Ma̱rkut 3:2 - A̠lyiat A̠gwaza na di̠n Tyap: A̠li̠ka̠uli A̠fai

² Huhwa á̱ghyang á̱niet ba̱ lak li Yesu a̱ni, ba̱ si̱ tyia̱ nggu á̱ghyi ba̱ li ke a̱ na choot a̱tyu nang bwak hu khwu a̱ni a̱tuk Mam Fwung A̱yahudawa ka; ba̱ ka shya̱ kyang nang ba̱ na ntyap gu a̱ni.

Ma̱rkut 3:2 Iomraidhean Croise

Matyu 12:10

A̱ si̱ kin di a̱tyok a̱ghyang a̱ja nang bwak nggu hu khwu a̱ni. A̱fa̱risawa ba si̱ lyip Yesu nyia̱, “Doka ji shim á̱ nyia̱ ta̱m choot a̱yin a̱tuk Mam Fwung kaa?” (Ba̱ ku fa nyia̱ Yesu na shim, da̱nian ba̱ ka shya̱ ta̱fwat nang ba̱ na mbat gu a̱hyiak a̱ni).

Ma̱rkut 3:3

Huhwa Yesu si̱ nyia̱ ma̱ng a̱tyu nang bwak hu khwu a̱ni, “Doot, a bai konyan á̱ li ang!”

Luka 14:1

A̱tuk Mam Fwung A̱yahudawa á̱ghyang, Yesu si̱ nat ya kyayak a̱mali a̱kwak a̱son A̱fa̱risawa. A̱wot á̱niet ba si̱ tyia̱ á̱ghyi á̱ cham gu.

Luka 20:20

Á̱niet tyiet doka A̱gwaza ma̱ng a̱cha̱chet a̱yaapris ba si̱ cham Yesu. Ba̱ chat ba̱ shya̱ a̱wat nang ba̱ na nta̱bat nggu a̱ni. Mat a̱nia, ba̱ si̱ ta̱m á̱niet zop da̱ bang, ba̱ nat ba̱ si̱ tya̱ra̱m Yesu, gu ka hyia̱ kyang ku na tyia̱ gwomna A̱romawa wu a̱ nta̱bat gu a̱ni.

Luka 6:7

A̱yaagwak tyiet doká A̱gwaza ma̱ng A̱fa̱risawa si̱ tyia̱ Yesu á̱ghyi, á̱ cham nggu. Da̱nian ba̱ ka li ka̱ a̱ na nyia̱ ta̱m choot a̱tyu nang bwak hu khwu a̱ni, a̱tuk Mam Fwung ka; ba̱ ka shya̱ ta̱fwat nang ba̱ na mbat gu a̱bun a̱ni.

Yoona 8:6

Ba̱ ku lyip gu a̱lyiat nani, da̱nian ba̱ tya̱ra̱m nggu, ba̱ ka shya̱ kyang hu nang ba̱ na ntyap guu, ba̱ tyia̱ nggu a̱bun a̱ni. A̱mgba̱m ma̱ng a̱nia, Yesu si̱ beak, a̱ si̱ lyuut a̱byin ma̱ng ga̱swuong.

Yoona 9:16

Huhwa A̱fa̱risawa á̱ghyang si̱ nyia̱, “A̱tyu wuni neet da̱ a̱vwuo A̱gwaza bah. Mat a̱ nyia̱ ta̱m a̱ si̱ tyat doka a̱tuk Mam Fwung ji!” Á̱ghyang á̱niet mameang, ba̱ si̱ nyia̱, “Á̱ na nyia̱ ni wa a̱tyu a̱ka̱tuk nyia̱ gu nnyia̱ ntangka̱i a̱cha̱chet nkyang a̱ga̱de nani?” Huhwa ba̱ si̱ ta̱bat ya fwuang ma̱ng á̱ghyang mba.