nyia̱ a̱ka̱tuk nyia̱ wu, ba̱ si̱ kwi, á̱ si̱ ghwon nkwom mba na mi̱ tswa a̱yit ji a̱ni a?

Ibriniyawa 5:9

Mat a̱nia wa mbyia̱, A̱gwaza si̱ li Kristi maai a̱ yet A̱gba̱ndang Pris a̱ sang a̱bun a̱ni. A̱wot a̱ yet a̱tyin shya̱ san sang sangba̱p a̱mgba̱m á̱niet ba̱ khwi nggu a̱ni.

Tyai Á̱zanson 6:16

Ba̱ si̱ yei a̱ka̱fan ma̱ng tsutsok nyia̱, “Nyi kwoi da̱ nzi̱t! Nyi niat zi̱t, kalak a̱tyu a̱ swan da̱ a̱gba̱ndang chuk tyok wu a̱ni, a̱ li nzi̱t! A̱wot zi̱ ka shot a̱tsotswat mwai lyen Fi̱ng A̱nfwuk hu!