Ma̱rkut 3:3 - A̠lyiat A̠gwaza na di̠n Tyap: A̠li̠ka̠uli A̠fai

³ Huhwa Yesu si̱ nyia̱ ma̱ng a̱tyu nang bwak hu khwu a̱ni, “Doot, a bai konyan á̱ li ang!”

Ma̱rkut 3:3 Iomraidhean Croise

Matyu 12:10

A̱ si̱ kin di a̱tyok a̱ghyang a̱ja nang bwak nggu hu khwu a̱ni. A̱fa̱risawa ba si̱ lyip Yesu nyia̱, “Doka ji shim á̱ nyia̱ ta̱m choot a̱yin a̱tuk Mam Fwung kaa?” (Ba̱ ku fa nyia̱ Yesu na shim, da̱nian ba̱ ka shya̱ ta̱fwat nang ba̱ na mbat gu a̱hyiak a̱ni).

Ma̱rkut 3:2

Huhwa á̱ghyang á̱niet ba̱ lak li Yesu a̱ni, ba̱ si̱ tyia̱ nggu á̱ghyi ba̱ li ke a̱ na choot a̱tyu nang bwak hu khwu a̱ni a̱tuk Mam Fwung A̱yahudawa ka; ba̱ ka shya̱ kyang nang ba̱ na ntyap gu a̱ni.

Ma̱rkut 3:4

Yesu si̱ lyip ba nyia̱, “Yihwa doka ji shim á̱ nyia̱ a̱tuk Mam Fwung ka? Ji̱ shim á̱ nyia̱ shok ja, kee a̱ka̱tuk? Ku myim á̱ san swuan ja, kee á̱ hyat ji wa?” A̱wot á̱niet ba si̱ tyia̱ nywang.

Luka 6:8

A̱wot nang Yesu wa ka̱n dyen a̱di̱dam mba wu a̱ni, a̱ si̱ nyia̱ ma̱ng a̱tyok nang bwak yak nggu hu khwu a̱ni, “Doot, a bai a̱zaghyi konyan.” A̱tyok a̱wa si̱ nat, a̱ si̱ yong a̱zaghyi mba.

Yoona 9:4

“Ku yet ta hwa zi̱ nyia̱ ta̱m a̱tyu a̱ ta̱m nung a̱ni, neet nang mam ni̱ sai. A̱tyetuk na khwat, da̱nang a̱yin si̱ mi̱n nyia̱ ta̱m a̱ni bah.

1 A̱korontiyawa 15:58

Mat a̱nia, nyin á̱niet khwi Yesu ba nang n chat a̱ni, nyi yong mi̱ chet. Nyi yok shyei bah. Kuzang jen, nyi ni̱ mbyia̱ di̱dang nyia̱ nta̱m A̱gwaza na ma̱ng fwuo nyiung. Mat nyi lyen á̱ mbyia̱ ta̱m nang nyi nyia̱ da̱nian A̱gwaza, ku na yet a̱buk kyang a̱ni bah.

A̱ga̱la̱tiyawa 6:9

Mat a̱nia, zi̱ yok van ma̱ng nyian á̱ghyang a̱tan nta̱m bah. Mat ka̱ zi̱ nti̱n fwuo bah, da̱ a̱cha̱chaat jen chak yak wu, zi̱ na shya̱ kpangti̱n gba̱mgbam.

A̱filibiyawa 1:14

A̱wot nang á̱ nnyim nung mi̱ jaru ji a̱ni, ku tyia̱ á̱niet khwi A̱tyoli Kristi ma̱ a̱di̱di̱t a̱ji si̱ mbeang gbang a̱lyia̱ hu. Ba̱ si̱ shei a̱lyiat A̱gwaza na ma̱ sa̱t, di̱ mi̱n fa̱k a̱wun.

1 Bitut 4:1

Mat a̱nia, nang Yesu nswuo a̱bung mi̱ vam a̱ni, ku yet ta hwa nyi yong mi̱ chet ma̱nang a̱nggu a̱ni. A̱wot nyi swan ma̱ng la̱p vam fwuong swuo a̱bung meang. Mat ka̱ nyi swuo a̱bung da̱nian Kristi, ku tak nang a̱ka̱tuk nyia̱ bu byia̱ tyok tazwa nyin bah.